ਦੀਨਾਨਗਰ (ਸੁਰਿੰਦਰ ਸਿੰਘ ਸੋਨੀ)

ਬਹਿਰਾਮਪੁਰ ਰੋਡ ਰੇਲਵੇ ਫਾਟਕ ਤੇ ਸਮੇਂ ਸਿਰ ਫਲਾਈ ਓਵਰ ਬ੍ਰਿਜ ਦਾ ਕੰਮ ਪੂਰਾ ਨਾ ਹੋਣ ਤੇ ਗੁਸਾਏ ਲੋਕਾਂ ਨੇ ਪੀ ਡਬਲਿਊ ਡੀ ਦਫਤਰ ਮੂਹਰੇ ਦਿੱਤਾ ਰੋਸ ਧਰਨਾ

23,ਸਤੰਬਰ : ਦੀਨਾਨਗਰ ਦੇ ਬਹਿਰਾਮਪੁਰ ਰੋਡ ਰੇਲਵੇ ਫਾਟਕ ਤੇ ਬਣ ਰਹੇ ਫਲਾਈ ਓਵਰ ਬ੍ਰਿਜ ਜੋ ਕਿ 18 ਮਹੀਨਿਆਂ ਚ ਬਣ ਕੇ ਤਿਆਰ ਹੋਣ ਦਾ ਸਰਕਾਰ ਵੱਲੋਂ ਸਮਾਂ ਦਿੱਤਾ ਗਿਆ ਸੀ।ਅੱਜ ਤਿੰਨ ਸਾਲ ਬੀਤ ਜਾਣ ਤੋਂ ਬਾਅਦ ਵੀ ਨਾ ਤਾਂ ਫਲਾਈ ਓਵਰ ਬ੍ਰਿਜ ਦਾ ਕੰਮ ਪੂਰਾ ਹੋਇਆ ਅਤੇ ਨਾ ਹੀ ਆਸ ਪਾਸ ਦੇ ਲੋਕਾਂ ਨੂੰ ਰੇਲਵੇ ਫਾਟਕ ਤੋਂ ਆਰ ਪਾਰ ਆਉਣ ਜਾਣ ਲਈ ਕੋਈ ਰਸਤਾ ਮਿਲਿਆ।ਜਿਸ ਕਾਰਨ ਇੱਕ ਤਾਂ ਉਨ੍ਹਾਂ ਦੇ ਕਾਰੋਬਾਰ ਪ੍ਰਭਾਵਿਤ ਹੋ ਰਹੇ ਹਨ ਅਤੇ ਦੂਸਰਾ ਉਨ੍ਹਾਂ ਨੂੰ ਲੰਬਾ ਰਸਤਾ ਤਹਿ ਕਰਕੇ ਦੀਨਾਨਗਰ ਸ਼ਹਿਰ ਚ ਆਉਣਾ ਪੈਂਦਾ ਹੈ।ਜਿਸ ਦੇ ਰੋਸ ਵਜੋਂ ਅੱਜ ਰੇਲਵੇ ਫਾਟਕ ਦੇ ਆਸ ਪਾਸ ਦੇ ਲੋਕਾਂ ਤੇ ਦੁਕਾਨਦਾਰਾਂ ਨੇ ਕੇਂਦਰ ਤੇ ਪੰਜਾਬ ਸਰਕਾਰ ਖ਼ਿਲਾਫ਼ ਕੀਤੀ ਜਮਕੇ ਨਾਅਰੇਬਾਜ਼ੀ ਅਤੇ ਫਲਾਈ ਓਵਰ ਬ੍ਰਿਜ ਦਾ ਕੰਮ ਜਲਦ ਤੋਂ ਨਪੇਰੇ ਚੜਾਉਣ ਦੀ ਮੰਗ ਵੀ ਕੀਤੀ।ਉਨ੍ਹਾਂ ਕਿਹਾ ਕਿ ਜੇਕਰ ਇਹ ਕੰਮ ਜਲਦੀ ਤੋਂ ਜਲਦੀ ਮੁਕੰਮਲ ਨਾ ਕੀਤਾ ਗਿਆ ਤਾਂ ਇਸ ਸੰਘਰਸ਼ ਨੂੰ ਹੋਰ ਤੇਜ਼ ਕੀਤਾ ਜਾਵੇਗਾ।ਉਨ੍ਹਾਂ ਨੇ ਕਿਹਾ ਕਿ ਸਾਨੂੰ ਆਪਣੇ ਕਾਰੋਬਾਰ ਅਤੇ ਜਨਜੀਵਨ ਦੀ ਸੁਰੱਖਿਆ ਵਾਸਤੇ ਜੋ ਸੰਭਵ ਕਦਮ ਹੋਣਗੇ ਉਹ ਉਠਾਏ ਜਾਣਗੇ।