‘ਆਪ’ ਦੀ ਸਰਕਾਰ ਆਉਣ ਪਿੰਡ ਸੰਸਾਰਪੁਰ ਚ ਪਿਛਲੇ ਕਈ ਦਹਾਕਿਆਂ ਤੋਂ ਬੰਦ ਪਈ ਡਿਸਪੈਂਸਰੀ ਖੁੱਲਣ ਦੇ ਰਾਹ ਤੇ.. 

ਐਸ ਐਮ ਓ ਮੰਡ ਪੰਧੇਰ ਡਾ ਐਸ ਪੀ ਸਿੰਘ ਨੇ ਡਿਸਪੈਂਸਰੀ ਦਾ ਨੇ ਕੀਤਾ ਦੌਰਾ 

ਵੱਧੀਆਂ ਸੇਹਤ ਸੇਵਾਵਾਂ ਨਿਭਾਉਣ ਤੇ ਐਸ ਐਮ ਓ ਡਾ ਐਸ ਪੀ ਸਿੰਘ ਦਾ ਆਪ ਵਰਕਰਾਂ ਵਲੋਂ ਸਨਮਾਨ 

ਸੰਸਾਰਪੁਰ/ ਦਸੂਹਾ 22 ਮਾਰਚ (ਚੌਧਰੀ) : ਕੰਢੀ ਇਲਾਕੇ ਦੇ 10 ਪਿੰਡਾਂ ਦੇ ਲੋਕਾਂ ਨੂੰ ਪੰਜਾਬ ਸਰਕਾਰ ਵਲੋਂ ਸਿਹਤ-ਸਹੂਲਤਾਂ ਦੇਣ ਲਈ ਪਿੰਡ ਸੰਸਾਰਪੁਰ ਵਿੱਚ ਲੱਗਭਗ 50 ਸਾਲ ਪਹਿਲਾਂ ਇਕ ਡਿਸਪੈਂਸਰੀ ਖੋਲੀ ਗਈ ਸੀ।ਪਿਛਲੇ ਕਈ ਸਾਲਾਂ ਤੋਂ ਇਸ ਡਿਸਪੈਂਸਰੀ ਵਿੱਚ ਨਾ ਕੋਈ ਡਾਕਟਰ,ਨਾ ਕੋਈ ਫਾਰਮਾਸਿਸਟ ਅਤੇ ਨਾ ਕੋਈ ਦਵਾਈ ਉਪਲਬਧ ਹੈ।ਇਸ ਡਿਸਪੈਂਸਰੀ ਨੂੰ ਚਾਲੂ ਰੱਖਣ ਲਈ ਪਿਛਲੀਆਂ ਸਰਕਾਰਾਂ ਨੂੰ ਕਈ ਵਾਰ ਬੇਨਤੀ ਕੀਤੀ ਜਾਂਦੀ ਰਹੀ,ਪਰ ਕਿਸੇ ਵੀ ਸਰਕਾਰ ਨੇ ਇਸ ਪਾਸੇ ਧਿਆਨ ਨਹੀਂ ਦਿੱਤਾ।

ਪਿਛਲੇ ਦਿਨੀਂ ਆਮ ਆਦਮੀ ਪਾਰਟੀ ਦੇ ਬਲਾਕ ਪ੍ਰਧਾਨ ਮਾਸਟਰ ਸੁਰਜੀਤ ਸਿੰਘ ਨੇ ਇਸ ਡਿਸਪੈਂਸਰੀ ਦੀ ਤਰਸਯੋਗ ਹਾਲਤ ਦਾ ਮਸਲਾ ਐਸ.ਐਮ.ਓ,ਮੰਡ-ਪੰਧੇਰ,ਡਾ. ਐਸ. ਪੀ.ਸਿੰਘ ਕੋਲ ਉਠਾਇਆ ਤਾਂ ਐਸ ਐਮ ਓ ਮੰਡ ਪੰਧੇਰ ਨੇ ਮੌਕੇ ਤੇ ਪਹੁੰਚ ਕੇ ਸਾਰੀ ਸਥਿਤੀ ਦਾ ਜਾਇਜ਼ਾ ਲਿਆ ਅਤੇ ਯਕੀਨ ਦੁਆਇਆ ਕਿ ਉਹ ਇਲਾਕੇ ਦੀ ਇਸ ਡਿਸਪੈਂਸਰੀ ਨੂੰ ਸੁਚਾਰੂ ਢੰਗ ਨਾਲ ਚਲਾਉਣ ਲਈ ਆਪਣਾ ਪੂਰਾ ਸਹਿਯੋਗ ਦੇਣਗੇ।
ਇਸ ਮੌਕੇ ਤੇ ਮਾਸਟਰ ਸੁਰਜੀਤ ਅਤੇ ਆਮ ਆਦਮੀ ਪਾਰਟੀ ਦੇ ਵਰਕਰਾਂ ਵਲੋਂ, ਡਾਕਟਰ ਐਸ.ਪੀ.ਸਿੰਘ ਨੂੰ ਉਨ੍ਹਾਂ ਵਲੋਂ ਸਮਾਜ ਲਈ ਨਿਭਾਈਆਂ ਜਾ ਰਹੀਆਂ ਸੇਵਾਵਾਂ ਲਈ ਸਨਮਾਨਿਤ ਕੀਤਾ ਗਿਆ।ਇਸ ਮੌਕੇ ਹੈਲਥ ਵਿਭਾਗ ਦੇ ਹੋਰ ਕਰਮਚਾਰੀ ਵੀ ਹਾਜਰ ਸਨ।