ਗੜਦੀਵਾਲਾ 16 ਨਵੰਬਰ (ਪ੍ਰਦੀਪ ਕੁਮਾਰ / ਚੌਧਰੀ) ) 

: ਹਰ ਸਾਲ ਦੀ ਤਰ੍ਹਾਂ 16 ਨਵੰਬਰ ਨੂੰ ਭਾਰਤ ਵਿੱਚ ਵੀ ਪ੍ਰੈਸ ਦਿਵਸ ਮਨਾਇਆ ਜਾਂਦਾ ਹੈ ਤਾਂ ਕਿ ਲੋਕਤੰਤਰ ਨੂੰ ਕਾਇਮ ਰੱਖਣ ਲਈ ਪਾਰਦਰਸ਼ੀ ਪ੍ਰੈਸ ਦੀ ਅਨਮੋਲ ਭੂਮਿਕਾ ਦਾ ਸਨਮਾਨ ਕੀਤਾ ਜਾ ਸਕੇ। ਮੀਡੀਆ ਕੋਲ ਜਨਤਕ ਰਾਏ ਨੂੰ ਢਾਲਣ ਦੀ ਅਹਿਮ ਸ਼ਕਤੀ ਹੁੰਦੀ ਹੈ ।ਪ੍ਰੈਸ ਨੂੰ ਅਕਸਰ ਲੋਕਤੰਤਰ ਦਾ ਚੌਥਾ ਥੰਮ ਕਿਹਾ ਜਾਂਦਾ ਹੈ, ਮੀਡੀਆ ਨੂੰ ਸਮਾਜ ਦਾ ਦਰਪਣ ਮੰਨਿਆ ਜਾਂਦਾ ਹੈ। ਰਾਜਨੀਤਿਕ ਲਾਭ ਲਈ ਮੀਡੀਆ ਦੀ ਦੁਰਵਰਤੋਂ ਕਰਨਾ ਭਾਰਤੀ ਮੀਡੀਆ ਲਈ ਗੰਭੀਰ ਚੁਣੌਤੀਆਂ ਦੇ ਰਿਹਾ ਹੈ। ਵੱਧ ਰਹੇ ਅਪਰਾਧ ਸਰਕਾਰੀ ਅਦਾਰਿਆਂ ਦੀ ਲਾਪਰਵਾਹੀ ਕਰਨ ਵਾਲੇ ਲੋਕਾਂ ਦੀ ਖੱਜਲ ਖੁਆਰੀ ਨੂੰ ਦੇਖਦੇ ਹੋਏ ਮੀਡੀਆ ਦੀ ਭੂਮਿਕਾ ਹੋਰ ਵੱਧ ਸਿਆਣਪ ਤੇ ਤਨਦੇਹੀ ਨਾਲ ਕੰਮ ਕਰਨ ਦੀ ਹੈ। ਸਰਕਾਰੀ ਨੀਤੀਆਂ ਦੇ ਫੈਸਲਿਆਂ ਦੀ ਆਲੋਚਨਾ ਕਰਨਾ, ਲੇਖਾ ਜੋਖਾ ਕਰਨ ਦੀ ਸ਼ਕਤੀ ,ਮੀਡੀਆ ਲਈ ਜਿੰਮੇਵਾਰੀ ਤੋਂ ਵੱਧ ਹੈ ਲੋਕਤੰਤਰ ਦੇ ਚੌਥੇ ਥੰਮ ਮੀਡੀਆ ਨੂੰ ਬਚਾਉਣ ਦੀ ਲੋੜ ਹੈ ਤਾਂ ਕਿ ਜੋ ਹੱਕ ਸੱਚ ਦੀ ਆਵਾਜ਼ ਬੁਲੰਦ ਹੋ ਸਕੇ। ਅੱਜ ਦੇ ਪ੍ਰੈੱਸ ਦਿਵਸ ਤੇ ਪੱਤਰਕਾਰ ਮਲਕੀਤ ਸਿੰਘ,ਪਰਮਜੀਤ ਸਿੰਘ ਭਟੋਆ ,ਲਾਲਜੀ ਚੌਧਰੀ,ਗੌਰਵ ਨਈਅਰ ,ਯੋਗੇਸ਼ ਗੁਪਤਾ,ਅਮਰਜੀਤ ਜਲੋਟਾ,ਪ੍ਰਦੀਪ ਕੁਮਾਰ, ਮਹਿੰਦਰ ਮਲਹੋਤਰਾ  ਆਦ ਸ਼ਾਮਿਲ ਹੋਏ।