17 ਅਕਤੁਬਰ (ਯੋਗੇਸ਼ ਗੁਪਤਾ ਬਿਊਰੋ ਚੀਫ )

: ਦਸੂਹਾ ਦੇ ਮੁਹੱਲਾ ਕੈਂਥਾ ਵਿੱਚ ਦਮਪਤੀ ਦੇ ਘਰ ਚੋਰੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਦੋਨੋਂ ਪਤੀ ਪਤਨੀ ਕਿੱਤੇ ਵਜੋਂ ਅਧਿਆਪਕ ਹਨ ਜੋ ਆਪਣੀ ਪੰਚਾਇਤੀ ਚੋਣਾਂ ਦੀ ਡਿਊਟੀ ਦੌਰਾਨ ਘਰੋ ਗਏ ਸਨ।

ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਘਰ ਦੇ ਮਾਲਕ ਅਧਿਆਪਕ ਲਾਲਜੀ ਦਾਸ ਨੇ ਦੱਸਿਆ ਕਿ ਮੈਂ ਅਤੇ ਮੇਰੀ ਪਤਨੀ ਮਮਤਾ ਰਾਣੀ ਪੰਚਾਇਤੀ ਚੋਣਾਂ ਤੇ ਡਿਊਟੀ ਤੇ ਗਏ ਹੋਏ ਸਨ। 15 ਅਕਤੂਬਰ ਨੂੰ ਚੋਣਾਂ ਉਪਰੰਤ ਰਾਤ 12 ਵਜੇ ਦੇ ਕਰੀਬ ਫਰੀ ਹੋਏ ਸਨ ਤੇ ਦੇਰ ਰਾਤ ਹੋਣ ਕਾਰਨ ਦੋਵੇ ਭੂੰਗਾ ਵਿਖੇ ਆਪਣੇ ਸੋਹਰਾ ਪਰਿਵਾਰ ਵਿਖੇ ਰੁਕ ਗਏ। ਉਨ੍ਹਾਂ ਦੱਸਿਆ ਕਿ ਮੇਰੇ ਸੋਹਰਾ ਸਾਹਿਬ ਦਾ ਬ੍ਰੇਨ ਦਾ ਆਪ੍ਰੇਸ਼ਨ ਹੋਇਆ ਸੀ ਅਤੇ ਉਨ੍ਹਾਂ ਦਾ ਸਵੇਰੇ ਚੈੱਕਅਪ ਕਰਵਾਉਣ ਲਈ ਹੁਸ਼ਿਆਰਪੁਰ ਹਸਪਤਾਲ ਵਿਖੇ ਲੈ ਜਾਣਾ ਸੀ। ਉਹ 16 ਅਕਤੁਬਰ ਨੂੰ ਆਪਣੇ ਸੋਹਰੇ ਨੂੰ ਹੁਸਿਆਰਪੁਰ ਵਿਖੇ ਇੱਕ ਨਿੱਜੀ ਹਸਪਤਾਲ ਵਿਖੇ ਚੈਕਅਪ ਕਰਵਾ ਰਹੇ ਸਨ ਤਾਂ ਉਨ੍ਹਾਂ ਨੂੰ ਗੁਆਂਢੀਆਂ ਦਾ ਸ਼ਾਮ 4 ਵਜੇ ਦੇ ਕਰੀਬ ਫੋਨ ਆਇਆ ਕਿ ਤੁਹਾਡੇ ਘਰ ਦੇ ਤਾਲੇ ਟੁੱਟੇ ਹੋਏ ਹਨ। ਮਰੀਜ ਨੂੰ ਹੁਸ਼ਿਆਰਪੁਰ ਵਿਖੇ ਛੱਡ ਘਰ ਆ ਕੇ ਦੇਖਿਆ ਤਾਂ ਘਰ ਦਾ ਸਾਰਾ ਸਾਮਾਨ ਖਿਲਰਿਆ ਪਿਆ ਸੀ ਅਤੇ ਅਲਮਾਰੀਆਂ ਦੇ ਤਾਲੇ ਟੁੱਟੇ ਪਏ ਸਨ। ਚੋਰ ਵਲੋਂ ਇਸ ਘਰ ਚੋਂ ਇਕ ਇੱਕ ਸੋਨੇ ਦੀ ਮੁੰਦਰੀ, ਇੱਕ ਸੋਨੇ ਦੀ ਚੇਨ,ਬੱਚਿਆਂ ਦੀਆਂ ਵਾਲਿਆਂ (2 ਜੋੜੇ) ਮੰਦਿਰ ਚੋਂ ਬਾਬਾ ਜੀ ਦੀ ਮੂਰਤੀ(ਚਾਂਦੀ) ,ਬਾਬਾ ਜੀ ਦੇ ਚਰਨ(ਚਾਂਦੀ), ਭਗਵਾਨ ਗਣੇਸ਼ ਅਤੇ ਮਾਤਾ ਲਕਸ਼ਮੀ ਜੀ ਦੀ ਮੂਰਤੀ (ਚਾਂਦੀ) ਇੱਕ ਵਿਦੇਸ਼ੀ ਘੜੀ ਤੇ ਹੋਰ ਸਮਾਨ(ਲਗਭਗ ਡੇਢ / 2 ਲੱਖ ਰੁਪਏ ਦਾ ਨੁਕਸਾਨ) ਚੋਰੀ ਕਰਕੇ ਫਰਾਰ ਹੋ ਗਿਆ ਹੈ। ਸੂਚਨਾ ਮਿਲਣ ਤੇ ਐਸ ਐਚ ਓ ਦਸੂਹਾ ਹਰਪ੍ਰੇਮ ਸਿੰਘ ਨੇ ਮੌਕੇ ਤੇ ਪਹੁੰਚ ਕੇ ਘਟਨਾ ਦਾ ਜਾਇਜ਼ਾ ਲਿਆ। ਪੁਲਿਸ ਵਲੋਂ ਸੀਸੀਟੀਵੀ ਫੁਟੇਜ ਚੈਕ ਕੀਤੀਆਂ ਜਾ ਰਹੀਆਂ ਹਨ। ਚੋਰ ਦੀਆਂ ਤਸਵੀਰਾਂ ਇੱਕ ਘਰ ਦੇ ਸੀਸੀਟੀਵੀ ਚ ਕੈਦ ਹੋਈਆਂ ਹਨ। ਜੋ ਪੁਲਿਸ ਨੂੰ ਦਿਖਾ ਦਿੱਤੀਆਂ ਗਈਆਂ ਹਨ।

ਬਾਕਸ

ਥਾਣਾ ਦਸੂਹਾ ਦੇ ਐਸ ਐਚ ਵਲੋਂ ਘਟਨਾ ਦਾ ਜਾਇਜਾ ਲਿਆ ਗਿਆ ਸੀ। ਉਨ੍ਹਾਂ ਵਲੋਂ ਇੱਕ ਮੁਲਾਜਮ ਨੂੰ ਇਸ ਕੇਸ ਦੇ ਸਬੰਧ ਚ ਆਈ ਓ ਲਗਾਇਆ ਗਿਆ ਸੀ। ਵੱਖ-ਵੱਖ ਪੱਤਰਕਾਰਾਂ ਵਲੋਂ ਨਿਯੁਕਤ ਆਈ ਓ ਨੂੰ ਵੱਖ ਵੱਖ ਸਟੇਟਮੈਂਟ ਦਿੱਤੀਆਂ ਗਈਆਂ ਹਨ।ਅੱਗਿਓਂ ਇਹੀ ਸੁਨਣ ਵਿਚ ਮਿਲਿਆ ਹੈ ਕਿ ਮੈਂ ਪੀੜਿਤ ਦੇ ਘਰ ਜਾ ਰਿਹਾ ਹਾਂ ਪਰ ਪੀੜਤ ਅਧਿਆਪਕ ਕੋਲੋਂ ਜਦੋਂ ਫੋਨ ਕਰਕੇ ਇਸ ਸਬੰਧੀ ਜਾਣਕਾਰੀ ਲਈ ਗਈ ਤਾਂ ਉਨ੍ਹਾਂ ਕਿਹਾ ਕਿ ਲਗਭਗ 24 ਘੰਟੇ ਦਾ ਸਮਾਂ ਬੀਤ ਗਿਆ ਹੈ ਪਰ ਇਸ ਕੇਸ ਵਿੱਚ ਨਿਯੁਕਤ ਆਈ ਓ ਅਜੇ ਤੱਕ ਵੀ ਨਹੀਂ ਪਹੁੰਚੇ।