ਗੜ੍ਹਦੀਵਾਲਾ (ਚੌਧਰੀ) 8 ਦਸੰਬਰ 

: ਸਬ ਤਹਿਸੀਲ ਗੜ੍ਹਦੀਵਾਲਾ ਅਧੀਨ ਮਹੀਨਾ ਜੂਨ/2023 ਦੌਰਾਨ ਸੁਰੂ ਕੀਤੇ ਲਾਲ ਲਕੀਰ ਦੀ ਮਾਲਕੀ ਸਬੰਧੀ ਡਰੋਨ ਸਰਵੇ ਕਰਨ ਉਪਰੰਤ ਪਹਿਲੇ ਗੇੜ ਵਿੱਚ ਕੁੱਲ 13 ਪਿੰਡਾਂ ਡੱਫਰ-ਰਾਣਾ- ਪੰਡੋਰੀ(ਮੱਲੀਆ)- ਚੁੱਕਨੂਰਅਲੀ- ਜੀਆ ਸਹੋਤਾ ਕਲਾ -ਢੋਲੋਵਾਲ- ਰਮਦਾਸਪੁਰ-ਖਿਆਲਾ ਬੁਲੰਦਾ-ਚਿਪੜਾ-ਅੱਲੜ ਪਿੰਡ-ਸਰਾਈ-ਝੰਬੋਵਾਲ-ਚੋਹਕ ਦੇ ਨਕਸ਼ੇ ਮੇਪ-1 ਪ੍ਰਾਪਤ ਹੋ ਚੁੱਕੇ ਹਨ। ਜਿਸ ਸਬੰਧੀ ਅਗਲੀ ਕਾਰਵਾਈ ਤਹਿਤ ਕਰਮਚਾਰੀਆਂ ਵਲੋ ਘਰ-2 ਜਾ ਕੇ ਮਾਲਕੀ ਦੇ ਸਰਵੇ/ਵੈਰਵੇ ਇਕੱਤਰ ਕੀਤੇ ਜਾ ਰਹੇ ਹਨ। ਇਸ ਸਬੰਧੀ ਲਵਦੀਪ ਸਿੰਘ ਧੂਤ ਨਾਇਬ ਤਹਿਸੀਲਦਾਰ ਗੜ੍ਹਦੀਵਾਲਾ ਵਲੋਂ ਪਿੰਡ ਝੰਬੋਵਾਲ,ਅੱਲੜ ਪਿੰਡ, ਖਿਆਲਾ ਬੁਲੰਦਾ, ਸਰਾਈ ਵਿਖੇ ਮੌਕੇ ਤੇ ਚਲ ਰਹੇ ਕੰਮਾਂ ਦਾ ਨਰੀਖਣ ਕੀਤਾ ਗਿਆ ਅਤੇ ਸਥਾਨਿਕ ਲੋਕਾਂ ਨੂੰ ਅਪੀਲ ਕੀਤੀ ਕਿ ਲਾਲ ਲਕੀਰ ਦੀ ਮਾਲਕੀ ਸਬੰਧੀ ਕੰਮ ਕਰਦੇ ਸਰਵੇ ਕਰਮਚਾਰੀਆਂ ਨੂੰ ਪੂਰਨ ਸਹਿਯੋਗ ਦਿੱਤਾ ਜਾਵੇ।