ਵਾਤਾਵਰਨ ਨੂੰ ਅਨੁਕੂਲ ਬਣਾਉਣ ਲਈ ਸੰਸਥਾ ਨੇ ਸਕੂਲੀ ਬੱਚਿਆ ਨੂੰ ਵੰਡੇ ਪੌਦੇ
ਬਲਾਚੌਰ (ਜਤਿੰਦਰ ਪਾਲ ਸਿੰਘ ਕਲੇਰ ) : ਬ੍ਰਿਕਸ ਹਿਊਮਨ ਰਾਈਟਸ ਮਿਸ਼ਨ ਪੰਜਾਬ ਦੇ ਕਾਰਜਕਾਰੀ ਪ੍ਰਧਾਨ ਤੇਜ ਪ੍ਰਕਾਸ਼ ਖਾਸਾ ਵਲੋਂ ਆਪਣੀ ਟੀਮ ਦੇ ਦੂਜੇ ਮੈਬਰਾਂ ਨੂੰ ਨਾਲ ਲੈ ਕੇ ਵਾਤਾਵਰਨ ਨੂੰ ਅਨੁਕੂਲ ਬਣਾਉਣ ਲਈ ਵਿਸ਼ੇਸ ਪਹਿਲ ਕਦਮੀ ਕੀਤੀ ਗਈ ਜਿਨ੍ਹਾਂ ਦੇ ਅੱਜ ਸਥਾਨਕ ਪਿੰਡ ਸਿਆਣਾ ਦੇ ਸਰਕਾਰੀ ਮਿਡਲ ਸਕੂਲ ਦੇ ਬੱਚਿਆ ਨੂੰ ਗਰਮੀਆਂ ਦੀਆਂ ਛੁੱਟੀਆਂ ਦੇ ਅਗਾਜ ਮੌਕੇ ਪੌਦੇ ਵੰਡੇ ਗਏ । ਇਸ ਮੌਕੇ ਸੰਸਥਾ ਦੇ ਸਮੂਹ ਮੈਬਰਾ ਵਲੋਂ ਬੱਚਿਆ ਨਾਲ ਵਿਚਾਰ ਸਾਂਝੇ ਕਰਦਿਆ ਕਿਹਾ ਕਿ ਪਰਮ ਪਿਤਾ ਪਰਮੇਸ਼ਰ ਪ੍ਰਮਾਤਮਾ ਵਲੋਂ ਬਖਸ਼ੀਆ ਹੋਈਆਂ ਤਿੰਨ ਅਨਮੋਲ ਵਸਤਾਂ ਨੂੰ ਅਸੀਂ ਸੰਭਾਲਣ ਵਿੱਚ ਬੜੇ ਲਾਪਰਵਾਹ ਰਹੇ ਹਾਂ। ਧੰਨ ਧੰਨ ਸਾਹਿਬ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਅਨਮੋਲ ਬਚਨਾਂ ਪਵਣੁ ਗੁਰੂ ਪਾਣੀ ਪਿਤਾ ਮਾਤਾ ਧਰਤਿ ਮਹਤੁ ` ਤੋਂ ਅਸੀਂ ਬੇਮੁੱਖ ਹੋ ਚੁੱਕੇ ਹਾਂ । ਪ੍ਰਮਾਤਮਾ ਵਲੋਂ ਬਖਸ਼ੀਆ ਹੋਈਆਂ ਇਹਨਾਂ ਅਨਮੋਲ ਵਸਤਾਂ ਦੀ ਅਸੀਂ ਕੋਈ ਵੀਕ ਦਰ ਨਹੀ ਕਰ ਰਹੇ ਅਤੇ ਆਪਣੇ ਹੱਥੀ ਰੁੱਖਾਂ ਨੂੰ ਕੱਟ ਕੱਟ ਕੇ ਖੁਦ ਵਾਤਾਵਰਨ ਨੂੰ ਖਰਾਬ ਕਰ ਰਹੇ ਹਾਂ ਅਤੇ ਜਹਿਰੀਲੀਆ ਕੀਟਨਾਸਕ ਦਵਾਈਆਂ ਦੀਆਂ ਅੰਨੇਵਾਹ ਵਰਤੋਂ ਕਰਕੇ ਧਰਤੀ ਨੂੰ ਬੰਜਰ ਬਣਾਉਣ ਵੱਲ ਲੱਗੇ ਹੋਏ ਹਾਂ। ਹੁਣ ਗੱਲ ਕਰੀਏ ਪਾਣੀ ਦੀ ਜੇ ਅੱਜ ਵੀ ਘੁਕ ਸੁੱਤੀ ਨੀਦ ਤੋਂ ਅਸੀਂ ਨਾ ਜਾਗੇ ਤਾਂ ਬਹੁਤ ਹੀ ਜਲਦੀ ਗੁਰੂਆਂ ਪੀਰਾ ਦੀ ਧਰਤੀ ਪੰਜਾਬ ਰੇਗਿਸਤਾਨ ਬਣ ਜਾਵੇਗੀ । ਉਹਨਾ ਆਖਿਆ ਕਿ ਪਾਣੀਆ ਦੀ ਅੰਨੇਵਾਹ ਵਰਤੋਂ ਤੇ ਸਾਨੂੰ ਰੋਕ ਲਗਾ ਕੇ ਜਿੱਥੇ ਸੰਜਮ ਨਾਲ ਪਾਣੀ ਇਸਤੇਮਾਲ ਕਰਨਾ ਚਾਹੀਦਾ ਹੈ ਉਸ ਦੇ ਨਾਲ ਹੀ ਸਾਨੂੰ ਵਾਤਾਵਰਨ ਨੂੰ ਅਨੁਕੂਲ ਬਣਾਉਣ ਲਈ ਵੱਧ ਤੋਂ ਵੱਧ ਪੌਦੇ ਲਗਾਉਣੇ ਚਾਹੀਦੇ ਹਨ। ਉਨ੍ਹਾਂ ਸਕੂਲੀ ਬੱਚਿਆ ਨੂੰ ਦੱਸਿਆ ਕਿ ਬੱਚੇ ਇਸ ਵਿੱਚ ਆਪਣੀ ਚੰਗੀ ਭੁਮੀਕਾ ਨਿਭਾ ਸਕਦੇ ਹਨ ਜਿਸ ਲਈ ਸਾਨੂੰ ਗਰਮੀਆਂ ਦੀਆਂ ਛੁੱਟੀਆਂ ਵਿੱਚ ਇਹਨਾਂ ਆਪਣੇ ਘਰਾ ਅਤੇ ਯੋਗ ਸਥਾਨਾ ਉਪਰ ਪੌਦੇ ਲਗਾਉਣੇ ਚਾਹੀਦੇ ਹਨ ਉਸ ਦੇ ਨਾਲ ਇਹਨਾਂ ਛੁੱਟੀਆਂ ਵਿੱਚ ਉਹਨਾ ਦੀ ਚੰਗੇ ਤਰੀਕੇ ਨਾਲ ਦੇਖਭਾਲ ਵੀ ਕਰਨੀ ਚਾਹੀਦੀ ਹੈ ਅਤੇ ਬੱਚਿਆ ਵਲੋਂ ਕੀਤੀ ਇਹ ਪਹਿਲ ਕਦਮੀ ਵਾਤਾਵਰਨ ਨੂੰ ਹਰਿਆ ਭਰਿਆ ਬਣਾਉਣ ਵਿੱਚ ਲਾਹੇਮੰਦ ਸਾਬਤ ਹੋਵੇਗੀ । ਇਸ ਮੌਕੇ ਸਕੂਲੀ ਬੱਚਿਆ ਵਲੋਂ ਇਹਨਾਂ ਪੌਦਿਆ ਨੂੰ ਧਰਤੀ ਵਿੱਚ ਲਗਾਉਣ ਅਤੇ ਉਹਨਾ ਦੀ ਦੇਖਭਾਲ ਕਰਨ ਦਾ ਜਿੰਮਾ ਲਿਆ । ਇਸ ਮੌਕੇ ਸਰਕਾਰੀ ਮਿਡਲ ਸਕੂਲ ਸਿਆਣਾ ਦੇ ਮੁੱਖ ਅਧਿਆਪਕ ਵਿਨੋਦ ਬੈਂਸ, ਤੇਜ ਪ੍ਰਕਾਸ਼ ਖਾਸਾ, ਰਣਵੀਰ ਸਿੰਘ ਰਾਏ, ਮਨੋਜ ਕੁਮਾਰ, ਦੀਦਾਰ ਸਿੰਘ,ਮੋਹਿਤ ਕੁਮਾਰ, ਤਰੁੱਣ ਵਰਮਾਂ ਆਦਿ ਸਮੇਤ ਸਕੂਲੀ ਬੱਚੇ ਹਾਜਰ ਸਨ।
ਫੋਟੋ : ਬ੍ਰਿਕਸ ਹਿਊਮਨ ਰਾਈਟਸ ਮਿਸ਼ਨ ਪੰਜਾਬ ਦੇ ਮੈਂਬਰ ਸਕੂਲੀ ਬੱਚਿਆ ਨੂੰ ਪੌਦੇ ਵੰਡਦੇ ਹੋਏ।
