ਕਾਠਗਡ਼੍ਹ (ਜਤਿੰਦਰ ਪਾਲ ਸਿੰਘ ਕਲੇਰ) : ਸਮੇਂ ਸਮੇਂ ਜਰੂਰਤਮੰਦ ਲੋਕਾ ਨੂੰ ਮੁਫਤ ਮੈਡੀਕਲ ਸਹੂਲਤਾ ਪ੍ਰਦਾਨ ਕਰਨ ਦੇ ਨਾਲ ਨਾਲ ਲੋੜਵੰਦ ਲੋਕਾ ਦੀ ਮਾਇਕ ਸਹਾਇਕ ਕਰਦੇ ਆ ਰਹੇ ਸੁਨੀਤਾ ਚੈਰੀਟੇਬਲ ਹਸਪਤਾਲ ਮੰਢਿਆਣੀ ਰੋਡ ਬਲਾਚੌਰ ਵਲੋ ਸਮਾਜ ਸੇਵੀ ਖੇਤਰ ਵਿੱਚ ਪੁੱਟੀ ਇੱਕ ਛੋਟੀ ਜਿਹੀ ਹੋਰ ਪੁਲਾਂਘ ਵਿਦਿਆਗ ਮਹਿਲਾ ਦੇ ਸਵੈ ਰੁਜਗਾਰ ਨੂੰ ਅੱਗੇ ਵਧਾਉਣ ਵਿੱਚ ਮੱਦਦਗਾਰ ਸਿੱਧ ਹੋਵੇਗੀ ।ਸੁਨੀਤਾ ਚੈਰੀਟੇਬਲ ਹਸਪਤਾਲ ਮੰਢਿਆਣੀ ਰੋਡ ਦੀ ਮੈਨੇਜਿੰਗ ਡਾਇਰੈਕਟਰ ਸੁਨੀਤਾ ਸ਼ਰਮਾਂ ਅਤੇ ਚੇਅਰਮੈਨ ਅਮਨ ਵਰਮਾਂ ਵਲੋਂ ਇੱਥੋ ਤਿੰਨ ਕਿਲੋਮੀਟਰ ਦੀ ਦੂਰੀ ਤੇ ਸਥਿਤ ਪਿੰਡ ਕੰਗਨਾ ਬੇਟ ਦੀ ਦਿਵਿਆਂਗ ਮਹਿਲਾ ਜੋਤੀ ਗੰਗੜ ਜਿਹੜੀ ਕਿ ਪਿੰਡ ਕੰਗਨਾ ਬੇਟ ਵਿਖੇ ਹੀ ਜਸ਼ਨ ਬੂਟੀਕ ਚਲਾਉਂਦੀ ਹੈ ਨੂੰ ਆਪਣਾ ਕੰਮ ਵਧਾਉਣ ਲਈ ਇੱਕ ਸਿ਼ਲਾਈ ਮਸ਼ੀਨ ਦੀ ਸਹਾਇਤਾ ਦਿੱਤੀ ਗਈ । ਇਸ ਮੌਕੇ ਸੁਨੀਤਾ ਸ਼ਰਮਾਂ ਨੇ ਜੋਤੀ ਗੰਗੜ ਦੀ ਕੜੀ ਮਿਹਨਤ ਦੀ ਸ਼ਲਾਘਾ ਕਰਦਿਆ ਕਿਹਾ ਆਪਣੀ ਮਿਹਨਤ ਦੇ ਬਲਬੂਤੇ ਨਾਲ ਬੂਟੀਕ ਨੂੰ ਰੁਜਗਾਰ ਬਣਾ ਕੇ ਗੁਜਾਰੇ ਦਾ ਵੱਡਾ ਸਾਧਨ ਬਣਾਇਆ ਹੈ ਅਤੇ ਇਸ ਹਿੰਮਤੀ ਔਰਤ ਨੇ ਆਪਣੀ ਦਿਵਿਆਗਤਾ ਨੂੰ ਰੁਕਾਵਟ ਬਣਨ ਨਹੀ ਅਤੇ ਆਤਮ ਨਿਰਭਰ ਹੋਣ ਦੀ ਵੱਡੀ ਮਿਸਾਲ ਕਾਇਮ ਕੀਤੀ ਹੈ।ਇਸ ਮੌਕੇ ਉਹਨਾਂ ਜੋਤੀ ਗੰਗੜ ਦੇ ਪਤੀ ਜਸਵਿੰਦਰ ਸਿੰਘ ਜਿਹੜੇ ਕਿ ਬਤੌਰ ਪਾਠੀ ਸੇਵਾਵਾਂ ਨਿਭਾਅ ਰਹੇ ਹਨ ਅਤੇ ਉਹ ਵੀ ਦਿਵਿਆਂਗ ਅਵਸਥਾ ਹਨ ਦੀ ਸਲਾਨਾ ਕੀਤੀ ਗਈ।

ਅੱਜ ਮਹਿਲਾ ਦਿਵਸ ਤੇ ਸੁਨੀਤਾ ਸ਼ਰਮਾਂ ਨੇ ਕਿਹਾ ਕਿ ਅਜੋਕੇ ਸਮੇਂ ਵਿੱਚ ਭਾਵੇਂ ਆਪਣੀ ਮਿਹਨਤ ਦੇ ਬਲਬੂਤੇ ਔਰਤ ਹਰ ਮੁਕਾਮ ਤੇ ਪੁੱਜ ਕੇ ਕੀਰਤੀਮਾਨ ਸਥਾਪਤ ਕਰ ਚੁੱਕੀ ਹੈ । ਮਗਰ ਇਸ ਦੇ ਬਾਵਜੂਦ ਵੀ 15ਵੀ ਅਤੇ 16ਵੀਂ ਸਦੀ ਦੀ ਜੋ ਔਰਤ ਪ੍ਰਤੀ ਵਿਤਕਰੇ ਦੀ ਰਹਿੰਦ ਖੂੰਦ ਹੈ ਉਹ ਸਾਡੇ ਸਮਾਜ ਅੰਦਰੋਂ ਪੂਰੀ ਤਰ੍ਹਾਂ ਨਿਕਲੀ ਨਹੀਂ ਹੈ । 21ਵੀਂ ਸਦੀ `ਚ ਔਰਤ ਘਰ ਚੋਂ ਬਾਹਰ ਤਾਂ ਜ਼ਰੂਰ ਨਿਕਲੀ ਹੈ ਪਰ ਅੱਜ ਵੀ ਉਸ ਦੇ ਅੱਗੇ ਇਸ ਰੂੜੀਵਾਦੀ ਸਮਾਜ ਦੀਆਂ ਬਹੁਤ ਸਾਰੀਆਂ ਮੁਸ਼ਕਿਲਾਂ ਸਾਹਮਣੇ ਹਨ । ਜੇਕਰ ਅਸੀਂ ਪਿਛੋਕੜ ਅਤੇ ਮੌਜੂਦਾ ਸਮੇਂ ਦਾ ਲੇਖਾ ਜੋਖਾ ਕਰੀਏ ਤਾਂ ਅੱਜ ਵੀ ਹਨੇਰੇ `ਚ ਧੱਕੀ ਜਾ ਰਹੀ ਔਰਤ ਨੂੰ ਬਰਾਬਰੀ ਤੱਕ ਪੁੱਜਣ ਲਈ ਹੋਰ ਕਰੜੇ ਸੰਘਰਸ਼ ਦਾ ਸਮ੍ਹਾਂ ਤੈਅ ਕਰਨਾ ਪਵੇਗਾ । ਇਸ ਤਰ੍ਹਾਂ ਅੱਜ ਦੇ ਜ਼ਮਾਨੇ ਵਿੱਚ ਜੇਕਰ ਸਭ ਤੋਂ ਵੱਧ ਤਸ਼ੱਦਦ ਦੀ ਚੱਕੀ ਵਿੱਚ ਪੀੜ ਰਹੀ ਹੈ ਤਾਂ ਉਹ ਕੋਈ ਨਾ ਕੋਈ ਔਰਤ ਹੀ ਹੈ । ਉਹਨਾਂ ਕਿਹਾ ਕਿ ਔਰਤ ਪੇਂਡੂ ਹੋਵੇ ਚਾਹੇ ਸ਼ਹਿਰੀ ਉਸ ਦਾ ਪੜ੍ਹਿਆ ਲਿਖਿਆ ਅਤੇ ਕਿੱਤਾ ਮੁੱਖੀ ਹੋਣਾ ਜ਼ਰੂਰੀ ਹੈ ।ਇਸ ਮੌਕੇ ਅਮਨ ਵਰਮਾਂ, ਜੋਤੀ ਗੰਗੜ, ਜਸਵਿੰਦਰ ਸਿੰਘ ਵੀ ਮੌਜੂਦ ਸਨ।

ਫੋਟੋ: ਸੁਨੀਤਾ ਚੈਰੀਟੇਬਲ ਹਸਪਤਾਲ ਬਲਾਚੌਰ ਦੀ ਮੈਨੇਜਿੰਗ ਡਾਇਰੈਕਟਰ ਸੁਨੀਤਾ ਸ਼ਰਮਾਂ ਅਤੇ ਚੇਅਰਮੈਨ ਅਮਨ ਵਰਮਾਂ ਪਿੰਡ ਕੰਗਨਾ ਬੇਟ ਦੀ ਮਹਿਲਾ ਜੋਤੀ ਗੰਗੜ ਨੂੰ ਸਹਾਇਤਾ ਵਜੋਂ ਸਿਲਾਈ ਮਸ਼ੀਨ ਦਿੰਦੇ ਹੋਏ।