ਗੜ੍ਹਦੀਵਾਲਾ 30 ਅਪ੍ਰੈਲ (ਚੌਧਰੀ)

: ਬਾਬਾ ਦੀਪ ਸਿੰਘ ਸੇਵਾ ਦਲ ਐਂਡ ਵੈਲਫੇਅਰ ਸੁਸਾਇਟੀ ਗੜ੍ਹਦੀਵਾਲਾ ਵਲੋਂ ਅੱਜ ਲਗਭਗ 15 ਦਿਨ ਪਹਿਲਾਂ ਲਾਪਤਾ ਹੋਏ ਬਜੁਰਗ ਹਰਬੰਸ ਸਿੰਘ ਨੂੰ ਉਸ ਦੇ ਪਰਿਵਾਰ ਨਾਲ ਮਿਲਾਇਆ। ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਸੁਸਾਇਟੀ ਦੇ ਮੁੱਖ ਸੇਵਾਦਾਰ ਮਨਜੋਤ ਸਿੰਘ ਤਲਵੰਡੀ ਨੇ ਦੱਸਿਆ ਕਿ ਇਹ ਬਾਪੂ ਜੀ ਲਗਭਗ 15 ਦਿਨ ਪਹਿਲਾਂ ਲਾਵਾਰਸ ਹਾਲਤ ‘ਚ ਪਿੰਡ ਗੋਂਦਪੁਰ ਦੇ ਨੇੜੇਮਿਲੇ ਸੀ।ਉਸ ਵਕਤ ਇਹ ਬਜੁਰਗ ਅਪਣੇ ਬਾਰੇ ਕੁਝ ਵੀ ਬੋਲ ਕੇ ਦੱਸ ਨਹੀਂ ਸਕਦੇ ਸੀ ਅਤੇ ਪਿੰਡ ਬਾਹਲਾ ਤੋਂ ਵੀਰ ਜੀਵਨ ਸਿੰਘ ਇਨ੍ਹਾਂ ਨੂੰ ਗੁਰੂ ਆਸਰਾ ਸੇਵਾ ਕਰ ਛੱਡ ਕੇ ਗਏ ਸਨ ਜਿੱਥੇ ਇਹਨਾਂ ਦੀ ਦੇਖਭਾਲ ਤੇ ਸੰਭਾਲ ਕੀਤੀ ਜਾ ਰਹੀ ਸੀ ਅਤੇ ਅੱਜ ਅਚਾਨਕ ਬਾਪੂ ਜੀ ਦੇ ਨੁੰਹ ਅਤੇ ਪੁੱਤਰ ਅਪਣੇ ਲਾਪਤਾ ਹੋਏ ਪਿਤਾ ਜੋ ਕਿ ਬੋਲ ਨਹੀਂ ਸਕਦੇ ਸਨ ਬਾਰੇ ਦੱਸਣ ਪਹੁੰਚੇ ਤਾਂ ਅਚਾਨਕ ਜਦੋਂ ਉਨ੍ਹਾਂ ਨੂੰ ਸੁਸਾਇਟੀ ਮੈਂਬਰਾਂ ਵਲੋਂ ਉਨ੍ਹਾਂ ਦੇ ਪਿਤਾ ਨਾਲ ਮਿਲਾਇਆ ਗਿਆ ਤਾਂ ਉਨ੍ਹਾਂ ਦੀ ਖੁਸ਼ੀ ਦਾ ਕੋਈ ਟਿਕਾਣਾ ਨਾ ਰਿਹਾ।ਇਸ ਮੌਕੇ ਪਰਿਵਾਰਕ ਮੈਂਬਰਾਂ ਨੇ ਸੰਸਥਾ ਦਾ ਤਹਿ ਦਿਲੋਂ ਧਨਵਾਦ ਕੀਤਾ। ਇਸ ਮੌਕੇ ਮੁੱਖ ਸੇਵਾਦਾਰ ਮਨਜਤ ਸਿੰਘ ਤਲਵੰਡੀ, ਕੈਸ਼ੀਅਰ ਪਰਸ਼ੋਤਮ ਸਿੰਘ ਬਾਹਗਾ, ਮਨਿੰਦਰ ਸਿੰਘ, ਜਸਵਿੰਦਰ ਸਿੰਘ, ਕਮਲਜੀਤ ਸਿੰਘ ਤੇ ਸੁਸਾਇਟੀ ਦੇ ਹੋਰ ਮੈਂਬਰ ਹਾਜ਼ਰ ਸਨ।