ਗੜ੍ਹਦੀਵਾਲਾ (ਚੌਧਰੀ) 

 : ਪਿੰਡ ਡੱਫਰ ਦੇ ਐਨ ਆਰ. ਆਈ. ਵੀਰ ਪ੍ਰਕਾਸ਼ ਸਿੰਘ ਬੱਧਣ (ਨਿਊਜ਼ੀਲੈਂਡ) ਵਲੋਂ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਡੱਫਰ ਦੀ ਭਲਾਈ ਦੇ ਲਈ 51000 ਹਜ਼ਾਰ ਰੁਪਏ ਦਾਨ ਕੀਤੇ । ਉਹਨਾਂ ਕਿਹਾ ਕਿ ਇਹਨਾਂ ਸਕੂਲਾਂ ਦੇ ਵਿੱਚ ਗਰੀਬ ਪਰਿਵਾਰਾਂ ਦੇ ਬੱਚੇ ਪੜ੍ਹਦੇ ਹਨ ਜਿਨਾਂ ਦੇ ਕੋਲ ਕਾਪੀਆਂ ਕਿਤਾਬਾਂ ਲੈਣ ਦੇ ਲਈ ,ਵਰਦੀਆਂ ਲੈਣ ਦੇ ਲਈ ਕੋਈ ਵੀ ਪੈਸਾ ਨਹੀਂ ਹੁੰਦਾ ਅਤੇ ਉਹ ਇਹਨਾਂ ਕਾਰਨਾਂ ਕਰਕੇ ਪੜ੍ਹਾਈ ਤੋਂ ਵਾਂਝੇ ਰਹਿ ਜਾਂਦੇ ਹਨ, ਉਹਨਾਂ ਕਿਹਾ ਕਿ ਪੈਸਿਆਂ ਕਰਕੇ ਕੋਈ ਬੱਚਾ ਪੜ੍ਹਾਈ ਤੋਂ ਨਹੀਂ ਰਹਿਣਾ ਚਾਹੀਦਾ ਭਾਵੇਂ ਇਸ ਲਈ ਜਿੰਨੇ ਮਰਜ਼ੀ ਪੈਸੇ ਲੱਗ ਜਾਣ ਉਹਨਾਂ ਦੀ ਇਸ ਸੋਚ ਤੋਂ ਪਿੰਡ ਵਾਸੀ ਅਤੇ ਸਕੂਲ ਸਟਾਫ ਮੈਂਬਰਾਂ ਨੇ ਉਹਨਾਂ ਦਾ ਧੰਨਵਾਦ ਕੀਤਾ ।ਉਹਨਾਂ ਦੇ ਨਾਲ ਗੁਰਨਾਮ ਸਿੰਘ ਭਾਟੀਆ ਦਵਿੰਦਰ ਸਿੰਘ ਲਾਖਾ , ਨਿਰਮਲ ਸਿੰਘ ਡੱਫਰ ਦਲਵੀਰ ਸਿੰਘ ਡੱਫਰ ਮੌਜੂਦ ਸਨ। ਸਕੂਲ ਵਿੱਚ ਮੌਜੂਦ ਸ਼੍ਰੀ ਦਿਨੇਸ਼ ਠਾਕੁਰ ਲੈਕਚਰਾਰ ਅੰਗਰੇਜ਼ੀ ਅਤੇ ਬਾਕੀ ਸਟਾਫ ਮੈਂਬਰਾਂ ਨੇ ਉਹਨਾਂ ਦੇ ਇਸ ਸ਼ਲਾਘਾ ਯੋਗ ਕੰਮ ਲਈ ਬਹੁਤ- ਬਹੁਤ ਧੰਨਵਾਦ ਕੀਤਾ।