ਫਗਵਾੜਾ ( ਲਾਲੀ ਦਾਦਰ )

* ਏ.ਡੀ.ਸੀ. ਨੇ ਕਰਵਾਈ ਮੈਡੀਕਲ ਕਿੱਟਾਂ ਵੰਡਣ ਦੀ ਸ਼ੁਰੂਆਤ

* ਦੇਸ਼ ਤੇ ਸਮਾਜ ਦੇ ਪ੍ਰਤੀ ਫਰਜ਼ ਨਿਭਾਉਂਦੀ ਹੈ ਆਈ.ਐਮ.ਏ. ਡਾ. ਵਿਰਕ

27 ਜਨਵਰੀ : ਡਾਕਟਰਾਂ ਦੀ ਜੱਥੇਬੰਦੀ ਇੰਡੀਅਨ ਮੈਡੀਕਲ ਐਸੋਸੀਏਸ਼ਨ (ਆਈ.ਐਮ.ਏ.) ਦੀ ਫਗਵਾੜਾ ਸ਼ਾਖਾ ਵਲੋਂ ਭਾਰਤ ਦੇ 74ਵੇਂ ਗਣਤੰਤਰ ਦਿਵਸ ਮੌਕੇ ਸ਼ਾਖਾ ਪ੍ਰਧਾਨ ਡਾ. ਜਸਜੀਤ ਸਿੰਘ ਵਿਰਕ ਦੀ ਅਗਵਾਈ ਹੇਠ ਐਂਬੁਲੇਂਸ ਡਰਾਈਵਰਾਂ, ਪੈਟਰੋਲ ਪੰਪਾਂ ਤੇ ਡਾਕਟਰਾਂ ਨੂੰ ਮੈਡੀਕਲ ਕਿੱਟਾਂ ਵੰਡੀਆਂ ਗਈਆਂ। ਜਿਸਦਾ ਸ਼ੁੱਭ ਆਰੰਭ ਏ.ਡੀ.ਸੀ. ਡਾ. ਨਯਨ ਜੱਸਲ ਵਲੋਂ ਕਰਵਾਇਆ ਗਿਆ। ਉਹਨਾਂ ਆਈ.ਐਮ.ਏ. ਦੇ ਇਸ ਉਪਰਾਲੇ ਦੀ ਸ਼ਲਾਘਾ ਕੀਤੀ ਅਤੇ ਸਮੂਹ ਹਾਜਰੀਨ ਨੂੰ ਗਣਤੰਤਰ ਦਿਵਸ ਅਤੇ ਬਸੰਤ ਪੰਚਮੀ ਦੀ ਵਧਾਈ ਦਿੱਤੀ। ਉਹਨਾਂ ਕਿਹਾ ਕਿ ਐਂਬੁਲੈਂਸ ਤੇ ਪੈਟਰੋਲ ਪੰਪ ਉੱਪਰ ਮੈਡੀਕਲ ਕਿੱਟ ਹੋਣ ਨਾਲ ਕਿਸੇ ਵੀ ਐਮਰਜੇਂਸੀ ਸਮੇਂ ਬਿਮਾਰਾਂ ਤੇ ਸੜਕ ਹਾਦਸਿਆਂ ਦੇ ਸ਼ਿਕਾਰ ਲੋਕਾਂ ਨੂੰ ਵੱਡੀ ਰਾਹਤ ਮਿਲ ਸਕਦੀ ਹੈ। ਆਈ.ਐਮ.ਏ. ਫਗਵਾੜਾ ਦੇ ਪ੍ਰਧਾਨ ਡਾ. ਜਸਜੀਤ ਸਿੰਘ ਵਿਰਕ ਨੇ ਦੱਸਿਆ ਕਿ ਸਿਹਤ ਮੰਤਰੀ ਡਾ. ਬਲਬੀਰ ਸਿੰਘ ਅਤੇ ਆਈ.ਐਮ.ਏ. ਪੰਜਾਬ ਦੇ ਪ੍ਰਧਾਨ ਡਾ. ਭਗਵੰਤ ਸਿੰਘ ਦੇ ਦਿਸ਼ਾ-ਨਿਰਦੇਸ਼ਾਂ ਹੇਠ ਇਹ ਉਪਰਾਲਾ ਕੀਤਾ ਗਿਆ ਹੈ। ਉਹਨਾਂ ਕਿਹਾ ਕਿ ਆਈ.ਐਮ.ਏ. ਜਿੱਥੇ ਡਾਕਟਰਾਂ ਦੇ ਹੱਕਾਂ ਲਈ ਸੰਘਰਸ਼ ਕਰਦੀ ਹੈ ਉੱਥੇ ਹੀ ਦੇਸ਼ ਅਤੇ ਸਮਾਜ ਦੀ ਸੇਵਾ ਵਿਚ ਵੀ ਮੋਹਰੀ ਹੋ ਕੇ ਆਪਣੇ ਫਰਜ਼ ਨੂੰ ਅਦਾ ਕਰਦੀ ਹੈ। ਸੰਸਥਾ ਦੇ ਸਕੱਤਰ ਡਾ. ਰਾਜੀਵ ਅੱਗਰਵਾਲ ਨੇ ਮੁੱਖ ਮਹਿਮਾਨ ਡਾ. ਨਯਨ ਜੱਸਲ ਅਤੇ ਸਮੂਹ ਹਾਜਰੀਨ ਦਾ ਧੰਨਵਾਦ ਕੀਤਾ। ਸਮਾਗਮ ਦੀ ਸਮਾਪਤੀ ਜਹਿਨਾਜ ਕੌਰ ਵਿਰਕ ਵਲੋਂ ਰਾਸ਼ਟਰ ਗਾਨ ਨਾਲ ਕੀਤੀ ਗਈ। ਇਸ ਮੌਕੇ ਆਈ.ਐਮ.ਏ. ਪੰਜਾਬ ਦੇ ਮੈਂਬਰ ਡਾ. ਐਸ.ਪੀ.ਐਸ. ਸੂਚ, ਫਗਵਾੜਾ ਸ਼ਾਖਾ ਦੇ ਸਹਿ ਸਕੱਤਰ ਡਾ. ਰਮੇਸ਼ ਅਰੋੜਾ, ਡਾ. ਤੁਸ਼ਾਰ ਅੱਗਰਵਾਲ ਤੋਂ ਇਲਾਵਾ ਡਾ. ਸੁਪਰੀਤ, ਡਾ. ਐਸ. ਰਾਜਨ, ਡਾ. ਸੋਹਨ ਲਾਲ, ਡਾ. ਵਿਜੇ ਸ਼ਰਮਾ, ਡਾ. ਰੋਹਨ ਪਰਹਾਰ, ਡਾ. ਇੰਦਰ, ਡਾ. ਕਮਲ ਕਿਸ਼ੋਰ, ਡਾ. ਮੋਹਨ ਸਿੰਘ, ਵੀ.ਪੀ. ਸਿੰਘ ਅਰੋੜਾ ਅਤੇ ਤਰਨਜੀਤ ਸਿੰਘ ਰਿੰਪੀ ਕਿੰਨੜਾ ਮਾਲਕ ਕਿੰਨੜਾ ਫਿਲਿੰਗ ਸਟੇਸ਼ਨ ਆਦਿ ਹਾਜਰ ਸਨ।