ਦਸੂਹਾ 6 ਮਾਰਚ (ਚੌਧਰੀ) 

: ਬਜੁਰਗ ਵਿਅਕਤੀ ਦੇ ਝੋਲੇ ਨੂੰ ਬਲੇਡ ਮਾਰਕੇ ਬੈਂਕ ਦੇ ਅੰਦਰੋ ਜੇਬਕਤਰੇ ਵਲੋਂ 50 ਹਜਾਰ ਰੁਪਏ ਲੁੱਟ ਕੇ ਫਰਾਰ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਅਨੁਸਾਰ ਅੱਜ ਇੱਕ ਬਜੁਰਗ ਬਖਸ਼ੀਸ਼ ਸਿੰਘ ਵਾਸੀ ਕਾਲੋਵਾਲ ਜੋ ਕਿ ਪੰਜਾਬ ਨੈਸ਼ਨਲ ਬੈਂਕ ਦਸੂਹਾ ਮੇਨ ਰੋਡ ਬ੍ਰਾਂਚ ਵਿਖੇ 10.30 ਵਜੇ ਦੇ ਕਰੀਬ ਪੈਸੇ ਕਢਵਾਉਣ ਆਇਆ ਸੀ ਜਿਸ ਕੋਲੋਂ ਜੇਬਕਤਰੇ 50 ਹਜਾਰ ਰੁਪਏ ਲੁੱਟ ਕੇ ਫਰਾਰ ਹੋ ਗਏ।

ਸੀਸੀਟੀਵੀ ਫੁਟੇਜ ਚ ਕੈਦ ਹੋਈ ਤਸਵੀਰ

ਉਸਨੇ ਦੱਸਿਆ ਕਿ ਮੈਂ ਪਹਿਲਾਂ 50 ਹਜਾਰ ਰੁਪਏ ਕਢਵਾਏ ਤੇ ਉਹ ਪੈਸੇ ਆਪਣੇ ਝੋਲੇ ਵਿਚ ਪਾ ਲਏ ਅਤੇ ਦੂਜੇ ਖਾਤੇ ਵਿਚੋਂ ਵੀ 50 ਹਜਾਰ ਰੁਪਏ ਕਢਵਾਉਣ ਲੱਗਾ। ਜਦੋਂ ਮੈਂ ਦੂਜੇ ਕਢਵਾਏ 50 ਹਜਾਰ ਰੁਪਏ ਝੋਲੇ ਵਿਚ ਪਾਉਣ ਲੱਗਾ ਤਾਂ ਪਤਾ ਚੱਲਿਆ ਕਿ ਉਸ ਦਾ ਝੋਲਾ ਬਲੇਡ ਨਾਲ ਥੱਲਿਓਂ ਵੱਢਿਆ ਗਿਆ ਹੈ। ਉਸਨੇ ਦੱਸਿਆ ਕਿ ਜਦੋਂ ਮੈਂ ਇਸ ਸਬੰਧੀ ਬੈਂਕ ਦੇ ਕੈਸ਼ੀਅਰ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਕਿਹਾ ਕਿ ਤੁਹਾਨੂੰ ਪੈਸੇ ਦੇ ਦਿੱਤੇ ਸਨ। ਫਿਰ ਬਜੁਰਗ ਨੇ ਸੀਸੀਟੀਵੀ ਫੁਟੇਜ ਦਿਖਾਉਣ ਦੀ ਗੱਲ ਆਖੀ ਤੇ ਕੈਸ਼ੀਅਰ ਨੇ ਕਿਹਾ ਕਿ ਮੈਨੇਜਰ ਸਹਿਬ ਇੱਥੇ ਨਹੀਂ ਹਨ। ਬਜੁਰਗ ਨੇ ਪੁਲਿਸ ਪ੍ਰਸ਼ਾਸਨ ਨੂੰ ਗੁਹਾਰ ਲਗਾਈ ਹੈ ਕਿ ਸੀਸੀਟੀਵੀ ਨੂੰ ਧਿਆਨ ਨਾਲ ਚੈਕ ਕਰਕੇ ਇਨ੍ਹਾਂ ਜੇਬਕਤਰੇ ਨੂੰ ਫੜਿਆ ਜਾਵੇ ਤੇ ਮੇਰੇ ਪੈਸੇ ਵਾਪਿਸ ਕਰਵਾਏ ਜਾਣ।

ਇਸ ਸਬੰਧੀ ਥਾਣਾ ਮੁਖੀ ਦਸੂਹਾ ਹਰਪ੍ਰੇਮ ਸਿੰਘ ਨੇ ਕਿਹਾ ਕਿ ਸੀਸੀਟੀਵੀ ਚੈਕ ਕੀਤੀ ਜਾ ਰਹੀ ਹੈ। ਜਿਸ ਵਿੱਚ ਇੱਕ ਅਣਪਛਾਤਾ ਨੌਜਵਾਨ ਸਾਹਮਣੇ ਆਇਆ ਹੈ ਤੇ ਜਾਂਚ ਜਾਰੀ ਹੈ।

ਕੈਪਸ਼ਨ… ਘਟਨਾ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਬਖਸ਼ੀਸ਼ ਸਿੰਘ, ਫੱਟਾ ਹੋਇਆ ਝੋਲਾ ਦਿਖਾਉਂਦੇ ਹੋਏ ਬਖਸ਼ੀਸ਼ ਸਿੰਘ, ਬੈਂਕ ਚ ਸੀਸੀਟੀਵੀ ਚੈਕ ਕਰਦੇ ਹੋਏ ਥਾਣਾ ਮੁਖੀ ਹਰਪ੍ਰੇਮ ਸਿੰਘ ਤੇ ਹੋਰ।