ਗੜਦੀਵਾਲਾ 14 ਫਰਵਰੀ (ਚੌਧਰੀ) 

: ਸੰਸਾਰ ਅੰਦਰ ਸੱਜ ਪਿਛੱਕੜ ਤਾਕਤਾਂ ਅੱਗੇ ਵਧ ਰਹੀਆਂ ਹਨ ਅਤੇ ਸਾਡੇ ਦੇਸ਼ ਅੰਦਰ ਬੀਜੇਪੀ ਨੂੰ ਪਾਰਲੀਮੈਂਟ ਚੋਣਾਂ ਵਿੱਚ ਝਟਕਾ ਲੱਗਣ ਦੇ ਬਾਵਜੂਦ ਦੇਸ਼ ਅੰਦਰ ਫਿਰਕੂ ਕਾਰਪੋਰੇਟ ਗੱਠਜੋੜ ਪੂਰੀ ਸਿਦਤ ਨਾਲ ਕੰਮ ਕਰ ਰਿਹਾ ਹੈ ।ਇਹਨਾਂ ਦੀਆਂ ਲੋਕ ਵਿਰੋਧੀ ਨੀਤੀਆਂ ਕਾਰਨ ਮਹਿੰਗਾਈ ਬੇਰੁਜ਼ਗਾਰੀ ਸਿਖਰਾਂ ਤੇ ਪਹੁੰਚ ਗਈ ਹੈ। ਲੋਕਾਂ ਨੂੰ ਇਹਨਾਂ ਸਾਰਿਆਂ ਦੇ ਹੱਲ ਲਈ ਆਓ ਸ਼ਹੀਦਾਂ ਦੇ ਸੁਪਨਿਆਂ ਨੂੰ ਸਾਕਾਰ ਕਰਨ ਲਈ ਬਰਸੀ ਤੇ ਇਕੱਠੇ ਹੋ ਕੇ ਸ਼ਰਧਾ ਦੇ ਫੁੱਲ ਭੇਂਟ ਕਰੀਏ,ਅਤੇ ਲੋਕ ਹਿੱਤਾਂ ਦੇ ਮਸਲਿਆਂ ਲਈ ਵਿਚਾਰ ਕਰੀਏ ।ਕਾਮਰੇਡ ਚੰਨਣ ਸਿੰਘ ਧੂਤ ਅਤੇ ਕਾਮਰੇਡ ਹੁਕਮ ਚੰਦ ਗੁਲਸ਼ਨ ਦੀ 38ਵੀਂ ਬਰਸੀ ਇਤਿਹਾਸਿਕ ਪਿੰਡ ਪਿੰਡ ਧੂਤਕਲਾ ਵਿਖੇ 16 ਫਰਵਰੀ ਨੂੰ ਮਨਾਈ ਜਾ ਰਹੀ ਹੈ। ਇਸ ਬਰਸੀ ਤੇ ਪਾਰਟੀ ਵੱਲੋਂ ਘਰ ਘਰ ਜਾ ਕੇ ਬਰਸੀ ਤੇ ਆਉਣ ਦਾ ਸੱਦਾ ਦਿੱਤਾ ਜਾ ਰਿਹਾ ਹੈ। ਲੋਕਾਂ ਵਿੱਚ ਇਸ ਬਰਸੀ ਨੂੰ ਮਨਾਉਣ ਲਈ ਭਾਰੀ ਉਤਸ਼ਾਹ ਪਾਇਆ ਜਾ ਰਿਹਾ ਹੈ । ਨਗਰ ਕਲਾ ਕੇਂਦਰ ਵਾਲੇ ਬਰਸੀ ਤੇ ਕੋਰਿਓਗ੍ਰਾਫੀ ਅਤੇ ਨਾਟਕਾਂ ਰਾਹੀਂ ਪਬਲਿਕ ਨੂੰ ਸਰਕਾਰਾਂ ਦੀਆਂ ਫੁੱਟ ਪਾਓ ਤੇ ਫਿਰਕਾ ਪ੍ਰਸਤ ਨੀਤੀਆਂ ਬਾਰੇ ਜਾਗਰੂਕ ਕਰਨਗੇ ।ਇਸ ਬਰਸੀ ਤੇ ਪਹੁੰਚ ਰਹੇ ਜ਼ਿਲ੍ਹਾ ਸਕੱਤਰ ਕਾਮਰੇਡ ਗਰਨੇਕ ਸਿੰਘ ਭੱਜਲ, ਦਰਸ਼ਨ ਸਿੰਘ ਮੱਟੂ ਸਹਾਇਕ ਸਕੱਤਰ ਕੁਲ ਹਿੰਦ ਕਿਸਾਨ ਸਭਾ, ਗੁਰਮੇਸ਼ ਸਿੰਘ ਜਨਰਲ ਸਕੱਤਰ ਕੁਲ ਹਿੰਦ ਖੇਤ ਮਜ਼ਦੂਰ ਯੂਨੀਅਨ,ਮਹਿੰਦਰ ਕੁਮਾਰ ਵਡੋਆਣ (ਸੀਟੂ )ਸ਼ੁਭਾਸ਼ ਮੱਟੂ ਜਨਵਾਦੀ ਇਸਤਰੀ ਸਭਾ ਅਤੇ ਸਾਥੀ ਅਮਰਜੀਤ ਸਿੰਘ ਜਿਲਾ ਕੌਂਸਲ ਹੁਸ਼ਿਆਰਪੁਰ ਪਹੁੰਚ ਰਹੇ ਹਨ। ਅੱਜ ਬਰਸੀ ਦਾ ਸੁਨੇਹਾ ਦੇਣ ਵਾਲਿਆਂ ਵਿੱਚ ਕਾਮਰੇਡ ਗਰਮੇਸ਼ ਸਿੰਘ ਪੰਕਜ ਕੁਮਾਰ ਚਠਿਆਲ ਹਰਬੰਸ ਸਿੰਘ ਧੂਤ ਸ਼ਿਵ ਕੁਮਾਰ ਟਾਂਡਾ, ਹਰਮੇਲ ਸਿੰਘ ਹੁਸੈਨਪੁਰ ਮਲਕੀਤ ਸਿੰਘ ਧਰਮਜੀਤ ਸਿੰਘ ਧੂਤ ਹਾਜ਼ਰ ਸਨ।