ਦਸੂਹਾ (PPT NEWS)

5 ਸਤੰਬਰ : ਦਸੂਹਾ ਦੇ ਉੱਚੀ ਬੱਸੀ ਦੇ ਪਟਰੋਲ ਪੰਪ ਦੇ ਨਜ਼ਦੀਕ ਹੋਏ ਸੜਕ ਹਾਦਸੇ ਚ ਪਿਓ,ਧੀ ਦੀ ਮੌ+ਤ ਤੇ ਦੋ ਹੋਰ ਲੋਕਾਂ ਦੇ ਜਖਮੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਜਲੰਧਰ ਸਾਇਡ ਤੋਂ ਆ ਰਹੀ ਇਕ ਕੇ ਟੈਨ ਆਟੋ ਕਾਰ ਨੂੰ ਪੀ ਬੀ 07 ਬੀ ਬੀ 8971 ਇੱਕ ਸੜਕ ਕਿਨਾਰੇ ਖੜੇ ਟਰੱਕ ਨਾਲ ਜਾ ਟਕਰਾਈ।

ਮ੍ਰਿਤਕਾਂ ਵਿੱਚ ਇੱਕ ਤਿੰਨ ਸਾਲ ਦੀ ਬੱਚੀ ਵੀ ਦੱਸੀ ਜਾ ਰਹੀ ਹੈ। ਹਾਦਸਾ ਇੰਨਾ ਭਿਆਨਕ ਸੀ ਕਿ ਕਾਰ ਦੇ ਪਰਖੱਚੇ ਉਡ ਗਏ। ਹਾਦਸੇ ਵਿਚ ਜਖਮੀ ਲੋਕਾਂ ਨੂੰ ਮੁਕੇਰੀਆਂ ਦੇ ਸਿਵਲ ਹਸਪਤਾਲ ਵਿਖੇ ਪਹੁੰਚਾਇਆ ਗਿਆ। ਮ੍ਰਿਤਕਾ ਦੀ ਪਛਾਣ ਓਮ ਪ੍ਰਕਾਸ਼ ਪੁੱਤਰ ਅਸ਼ੋਕ ਕੁਮਾਰ (31)ਸਾਲ ਵਾਸੀ ਪਿੰਡ ਭੰਗਾਲਾ, ਯੁਵਿਕਾ ਪੁੱਤਰ ਓਮ ਪ੍ਰਕਾਸ਼ (3) ਸਾਲ ਵਾਸੀ ਪਿੰਡ ਭੰਗਾਲਾ ਅਤੇ ਹਾਦਸੇ ਵਿਚ ਗੰਭੀਰ ਹੋਏ ਰਾਧਿਕਾ ਪਤਨੀ ਓਮ ਪ੍ਰਕਾਸ਼ (31) ਸਾਲ ਵਾਸੀ ਪਿੰਡ ਭੰਗਾਲਾ, ਵਰਿੰਦਰ ਸਿੰਘ ਪੁੱਤਰ ਰਣਵੀਰ ਸਿੰਘ (62)ਸਾਲ ਵਾਸੀ ਜੰਡਵਾਲ ਜੋ ਕਿ ਮੁਕੇਰੀਆਂ ਦੇ ਸਿਵਲ ਹਸਪਤਾਲ ਵਿਖੇ ਜੇਰੇ ਇਲਾਜ ਹਨ। ਪੁਲਿਸ ਵਲੋਂ ਮੌਕੇ ਤੇ ਪਹੁੰਚ ਕੇ ਬਣਦੀ ਕਾਰਵਾਈ ਕੀਤੀ ਜਾ ਰਹੀ ਹੈ।