ਪੀਣ ਵਾਲੇ ਪਾਣੀ ਦੀ ਸਪਲਾਈ ਨਾ ਆਉਣ ਕਾਰਨ ਲੋਕ ਹੋ ਰਹੇ ਖੱਜਲ ਖੁਆਰ   

ਚਾਰ ਦਿਨਾਂ ਤੋਂ ਨਹੀਂ ਮਿਲ ਰਹੀ ਪੀਣ ਵਾਲੇ ਪਾਣੀ ਦੀ ਸਪਲਾਈ  

ਕਾਠਗਡ਼੍ਹ 8 ਜੂਨ (ਜਤਿੰਦਰ ਪਾਲ ਸਿੰਘ ਕਲੇਰ )ਕਸਬੇ ਦੇ ਨਜ਼ਦੀਕ ਪੈਂਦੇ ਪਿੰਡ ਪਨਿਆਲੀ ਕਲਾਂ ਵਿਖੇ ਪੀਣ ਵਾਲੇ ਪਾਣੀ ਦੀ ਸਪਲਾਈ ਨਾ ਆਉਣ ਕਾਰਨ ਪਿੰਡ ਵਾਸੀਆਂ ਨੇ ਸਰਕਾਰ ਅਤੇ ਜਲ ਵਿਭਾਗ ਪ੍ਰਤੀ ਜਤਾਇਆ ਰੋਸ ਹੈ। ਜਾਣਕਾਰੀ ਦਿੰਦੇ ਹੋਏ ਪਿੰਡ ਵਾਸੀਆਂ ਨੇ ਦੱਸਿਆ ਹੈ ਕਿ ਪਿਛਲੇ ਚਾਰ ਦਿਨਾਂ ਤੋਂ ਪਿੰਡ ਵਿੱਚ ਪੀਣ ਵਾਲੇ ਪਾਣੀ ਦੀ ਸਪਲਾਈ ਨਾ ਆਉਣ ਕਾਰਨ ਪਿੰਡ ਵਾਸੀਆਂ ਨੂੰ ਖੱਜਲ ਖੁਆਰ ਹੋਣਾ ਪੈ ਰਿਹਾ ਹੈ।ਉਨ੍ਹਾਂ ਕਿਹਾ ਹੈ ਕਿ ਇਕ ਤਾਂ ਅੱਗ ਵਾਂਗ ਵਰ੍ਹਦੀ ਗਰਮੀ ਅਤੇ ਦੂਜੇ ਪਾਸੇ ਘਰਾਂ ਵਿਚ ਪੀਣ ਵਾਲਾ ਪਾਣੀ ਦੀ ਸਪਲਾਈ ਹੋਣ ਕਾਰਨ ਕਾਫ਼ੀ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਉਨ੍ਹਾਂ ਕਿਹਾ ਹੈ ਕਿ ਪੀਣ ਵਾਲੇ ਪਾਣੀ ਦੀ ਪੂਰਤੀ ਲਈ ਜਾਂ ਤਾਂ ਉਨ੍ਹਾਂ ਘਰਾਂ ਤੋਂ ਮਦਦ ਲਈ ਜਾਂਦੀ ਹੈ ਜਿਨ੍ਹਾਂ ਘਰਾਂ ਵਿੱਚ ਸਬਮਰਸੀਬਲ ਲੱਗੇ ਹੋਏ ਹਨ ਜਾਂ ਫਿਰ ਟੈਂਕਰਾਂ ਰਾਹੀਂ  ਖੇਤਾਂ ਦੇ ਟਿਊਬਵੈੱਲਾਂ ਤੋਂ ਪਾਣੀ ਲਿਆਇਆ ਕੇ ਟੁੱਲੂ ਪੰਪ ਦੀ ਮੱਦਦ ਨਾਲ ਛੱਤਾਂ ਦੇ ਪਈਆਂ ਪਾਣੀ ਦੀਆਂ ਟੈਂਕੀਆਂ ਨੂੰ ਭਰਿਆ ਜਾਂਦਾ ਹੈ। ਉਨ੍ਹਾਂ ਦੱਸਿਆ ਹੈ ਕਿ ਜਲ ਘਰ ਦੇ ਟਿਊਬਵੈੱਲ ਦਾ ਪਾਣੀ ਹੇਠਲੇ ਲੈਵਲ ਤੇ ਚਲਾ ਗਿਆ ਹੈ ਜਿਸ ਕਾਰਨ ਪਿੰਡ ਵਿਚ ਪਾਣੀ ਦੀ ਸਪਲਾਈ ਨਹੀਂ ਆ ਰਹੀ ਹੈ। ਪਿੰਡ ਵਾਸੀਆਂ ਨੇ ਪੰਜਾਬ ਸਰਕਾਰ ਅਤੇ ਜਲ ਵਿਭਾਗ ਤੋਂ ਮੰਗ ਕੀਤੀ ਹੈ ਕਿ ਟਿਊਬਵੈੱਲ ਦੇ ਬੋਰ ਨੂੰ ਜਲਦ ਠੀਕ ਕਰਵਾ ਕੇ ਪੀਣ ਵਾਲੇ ਪਾਣੀ ਦੀ ਸਪਲਾਈ ਨੂੰ ਚਾਲੂ ਕਰਵਾਇਆ ਜਾਵੇ। ਤਾਂ ਜੋ ਕਿ ਪਿੰਡ ਵਾਸੀਆਂ ਨੂੰ ਪੀਣ ਵਾਲੇ ਪਾਣੀ ਦੀ ਦਿੱਕਤ ਤੋਂ ਰਾਹਤ ਮਿਲ ਸਕੇ।
ਕੀ ਕਹਿੰਦੇ ਹਨ। ਜਲ ਵਿਭਾਗ ਬਲਾਚੌਰ ਦੇ ਜੇ ਈ ਜਦੋਂ ਇਸ ਸਬੰਧੀ ਜਲ ਵਿਭਾਗ ਦੇ ਜੇ ਈ ਦੇਸ ਰਾਜ ਨਾਲ ਫੋਨ ਤੇ ਸੰਪਰਕ ਕੀਤਾ ਗਿਆ। ਤਾਂ ਉਨ੍ਹਾਂ ਕਿਹਾ ਹੈ ਕਿ ਪਿੰਡ ਪਨਿਆਲੀ ਕਲਾਂ ਦੇ ਜਲ ਘਰ ਦੀ ਮੋਟਰ ਦਾ ਪਾਣੀ ਮੋਟਰ ਤੋਂ ਹੇਠਲੇ ਲੇਵਲ ਤੇ ਚਲਾ ਗਿਆ ਸੀ ਅੱਜ ਮੁਲਾਜ਼ਮ ਭੇਜ ਦਿੱਤੇ ਹੋਏ ਹਨ । ਤੇ ਟਿਊਬਵੈੱਲ ਦੇ ਬੋਰ ਵਿੱਚ ਹੋਰ ਪਾਈਪ ਪੁਆ ਕੇ ਟਿਊਬਵੈੱਲ ਨੂੰ ਜਲਦ ਹੀ ਚਾਲੂ ਕਰਵਾ ਦਿੱਤਾ ਜਾਵੇਗਾ