ਗੜ੍ਹਸ਼ੰਕਰ (ਅਸ਼ਵਨੀ ਸ਼ਰਮਾ)

: ਇਲਾਕਾ ਬੀਤ ਦੇ ਪਿੰਡ ਬੀਨੇਵਾਲ ਤੋਂ ਮਾਸਟਰ ਅਜੇ ਰਾਣਾ ਦੀ ਬੇਟੀ ਰਿਤਕਾ ਰਾਣਾ ਵੱਲੋਂ ਨੀਟ 2025 ਵਿੱਚ ਸ਼ਾਨਦਾਰ ਉਪਲਬਧੀ ਕਰਦੇ ਹੋਏ ਐਮਬੀਬੀਐਸ ਦੇ ਦਾਖਲੇ ਲਈ ਲੜੀਦੇ ਨੀਟ ਵਿੱਚ ਆਲ ਓਵਰ ਇੰਡੀਆ ਵਿੱਚ 13324 ਰੈਂਕ ਪ੍ਰਾਪਤ ਕਰਕੇ ਜਨਰਲ ਕੋਟੇ ਵਿੱਚੋਂ ਸਰਕਾਰੀ ਮੈਡੀਕਲ ਕਾਲਜ ਅੰਮ੍ਰਿਤਸਰ ਵਿੱਚ ਆਪਣੀ ਸੀਟ ਕਲੀਅਰ ਕੀਤੀ। ਸਰਕਾਰੀ ਸਕੂਲ ਗੁਰਬਿਸ਼ਨਪੁਰੀ (ਭਵਾਨੀਪੁਰ) ਵਿੱਚੋਂ ਬਾਰਵੀਂ ਜਮਾਤ ਪਾਸ ਕਰਨ ਵਾਲੀ ਰਿਤਕਾ ਰਾਣਾ ਨੇ ਆਪਣੀ ਮਿਹਨਤ ਦੀ ਬਦੌਲਤ ਇਹ ਸਾਬਤ ਕਰ ਦਿੱਤਾ ਕਿ ਸਰਕਾਰੀ ਸਕੂਲਾਂ ਵਿੱਚ ਪੜ੍ਹ ਕੇ ਵੀ ਬੱਚੇ ਜਨਰਲ ਕੋਟੇ ਵਿੱਚ ਸੀਟ ਕਲੀਅਰ ਕਰਨ ਦਾ ਦਮ ਖੰਮ ਰੱਖਦੇ ਹਨ। ਮਾਸਟਰ ਅਜੇ ਰਾਣਾ ਜੋ ਕਿ ਗੁਰਬਿਸ਼ਨਪੁਰੀ ਸਰਕਾਰੀ ਸਕੂਲ ਵਿੱਚ ਬਤੌਰ ਅਧਿਆਪਕ ਹਨ ਨੇ ਆਪਣੀ ਬੇਟੀ ਦੀ ਇਸ ਸ਼ਾਨਦਾਰ ਸਫਲਤਾ ਤੇ ਖੁਸ਼ੀ ਪ੍ਰਗਟਾਉਂਦੇ ਹੋਏ ਕਿਹਾ ਕਿ ਰਿਤਕਾ ਰਾਣਾ ਅਤੇ ਅਧਿਆਪਕਾ ਦੀ ਮਿਹਨਤ ਦਾ ਇਹ ਨਤੀਜਾ ਹੈ ਜੋ ਉਸਨੇ ਸੀਟ ਕਲੀਅਰ ਕੀਤੀ। ਰਿਤਿਕਾ ਰਾਣਾ ਨੇ ਆਪਣੀ ਮਿਹਨਤ ਦਾ ਸਿਹਰਾ ਆਪਣੇ ਸਵਰਗਵਾਸੀ ਦਾਦਾ ਸ਼੍ਰੀ ਮਨੋਹਰ ਸਿੰਘ ਜੀ ਨੂੰ ਦਿੱਤਾ ਜਿਹਨਾਂ ਦੀ ਉਂਗਲੀ ਫੜਕੇ ਅਜ ਇਸ ਮੁਕਾਮ ਨੂੰ ਹਾਸਲ ਕੀਤਾ ਹੈ।