ਦਸੂਹਾ 16 ਜਨਵਰੀ (ਚੌਧਰੀ )

: ਅੱਜ ਨੈਸ਼ਨਲ ਹਾਈਵੇ ਤੇ ਪਠਾਨਕੋਟ  ਤੋਂ ਜਲੰਧਰ ਜਾ ਰਹੀ ਬੱਸ ਬੇਕਾਬੂ ਹੋਕੇ ਡਿਵਾਈਡਰ ਨੂੰ ਤੋੜਦੀ ਹੋਈ ਕੰਧ ਚ ਜਾ ਵੱਜੀ ।ਮਿਲੀ ਜਾਣਕਾਰੀ ਅਨੁਸਾਰ ਢਿੱਲੋਂ ਬੱਸ ਸਰਵਿਸ ਪੀਬੀ 13 ਜ਼ੈੱਡ 0255 ਦਾ ਇੰਜਣ ਚ ਖਰਾਬੀ ਆਉਣ ਕਾਰਨ ਅਤੇ ਡਰਾਈਵਰ ਦੀ ਸਿਆਣਪ ਕਾਰਨ ਵੱਡਾ ਹਾਦਸਾ ਟਲ ਗਿਆ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਬੱਸ ਦੇ ਡਰਾਈਵਰ ਧਰਮਪਾਲ ਅਤੇ ਕੰਡਕਟਰ ਹਰਜਿੰਦਰ ਸਿੰਘ ਨੇ ਦੱਸਿਆ ਕਿ ਸਾਡੀ ਬੱਸ ਸਵੇਰੇ ਪਠਾਨਕੋਟ ਤੋਂ ਜਲੰਧਰ ਲਈ ਰਵਾਨਾ ਹੋਈ ਸੀ, ਜੋ ਦਸੂਹਾ ਨੈਸ਼ਨਲ ਹਾਈਵੇ ‘ਤੇ ਵਿਨੋਦ ਰਾਣੀ ਦੇ ਪੈਟਰੋਲ ਪੰਪ ਦੇ ਸਾਹਮਣੇ ਇੰਜਣ ਵਿਚ ਖਰਾਬੀ ਆਉਣ ਕਾਰਨ ਡਿਵਾਈਡਰ ਦੀ ਰੇਲਿੰਗ ਤੋੜਦੇ ਹੋਏ ਇੱਕ ਖਾਲੀ ਪਲਾਟ ਚ ਜਾ ਘੁਸੀ। ਉਨ੍ਹਾਂ ਕਿਹਾ ਕਿ ਜੇਕਰ ਅਜਿਹਾ ਨਾ ਹੁੰਦਾ ਤਾਂ ਅੱਗੇ ਜਾ ਕੇ ਬਾਬਾ ਬਰਫਾਨੀ ਚੌਕ ਵਿਖੇ  ਵੱਡਾ ਹਾਦਸੇ ਵਾਪਰਨ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ ਸੀ। ਇਸ ਮੌਕੇ ਹਾਜ਼ਰ ਲੋਕਾਂ ਨੇ ਡਰਾਈਵਰ ਦੀ ਸਿਆਣਪ ਦੀ ਸ਼ਲਾਘਾ ਕੀਤੀ, ਜਿਸ ਕਾਰਨ ਕੋਈ ਵੀ ਜ਼ਖਮੀ ਨਹੀਂ ਹੋਇਆ।