ਗੜ੍ਹਦੀਵਾਲਾ(ਚੌਧਰੀ) 

23 ਨਵੰਬਰ : ਬੀਤੇ ਦਿਨੀਂ ਧੁੱਗਾ ਕਾਲਾਂ ਵਿਖੇ ਹੋਏ ਸਮਾਗਮ ਦੌਰਾਨ ਸਕੂਲ ਦੀ ਪ੍ਰਿੰਸੀਪਲ ਮੈਡਮ ਜੀਵਨ ਕੁਮਾਰੀ ਨੇ ਦੱਸਿਆ ਕਿ ਸਕੂਲ ਦੇ ਡੀ.ਪੀ.ਆਈ ਜਸਵਿੰਦਰ ਸਿੰਘ ਦੇ NRI ਭਰਾ  ਰਾਜਵਿੰਦਰ ਸਿੰਘ ਜੌਹਲ ਪੁੱਤਰ ਲੇਟ ਮੇਜਰ ਪਿਆਰਾ ਸਿੰਘ ਕੈਨੇਡਾ ਵਾਸੀ ਵਲੋਂ ਸਕੂਲ ਵਿਜ਼ਿਟ ਦੇ ਦੌਰਾਨ ਸਕੂਲ ਦੇ ਜੇਤੂ ਖਿਡਾਰੀਆਂ ਦਾ ਸਨਮਾਨ ਕੀਤਾ ਗਿਆ। ਜਿਕਰਯੋਗ ਹੈ ਕਿ ਸਕੂਲ ਦੀ ਖਿਡਾਰਨ ਸਿਮਰਨ (ਬਾਰ੍ਹਵੀਂ ਜਮਾਤ) ਜੋਨਲ ਐਥਲੈਟਿਕਸ ਟੂਰਨਾਮੈਂਟ 800m,1500m,3000m ਦੌੜਾਂ ਵਿਚ ਤਿੰਨਾਂ ਵਿਚ ਸੋਨ ਤਗਮਾ ਜਿੱਤਿਆ ਸੀ । ਇਸੇ ਤਰ੍ਹਾਂ ਖੇਡਾਂ ਵਤਨ ਪੰਜਾਬ ਦੀਆਂ ਦੌਰਾਨ ਐਥਲੈਟਿਕਸ ਵਿਚ 5000m ਵਿਚ ਦੂਜਾ ਸਥਾਨ ਪ੍ਰਾਪਤ ਕਰਕੇ ਚਾਂਦੀ ਦਾ ਤਗਮਾ ਜਿੱਤਿਆ ਸੀ।NRI ਰਾਜਵਿੰਦਰ ਸਿੰਘ ਜੌਹਲ ਵਲੋਂ ਵਿਦਿਆਰਥਣ ਦੀ ਪ੍ਰਸ਼ੰਸਾ ਕਰਦੇ ਹੋਏ, 10000 ਰੁਪਏ ਨਕਦ ਰਾਸ਼ੀ ਇਨਾਮ ਦੇ ਤੌਰ ਤੇ ਦਿੱਤੀ ਅਤੇ ਸਟੇਟ ਪੱਧਰੀ ਮੁਕਾਬਲੇ ਵਿਚ ਮਿਹਨਤ ਕਰਨ ਲਈ ਪ੍ਰੇਰਿਆ। ਇਸ ਮੌਕੇ ਪ੍ਰਿੰਸੀਪਲ ਅਤੇ ਸਕੂਲ ਸਟਾਫ਼ ਵਲੋਂ NRI ਰਾਜਵਿੰਦਰ ਸਿੰਘ ਜੌਹਲ ਦਾ ਧੰਨਵਾਦ ਕੀਤਾ ਤੇ ਉਹਨਾਂ ਨੂੰ ਸਨਮਾਨ ਚਿੰਨ੍ਹ ਭੇਂਟ ਕੀਤਾ ਗਿਆ। ਇਸ ਮੌਕੇ ਅੰਮ੍ਰਿਤਪਾਲ ਸਿੰਘ, ਰਵਿੰਦਰ ਸਿੰਘ, ਨਰਪਿੰਦਰ ਸਿੰਘ, ਪੰਕਜ ਕੁਮਾਰ, ਸੁਖਵਿੰਦਰ ਕੌਰ, ਯੁੱਧਵੀਰ ਸਿੰਘ, ਕੁਲਵਿੰਦਰ ਕੌਰ, ਹਰਵਿੰਦਰ ਕੌਰ, ਪੂਨਮ ਸ਼ਰਮਾ, ਰਜਵੰਤ ਕੌਰ,ਬਲਜੀਤ ਕੌਰ, ਪ੍ਰਿਯਾ ਠਾਕੁਰ, ਗਗਨਦੀਪ ਸਿੰਘ, ਕਮਲ ਬੈਂਸ, ਜਗਜੀਤ ਸਿੰਘ, ਆਦਿ ਹਾਜਰ ਸਨ।