ਗੜ੍ਹਦੀਵਾਲਾ 15 ਦਸੰਬਰ (ਚੌਧਰੀ / ਯੋਗੇਸ਼ ਗੁਪਤਾ )

: ਸ਼੍ਰੀ ਆਦਿਸ਼ਵਰ ਭਗਵਾਨ ਜੈਨ ਮੰਦਿਰ ਦਾ ਸਲਾਨਾ ਝੰਡਾ ਚੜਾਉਣ ਦਾ ਉਤਸਵ ਬਹੁਤ ਸ਼ਰਧਾ ਪੂਰਵਕ ਮਨਾਇਆ ਗਿਆ। ਇਸ ਮੌਕੇ ਹੁਸ਼ਿਆਰਪੁਰ ਤੋਂ ਪਹੁੰਚੇ ਰਾਜੇਸ਼ ਜੈਨ, ਸੰਦੀਪ ਜੈਨ ਬੱਬਲੂ, ਯਸ਼ਪਾਲ ਜੈਨ, ਚਿਤਰੰਜਨ ਜੈਨ, ਪਰਵੇਸ਼ ਜੈਨ, ਮੋਨਿਕਾ ਜੈਨ ਨੇ ਵਿਧੀ ਪੂਰਵਕ ਸਤਰਾਵੈਦੀ ਪੂਜਾ ਕਰਵਾਈ ਅਤੇ ਮਧੁਰ ਭਜਨਾਂ ਨਾਲ ਸ਼੍ਰੀ ਆਦਿਸ਼ਵਰ ਭਗਵਾਨ ਜੀ ਦੀ ਮਹਿਮਾ ਦਾ ਗੁਣਗਾਨ ਕੀਤਾ। ਇਸ ਮੌਕੇ ਗੱਛਾਦਿਪਤਿ ਸ਼ਾਂਤੀਦੂਤ ਜੈਨ ਅਚਾਰਿਆ ਸ਼੍ਰੀ ਨਿਤਆਨੰਦ ਸੁਰੀਸ਼ਵਰ ਜੀ ਮਹਾਰਾਜ ਜੀ ਦੇ ਦੱਸੇ ਸ਼ੁਭ ਮਹੁਰਤ ਅਨੁਸਾਰ ਸੇਠ ਰਾਜੇਸ਼ ਜੈਨ ਹੁਸ਼ਿਆਰਪੁਰ ਅਤੇ ਸ਼੍ਰੀ ਆਤਮਾ ਨੰਦ ਜੈਨ ਸਭਾ ਗੜ੍ਹਦੀਵਾਲਾ ਦੇ ਪ੍ਰਧਾਨ ਸੁਨੀਲ ਜੈਨ ਅਤੇ ਉਪ ਪ੍ਰਧਾਨ ਸ਼ਰਿਅੰਸ਼ ਕੁਮਾਰ ਜੈਨ ਨੇ ਝੰਡਾ ਚੜਾਇਆ।
ਇਸ ਮੌਕੇ ਸ਼੍ਰੀ ਆਤਮਾ ਨੰਦ ਜੈਨ ਸਭਾ ਗੜ੍ਹਦੀਵਾਲਾ ਦੇ ਸੈਕਟਰੀ ਸ਼੍ਰੀ ਦੀਪਕ ਜੈਨ ਨੇ ਆਪਣੇ ਸੰਬੋਧਨ ਵਿੱਚ ਦੱਸਿਆ ਕਿ ਇਸ ਪ੍ਰਾਚੀਨ ਜੈਨ ਮੰਦਿਰ ਦਾ ਨਿਰਮਾਣ 127 ਸਾਲ ਪਹਿਲਾਂ ਸ਼੍ਰੀ ਵਿਜਯਾਨੰਦ ਸੁਰੀਸ਼ਵਰ ਜੀ ਮਹਾਰਾਜ ਜੀ ਦੀ ਪ੍ਰੇਰਣਾ ਨਾਲ ਲਾਲਾ ਰੂਪ ਲਾਲ ਜੈਨ ਗੜ੍ਹਦੀਵਾਲਾ ਨੇ ਕਰਵਾਇਆ ਸੀ ਅਤੇ ਇਸ ਦਾ ਨਵ-ਨਿਰਮਾਣ 1997 ਵਿੱਚ ਗੱਛਾਦਿਪਤੀ ਸ਼ਾਂਤੀਦੂਤ ਜੈਨ ਅਚਾਰਿਆ ਸ਼੍ਰੀ ਨਿਤਆਨੰਦ ਸੁਰੀਸ਼ਵਰ ਜੀ ਮਹਾਰਾਜ ਜੀ ਦੀ ਪ੍ਰੇਰਣਾ ਕਰਵਾਇਆ ਗਿਆ। ਹੁਣ ਇਹ ਮੰਦਿਰ ਤੀਰਥ ਸਥਾਨ ਬਣ ਚੁੱਕਾ ਹੈ। ਉਹਨਾਂ ਨੇ ਇਸ ਮੌਕੇ ਪਧਾਰੇ ਸ਼ਰਧਾਲੂਆਂ ਦਾ ਸਵਾਗਤ ਅਤੇ ਧੰਨਵਾਦ ਕੀਤਾ। ਇਸ ਮੌਕੇ ਸੁਨੀਲ ਜੈਨ, ਸ਼ਰਿਅੰਸ਼ ਕੁਮਾਰ ਜੈਨ, ਪਾਰਸ਼ ਕੁਮਾਰ ਜੈਨ, ਮਨਿੰਦਰ ਜੈਨ, ਰਾਜੀਵ ਜੈਨ, ਮਨੀਸ਼ ਜੈਨ, ਹਿਤੇਸ਼ ਜੈਨ, ਵਿਕਾਸ ਜੈਨ, ਕੁਲਭੁਸ਼ਨ ਜੈਨ, ਸੁਮਿਤ ਜੈਨ, ਸੰਭਵ ਜੈਨ, ਪਕੰਜ ਜੈਨ, ਗੌਤਮ ਜੈਨ, ਲਲਿਤ ਜੈਨ, ਕਮਲੇਸ਼ ਜੈਨ, ਮਨੀ ਜੈਨ, ਜੈ ਰਾਣੀ ਜੈਨ, ਅਨੀਤਾ ਜੈਨ, ਅੰਨੂ ਜੈਨ, ਸਰਿਤਾ ਜੈਨ, ਸੰਗੀਤਾ ਜੈਨ, ਮਧੂ ਜੈਨ, ਪ੍ਰੀਤੀ ਜੈਨ, ਕਵਿਤਾ ਜੈਨ, ਅੰਕੂ ਜੈਨ, ਰੋਜ਼ੀ ਜੈਨ, ਵਸੁਧਾ ਜੈਨ, ਸ਼ਿਖਾ ਜੈਨ ਆਦਿ ਸਹਿਤ ਸਰਧਾਲੂ ਹਾਜ਼ਰ ਸਨ।