ਗੁਰਦਾਸਪੁਰ (ਅਸ਼ਵਨੀ)

2 ਮਾਰਚ – ਪੁਲਿਸ ਜਿਲ੍ਹਾ ਗੁਰਦਾਸਪੁਰ ਅਧੀਨ ਪੈਂਦੇ ਵੱਖ-ਵੱਖ ਪੁਲਿਸ ਸਟੇਸ਼ਨਾ ਦੀ ਪੁਲੀਸ ਵਲੋ 3 ਵਿਅਕਤੀਆ ਨੂੰ 63 ਹਜ਼ਾਰ 7 ਸੋ 50 ਮਿਲੀ ਲੀਟਰ ਨਾਜਾਇਜ ਸ਼ਰਾਬ ਅਤੇ 1000 ਕਿਲੋ ਲਾਹਣ ਸਮੇਤ ਕਾਬੂ ਕਰਨ ਦਾ ਦਾਅਵਾ ਕੀਤਾ ਗਿਆ ।
ਸਹਾਇਕ ਸਬ ਇੰਸਪੈਕਟਰ ਰਾਕੇਸ਼ ਕੁਮਾਰ ਪੁਲਿਸ ਸਟੇਸ਼ਨ ਭੈਣੀ ਮੀਆਂ ਖਾ ਨੇ ਦੱਸਿਆ ਕਿ ੳਹ ਪੁਲਿਸ ਪਾਰਟੀ ਸਮੇਤ ਗਸ਼ਤ ਕਰਦੇ ਹੋਏ ਪੁਰਾਣੀਆਂ ਬਾਗੜੀਆਂ , ਮਲੋਵਾਲ , ਮੋਚਪੁਰ ਆਦਿ ਨੂੰ ਜਾ ਰਹੇ ਸਨ ਜਦੋਂ ਉਹ ਦਰਿਆ ਬਿਆਸ ਧੂਸੀ ਬੰਨ ਪਿੰਡ ਮੋਚਪੁਰ ਪੁੱਜੇ ਤਾਂ ਮੁੱਖਬਰ ਖਾਸ ਨੇ ਸੂਚਨਾ ਦਿੱਤੀ ਕਿ ਗੁਰਮੀਤ ਸਿੰਘ ਉਰਫ ਸੋਨੂ ਪੁੱਤਰ ਬਲਦੇਵ ਸਿੰਘ ਮੋਚਪੁਰ ਸ਼ਰਾਬ ਕੱਢਣ ਦਾ ਆਦੀ ਹੈ ਜੇ ਹੁਣੇ ਰੇਡ ਕੀਤਾ ਜਾਵੇ ਤਾਂ ਕਾਬੂ ਆ ਸਕਦਾ ਹੈ ਇਸ ਸੂਚਨਾ ਤੇ ਦੱਸੀ ਹੋਈ ਜਗਾ ਤੇ ਰੇਡ ਕਰਕੇ ਗੁਰਮੀਤ ਸਿੰਘ ਨੂੰ 1000 ਕਿਲੋ ਲਾਹਣ ਸਮੇਤ ਕਾਬੂ ਕੀਤਾ ।
ਸਹਾਇਕ ਸਬ ਇੰਸਪੈਕਟਰ ਰਮਨ ਕੁਮਾਰ ਪੁਲਿਸ ਸਟੇਸ਼ਨ ਕਾਹਨੂੰਵਾਨ ਨੇ ਦੱਸਿਆ ਕਿ ਉਹ ਸਮੇਤ ਪੁਲਿਸ ਪਾਰਟੀ ਗਸ਼ਤ ਕਰਦੇ ਹੋਏ ਅੱਡਾ ਜਾਗੋਵਾਲ ਬਾਂਗਰ ਮੋਜੂਦ ਸੀ ਕਿ ਮੁੱਖਬਰ ਖਾਸ ਦੀ ਸੂਚਨਾ ਤੇ ਸੁੱਖਾ ਸਿੰਘ ਪੁੱਤਰ ਜਗੀਰ ਸਿੰਘ ਵਾਸੀ ਕਠਾਣਾ ਅਤੇ ਹਰਜੀਤ ਸਿੰਘ ਪੁੱਤਰ ਜਰਣੈਲ ਸਿੰਘ ਵਾਸੀ ਮੋਚਪੁਰ ਨੂੰ ਮੋਟਰ-ਸਾਈਕਲ ਨੰਬਰ ਪੀ ਬੀ 06 ਏ ਜੀ 5483 ਸਮੇਤ ਕਾਬੂ ਕਰਕੇ ਇਹਨਾ ਪਾਸੋ ਬਰਾਮਦ ਪਲਾਸਟਿਕ ਕੈਨ ਚੈੱਕ ਕੀਤਾ ਤਾਂ 33750 ਮਿਲੀ ਲੀਟਰ ਨਾਜਇਜ ਸ਼ਰਾਬ ਬਰਾਮਦ ਹੋਈ । ਸਹਾਇਕ ਸਬ ਇੰਸਪੈਕਟਰ ਰਾਕੇਸ਼ ਲਾਲ ਪੁਲਿਸ ਸਟੇਸ਼ਨ ਦੀਨਾ ਨਗਰ ਨੇ ਦੱਸਿਆ ਕਿ ਉਹ ਸਮੇਤ ਪੁਲਿਸ ਪਾਰਟੀ ਗਸ਼ਤ ਕਰਦੇ ਹੋਏ ਅੱਡਾ ਰਣਜੀਤ ਬਾਗ੍ਹ ਮੋਜੂਦ ਸੀ ਕਿ ਮੁੱਖਬਰ ਖਾਸ ਦੀ ਸੂਚਨਾ ਦਿੱਤੀ ਕਿ ਸਹਾਇਕ ਸਬ ਇੰਸਪੈਕਟਰ ਮੱਲ ਨੇ ਸਾਥੀ ਕਰਮਚਾਰੀਆ ਦੀ ਮਦਦ ਨਾਲ ਨਾਕਾ ਲੱਗਾ ਕੇ ਚੈਕਿੰਗ ਸ਼ੁਰੂ ਕੀਤੀ ਏਨੇ ਨੂੰ ਅਭਿਸ਼ੇਕ ਉਰਫ ਅੱਭੀ ਪੁੱਤਰ ਸੁੱਚਾ ਵਾਸੀ ਬਰਿਆਰ ਆਪਣੀ ਮੋਪੇਡ ਨੰਬਰ ਪੀ ਬੀ 97 ਏ 2431 ਚਲਾ ਕੇ ਆ ਰਿਹਾ ਸੀ ਇਸ ਨੇ ਮੋਪੇਡ ਤੇ ਅੱਗੇ ਇਕ ਪਲਾਸਟਿਕ ਕੈਨ ਰੱਖਿਆ ਹੋਇਆ ਸੀ ਜਦੋਂ ਇਸਨੂੰ ਰੁਕਣ ਦਾ ਇਸ਼ਾਰਾ ਕੀਤਾ ਤਾਂ ਇਹ ਮੋਪੇਡ ਅਤੇ ਪਲਾਸਟਿਕ ਕੈਨ ਸੁੱਟ ਕੇ ਭੱਜ ਗਿਆ ਪਲਾਸਟਿਕ ਕੈਨ ਨੂੰ ਚੈੱਕ ਕੀਤਾ ਤਾਂ 30 ਹਜਾਰ ਮਿਲੀ ਲੀਟਰ ਨਾਜਇਜ ਸ਼ਰਾਬ ਸਮੇਤ ਕਾਬੂ ਕੀਤਾ ।