ਭੱਦੀ ਸ਼ਬਦਾਵਲੀ ਵਰਤਣ ਖ਼ਿਲਾਫ਼ ਜਥੇਬੰਦੀਆਂ ਨੇ ਸੁਨੀਲ ਜਾਖੜ ਦਾ ਪੁਤਲਾ ਫੂਕਿਆ
ਹੁਸ਼ਿਆਰਪੁਰ 12 ਅਪ੍ਰੈਲ (ਤਰਸੇਮ ਦੀਵਾਨਾ ) ਕਾਂਗਰਸ ਪਾਰਟੀ ਦੇ ਸੀਨੀਅਰ ਆਗੂ ਸੁਨੀਲ ਜਾਖੜ ਦੁਆਰਾ ਪਿਛਲੀਆਂ ਚੋਣਾਂ ਚ ਹਾਰ ਦਾ ਠੀਕਰਾ ਸਾਬਕਾ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਸਿਰ ਭੰਨਦਿਆਂ ਹੋਇਆ ਜੋ ਭੱਦੀ ਟਿੱਪਣੀ ਕਿ ਪੈਰ ਦੀ ਜੁੱਤੀ ਸਿਰ ਉੱਤੇ ਰੱਖਣ ਦੀ ਗੱਲ ਕਰਦੇ ਹੋਏ ਦਲਿਤ ਭਾਈਚਾਰੇ ਦੀਆਂ ਭਾਵਨਾਵਾਂ ਨੂੰ ਜੋ ਠੇਸ ਪਹੁੰਚਾਈ ਹੈ ਉਸ ਦਾ ਸਖ਼ਤ ਵਿਰੋਧ ਕਰਦਿਆਂ ਅੱਜ ਅੰਬੇਡਕਰਵਾਦੀ, ਸ੍ਰੀ ਗੁਰੂ ਰਵਿਦਾਸ ਸਭਾਵਾਂ, ਭਗਵਾਨ ਵਾਲਮੀਕ ਸਭਾਵਾਂ ਤੇ ਸਿੱਖ ਮੁਸਲਿਮ ਦਲਿਤ ਇਸਾਈ ਸਾਂਝਾ ਫਰੰਟ ਵੱਲੋਂ ਸਾਂਝੇ ਤੌਰ ਤੇ ਗੁਰਦੁਆਰਾ ਸ੍ਰੀ ਗੁਰੂ ਰਵਿਦਾਸ ਗੁਰਦੁਆਰਾ ਸਾਹਿਬ ਨੇੜੇ ਗੌਰਮਿੰਟ ਕਾਲਜ ਤੋਂ ਚੱਲ ਕੇ ਪ੍ਰਭਾਤ ਚੌਕ ਵਿੱਚ ਕਾਂਗਰਸੀ ਆਗੂ ਸੁਨੀਲ ਜਾਖੜ ਦਾ ਪੁੱਤਲਾ ਫੂਕ ਕੇ ਸੁਨੀਲ ਜਾਖੜ ਮੁਰਦਾਬਾਦ, ਮਨੂਵਾਦੀ ਸੋਚ ਮੁਰਦਾਬਾਦ ਤੇ ਸੁਨੀਲ ਜਾਖੜ ਨੂੰ ਗ੍ਰਿਫ਼ਤਾਰ ਕਰੋ ਆਦਿ ਨਾਅਰਿਆਂ ਨਾਲ ਜ਼ੋਰਦਾਰ ਵਿਰੋਧ ਪ੍ਰਗਟ ਕੀਤਾ ਇਸ ਸਮੇਂ ਆਗੂਆਂ ਨੇ ਸਾਂਝੇ ਤੌਰ ਤੇ ਕਿਹਾ ਕਿ ਸੁਨੀਲ ਜਾਖੜ ਨੇ ਇਹ ਜੋ ਭੱਦੀ ਸ਼ਬਦਾਵਲੀ ਵਰਤੀ ਹੈ ਉਸ ਨਾਲ ਆਪਣੀ ਮਨੂੰਵਾਦੀ ਵਿਚਾਰਧਾਰਾ ਨੂੰ ਪ੍ਰਗਟ ਕੀਤਾ ਹੈ ਜਿਸ ਨੂੰ ਕਿਸੇ ਵੀ ਕੀਮਤ ਤੇ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ ਤੇ ਇਸ ਦਾ ਸਖ਼ਤ ਵਿਰੋਧ ਕੀਤਾ ਜਾਵੇਗਾ ਇਸ ਸਮੇਂ ਆਗੂਆਂ ਨੇ ਕਿਹਾ ਕਿ ਜਦੋਂ ਤਾਂ ਅਖੌਤੀ ਰਾਜਸੀ ਪਾਰਟੀਆਂ ਤੇ ਹਿੰਦੂ ਜਥੇਬੰਦੀਆਂ ਨੇ ਦਲਿਤ ਸਮਾਜ ਦੀਆਂ ਵੋਟਾਂ ਤੇ ਸਮਰਥਨ ਲੈਣਾ ਹੁੰਦਾ ਉਸ ਸਮੇਂ ਇਨ੍ਹਾਂ ਦਾ ਵਰਤਾਅ ਹੋਰ ਹੁੰਦਾ ਹੈ ਪਰ ਜਦੋਂ ਦਲਿਤ ਭਾਈਚਾਰੇ ਦਾ ਕੋਈ ਅਪਮਾਨ ਕਰਦਾ ਹੈ ਤਾਂ ਇਹ ਉਸ ਦਾ ਵਿਰੋਧ ਨਹੀਂ ਕਰਦੇ ਉਨ੍ਹਾਂ ਇਸ ਸਮੇਂ ਕਿਹਾ ਕਿ ਇਸ ਸਮੇਂ ਪੂਰੇ ਭਾਰਤ ਵਿੱਚ ਘੱਟ ਗਿਣਤੀ ਕੌਮਾਂ ਅਤੇ ਦਲਿਤਾਂ ਉੱਪਰ ਜੋ ਤਸ਼ੱਦਦ ਕਰ ਕੇ ਮਾਨਵਤਵਾਦੀ ਕਦਰਾਂ ਕੀਮਤਾਂ ਦਾ ਘਾਣ ਕੀਤਾ ਜਾ ਰਿਹਾ ਹੈ ਤੇ ਸੰਵਿਧਾਨ ਦੀਆਂ ਧੱਜੀਆਂ ਉਡਾਈਆਂ ਜਾ ਰਹੀਆਂ ਇਸ ਨੂੰ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ ਉਨ੍ਹਾਂ ਕਿਹਾ ਕਿ ਦੇਸ਼ ਅੰਦਰ ਜੋ ਨਫ਼ਰਤ ਦੀ ਭਾਵਨਾ ਬਣਾਉਣ ਦਾ ਜੋ ਪ੍ਰਾਪੋਗੰਡਾ ਕੀਤਾ ਜਾ ਰਿਹਾ ਹੈ ਉਹ ਕਦੇ ਵੀ ਕਾਮਯਾਬ ਨਹੀਂ ਹੋਵੇਗਾ ਤੇ ਘੱਟ ਗਿਣਤੀਆਂ ਅਤੇ ਦਲਿਤ ਇਕੱਠੇ ਹੋ ਕੇ ਉਸ ਦਾ ਸਖ਼ਤੀ ਨਾਲ ਵਿਰੋਧ ਕਰਦੇ ਰਹਿਣਗੇ ਜਗਦੀਸ਼ ਲਾਲ ਬੱਧਣ, ਕੈਪਟਨ ਗਿਆਨ ਚੰਦ, ਪ੍ਰੋ ਮੋਹਨ ਲਾਲ, ਐਡਵੋਕੇਟ ਹਨੀ ਆਜ਼ਾਦ, ਰਾਮਜੀ ਦਾਸ,ਲੱਕੀ ਚੰਦਨ , ਗੁਰਨਾਮ ਸਿੰਘ ਸਿੰਗੜੀਵਾਲਾ, ਮੌਲਵੀ ਖਲੀਲ ਅਹਿਮਦ, ਕਸ਼ਮੀਰੀ ਬਿੱਲਾ, ਕਰਨੈਲ ਸਿੰਘ ਲਵਲੀ, ਕੈਪਟਨ ਰਾਜ ਕੁਮਾਰ, ਕ੍ਰਿਸ਼ਨ ਲਾਲ ਦਰੋਚ, ਬਲਵੰਤ ਸੋਨੂੰ , ਸੁਰਜੀਤ ਸਿੰਘ ਤਨੂਲੀ, ਇੰਜਨੀਅਰ ਸੰਤੋਖ ਸਿੰਘ, ਇੰਜਨੀਅਰ ਸੰਤੋਖ ਸਿੰਘ, ਇੰਜਨੀਅਰ ਗੁਰਵੰਤ ਸਿੰਘ , ਇੰਜੀਨੀਅਰ ਜਗਜੀਤ ਸਿੰਘ, ਸਰਬਜੀਤ ਬਿਰਦੀ, ਬਲਵੀਰ ਚੰਦ,ਮੋਹਨ ਸਿੰਘ ਬਸੀ ਮਰੂਫ, ਬਿਧੀ ਚੰਦ ਬੱਧਣ ਤੇ ਪਰਮਜੀਤ ਸਿੰਘ ਆਦਿ ਹਾਜ਼ਰ ਸਨ ।
ਫੋਟੋ ਮੁਨੀਰ
