ਸ਼੍ਰੀ ਹਰਗੋਬਿੰਦਪੁਰ ( ਅਵਿਨਾਸ਼ ਸ਼ਰਮਾ )

6 ਅਗਸਤ : ਪੰਜਾਬ ਦਾ ਇਤਿਹਾਸਕ ਨਗਰ ਸ਼੍ਰੀ ਹਰਿਗੋਬਿੰਦ ਪੁਰ ਸਾਹਿਬ ਸ਼ਹਿਰ ਦਾ ਇਤਿਹਾਸਕ ਪਿਛੋਕੜ ਜਿੱਥੇ ਕਿ ਸ਼ਹੀਦਾ ਦੇ ਸਿਰਤਾਜ ਸ਼੍ਰੀ ਗੁਰੂ ਅਰਜਨ ਦੇਵ ਜੀ ਅਤੇ ਮੀਰੀ ਪੀਰੀ ਦੇ ਮਾਲਕ ਸਾਹਿਬ ਸ਼੍ਰੀ ਗੁਰੂ ਹਰਿਗੋਬਿੰਦ ਸਾਹਿਬ ਜੀ ਦੀ ਇਤਿਹਾਸਕ ਜੰਗ ਅਤੇ ਹੋਰ ਵੀ ਅਨੇਕ ਪ੍ਰਕਾਰ ਦੀਆ ਇਤਿਹਾਸਕ ਗਤੀਵਿਧੀਆ ਕਾਰਨ ਪ੍ਰਸਿੱਧ ਹੈ ਉੱਥੇ ਹੀ ਇਸ ਨਗਰ ਹੋਰ ਵੀ ਜੰਮਪਲ ਲੋਕਾ ਵੱਲੋ ਕੀਤੇ ਗਏ ਵਿਸ਼ਵ ਪੱਧਰ ਦੇ ਕੰਮਾ ਕਾਰਨ ਇਸ ਨਗਰ ਦਾ ਨਾਮ ਸੁਨੇਹਰੇ ਅੱਖਰਾ ਚ ਦਰਜ ਹੈ।

ਇਹ ਗੱਲ ਬਹੁਤ ਹੀ ਦੁੱਖ ਨਾਲ ਕਹਿਣੀ ਪੈ ਰਹੀ ਹੈ ਕਿ ਬੀਤੇ ਸਮੇਂ ਦੀਆ ਸਰਕਾਰਾ ਨੇ ਇਤਿਹਾਸਕ ਨਗਰ ਸ਼੍ਰੀ ਹਰਿਗੋਬਿੰਦ ਪੁਰ ਸਾਹਿਬ ਸ਼ਹਿਰ ਦਾ ਵਿਕਾਸ ਉਸ ਪੱਧਰ ਤੇ ਨਹੀ ਕਰਵਾਇਆ ਜੋ ਹੋਣਾ ਚਾਹੀਦਾ ਸੀ।

ਇਸ ਗੱਲ ਨੂੰ ਧਿਆਨ ਚ ਰੱਖਦੇ ਹੋਏ ਜਿੱਥੇ ਕਿ ਮੀਰੀ ਪੀਰੀ ਡਿਵੈਲਪਮੈਂਟ ਐਂਡ ਵੈਲਫੇਅਰ ਸੋਸਾਇਟੀ ਦਾ ਪ੍ਰਧਾਨ ਹੋਣ ਨਾਤੇ ਜਸਵਿੰਦਰ ਸਿੰਘ ਵੱਲੋ ਨਗਰ ਦੇ 2012 ਚ’ ਪਾਸ ਹੋਏ ਮਾਸਟਰ ਪਲਾਨ ਤਹਿਤ ਪ੍ਰੋਜੈਕਟ ਨੂੰ ਮੁਕੰਮਲ ਕਰਨ ਪੰਜਾਬ ਸਰਕਾਰ ਵਿਧਾਨ ਸਭਾ ਦੇ ਸਪੀਕਰ ਕੁਲਤਾਰ ਸਿੰਘ ਸੰਧਵਾਂ, ਮਾਨਯੋਗ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਅਤੇ ਸੈਰ ਸਪਾਟਾ ਵਿਭਾਗ ਦੀ ਮੰਤਰੀ ਅਨਮੋਲ ਗਗਨ ਮਾਨ ਨੂੰ ਲਿਖਤੀ ਰੂਪ ਵਿੱਚ ਬੇਨਤੀ ਕੀਤੀ ਸੀ ਉੱਥੇ ਹੀ ਮਿਤੀ 05/08/2023 ਨੂੰ ਪੰਜਾਬ ਦੇ ਖਜਾਨਾ ਮੰਤਰੀ ਹਰਪਾਲ ਸਿੰਘ ਚੀਮਾਂ ਨੂੰ ਮਿਲਕੇ ਸ਼੍ਰੀ ਹਰਿਗੋਬਿੰਦ ਪੁਰ ਸਾਹਿਬ ਸ਼ਹਿਰ ਦੇ ਜੰਮਪਲ ਇੰਟਰਨੈਸ਼ਨਲ ਚਿੱਤਰਕਾਰ ਸਰਦਾਰ ਸੋਭਾ ਸਿੰਘ ਦਾ ਯਾਦਗਾਰੀ ਮੇਲਾ ਕਰਨ ਲਈ ਗੱਲਬਾਤ ਕੀਤੀ ਅਤੇ ਲਿਖਤੀ ਪੱਤਰ ਦਿੱਤਾ ਗਿਆ ਤੇ ਇਹ ਜਿਕਰ ਵੀ ਕੀਤਾ ਗਿਆ ਕਿ ਭੱਦਰੂ ਫਿਲਮ ਪ੍ਰੋਡਕਸ਼ਨ ਵੱਲੋ ਇਸ ਮੇਲੇ ਨੂੰ ਵਿਸ਼ਵ ਪੱਧਰ ਤੱਕ ਪਹੁੰਚ ਲਈ ਦੇਸ਼-ਵਿਦੇਸ਼ ਦੇ ਕਲਾਕਾਰ, ਚਿੱਤਰਕਾਰ ਅਤੇ ਫਿਲਮ ਅਦਾਕਾਰੀ ਨਾਲ ਸਬੰਧਿਤ ਸ਼ਖਸੀਅਤਾ ਨੂੰ ਸੱਦਾ ਪੱਤਰ ਭੇਜੇ ਜਾ ਰਹੇ ਹਨ ਜਿਸ ਨਾਲ ਪੰਜਾਬ ਵਿੱਚ ਟੂਰਿਸਟ ਦਾ ਵਾਧਾ ਹਵੇਗਾ।