ਗੜ੍ਹਦੀਵਾਲਾ 28 ਮਈ (ਚੌਧਰੀ)

: 25 ਤੇ 26 ਮਈ ਨੂੰ ਪਟਿਆਲਾ ਵਿਖੇ ਤਾਈਕਵਾਂਡੋ ਚੈਲੰਜ ਕੱਪ ਕਰਵਾਇਆ ਗਿਆ। ਜਿਸ ਵਿੱਚ ਜਸਲੀਨ ਤੇ ਜਾਨਵੀ ਨੇ ਵਿਅਕਤੀਗਤ ਤੌਰ ਤੇ ਸੋਨ ਤਗਮੇ ਜਿੱਤਣ ਵਿਚ ਕਾਮਯਾਬੀ ਹਾਸਲ ਕੀਤੀ ਹੈ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ 60 ਕਿਲੋ ਭਾਰ ਵਰਗ ਮੁਕਾਬਲੇ ਚ ਉਪਨ ਚੈਲੰਜ ਕਰਕੇ ਤਾਈਕਵਾਂਡੋ ਚੈਲੰਜ ਕੱਪ ਵੀ ਜਿੱਤ ਕੇ ਕੈਸ਼ ਇਨਾਮ ਵੀ ਜਿੱਤਿਆ ਹੈ। ਇਸ ਮੌਕੇ ਜਸਲੀਨ ਤੇ ਜਾਨਵੀ ਦੀ ਦਾਦੀ ਸੁਰਜੀਤ ਕੌਰ ਵਿਸ਼ੇਸ਼ ਤੌਰ ਤੇ ਬੱਚਿਆਂ ਤੇ ਕੋਚ ਵਿਸ਼ਾਲ ਸ਼ਰਮਾ ਨੂੰ ਆਸ਼ੀਰਵਾਦ ਦੇਣ ਲਈ ਪਹੁੰਚੇ।ਜਸਲੀਨ ਅਤੇ ਜਾਨਵੀ ਦੇ ਪਿਤਾ ਡਾਕਟਰ ਨਿਰਮਲ ਸਿੰਘ ਨੇ ਇਸ ਉਪਲਬਧੀ ਦਾ ਸਿਹਰਾ ਉਕਤ ਖਿਡਾਰਨਾਂ ਦੀ ਸਖ਼ਤ ਮਿਹਨਤ ਦੱਸਿਆ। ਉਨ੍ਹਾਂ ਦੱਸਿਆ ਕਿ ਜਸਲੀਨ ਅਤੇ ਜਾਨਵੀ ਇਸ ਤੋਂ ਪਹਿਲਾਂ ਸੂਬਾ ਅਤੇ ਰਾਸ਼ਟਰੀ ਪੱਧਰ ਤੇ ਬਹੁਤ ਸਾਰੇ ਮੈਡਲ ਜਿੱਤ ਚੁੱਕਿਆਂ ਹਨ।