ਗੜ੍ਹਦੀਵਾਲਾ(ਚੌਧਰੀ) 

ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਅੰਬਾਲਾ ਜੱਟਾਂ ਵਿੱਖੇ ਰਾਸ਼ਟਰੀ ਖ਼ੇਡ ਦਿਵਸ ਮਨਾਇਆ 

29 ਅਗਸਤ  : ਜਿਲ੍ਹਾ ਸਿੱਖਿਆ ਅਫ਼ਸਰ ਸੈਕੰਡਰੀ ਹੁਸ਼ਿਆਰਪੁਰ ਸ੍ਰੀ ਗੁਰਸ਼ਰਨ ਸਿੰਘ ਜੀ ਦੀ ਰਹਨੁਮਾਈ ਹੇਠਾਂ, ਪ੍ਰਿੰਸੀਪਲ ਜਤਿੰਦਰ ਸਿੰਘ ਜੀ ਦੀ ਯੋਗ ਅਗਵਾਈ ਹੇਠਾਂ
ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਅੰਬਾਲਾ ਜੱਟਾਂ ਵਿਖੇ ਰਾਸ਼ਟਰੀ ਖ਼ੇਡ ਦਿਵਸ ਵੱਡੇ ਉਤਸ਼ਾਹ ਨਾਲ ਮਨਾਇਆ ਗਿਆ | ਇਸ ਸੰਬਧੀ ਜਾਣਕਾਰੀ ਦਿੰਦੇ ਹੋਏ | ਡਾ ਕੁਲਦੀਪ ਸਿੰਘ ਮਨਹਾਸ ਨੇ ਕਿਹਾ ਕਿ ਰਾਸ਼ਟਰੀ ਖੇਡ ਦਿਵਸ ਮੇਜਰ ਧਿਆਨ ਚੰਦ ਜੀ ਦੇ ਖੇਡ ਜਗਤ ਵਿੱਚ ਕੀਤੇ ਬਹੁਮੁੱਲੇ ਯੋਗਦਾਨ ਅਤੇ ਸਥਾਪਿਤ ਉੱਚ ਕੀਰਤੀਮਾਨਾਂ ਦੀ ਯਾਦ ਵਿੱਚ 29 ਅਗਸਤ ਨੂੰ ਦੇਸ਼ ਭਰ ਵਿੱਚ ਮਨਾਇਆ ਅੱਜ ਦੇ ਦਿਨ ਅਸੀਂ ਭਾਰਤੀ ਹਾਕੀ ਦੇ ਜਾਦੂਗਰ ਅਤੇ ਮਹਾਨ ਖਿਡਾਰੀ ਨੂੰ ਉਹਨਾਂ ਦੀ ਜਨਮ ਵਰ੍ਹੇਗੰਢ ਮੌਕੇ ਪਿਆਰ ਨਾਲ ਯਾਦ ਕਰਦੇ ਹੋਏ ਸਲਾਮ ਕਰਦੇ ਹਾਂ। ਓਲੰਪੀਅਨ ਮੇਜਰ ਧਿਆਨ ਚੰਦ ਜੀ ਨੂੰ ਪਹਿਲਾ ਸਰਧਾਂਜਲੀ ਦਿਤੀ ਗਈ |
ਬਾਅਦ ਵਿੱਚ ਸੈਕੰਡਰੀ ਵਿੰਗ ਦੇ ਵਿਦਿਆਰਥੀਆਂ ਦਾ ਰੱਸਾ ਕਸੀ ਦਾ ਅੰਤਰ ਜਮਾਤ ਖੇਡ ਮੁਕਾਬਲਾ ਕਰਵਾਇਆ ਗਿਆ | ਵਿਦਿਆਰਥੀਆਂ ਨੇ ਇਹਨਾਂ ਖੇਡ ਮੁਕਾਬਲਿਆਂ ਵਿੱਚ ਵੱਡੇ ਉਤਸ਼ਾਹ ਨਾਲ ਭਾਗ ਲਿਆ | ਇਸ ਮੌਕੇ ਤੇ ਵਿਦਿਆਥੀਆਂ ਤੋਂ ਇਲਾਵਾ ਹਰਤੇਜ ਕੌਰ , ਹਰਵਿੰਦਰ ਕੌਰ ਗਿੱਲ, ਮੀਨਾ ਰਾਣੀ ਅਤੇ ਲਖਵੀਰ ਸਿੰਘ ਅਤੇ ਸਟਾਫ਼ ਨਾਲ ਹਾਜ਼ਿਰ ਸਨ |