ਗਲੋਬਲ ਹੈਡ ਲਾਈਨ ਦੇ ਪੱਤਰਕਾਰ ਜਸਬੀਰ ਬਬਲੂ ਜਰਨਲਿਸਟ ਐਸ਼ੋਸੀਏਸ਼ਨ ਵਿਚ ਸ਼ਾਮਿਲ

ਪਿਛਲੇ 11 ਸਾਲਾਂ ਤੋਂ ਪੱਤਰਕਾਰਾਂ ਦੇ ਹੱਕਾਂ ਲਈ ਅਵਾਜ ਚੁੱਕਣ ਵਾਲੇ ਪੰਜਾਬ ਪ੍ਰਧਾਨ ਜੋਗਿੰਦਰ ਅੰਗੂੁਰਾਲਾ ਨੇ ਵਿਸ਼ੇਸ ਤੌਰ ’ਤੇ ਕੀਤੀ ਸ਼ਿਰਕਤ

ਬਟਾਲਾ, 16 ਜੂਨ (ਅਵਿਨਾਸ਼ ਸ਼ਰਮਾ) : ਜਰਨਲਿਸਟ ਐਸੋਸੀਏਸਨ ਰਜਿ. ਪੰਜਾਬ ਵਲੋ ਜਿਲਾ ਪ੍ਰਧਾਨ ਅਜ਼ਾਦ ਸ਼ਰਮਾ ਅਤੇ ਜਿਲ੍ਹਾ ਪੀ. ਆਰ. ਓ .ਈਸੂ ਰਾਂਚਲ ਦੀ ਅਗਵਾਈ ਵਿੱਚ ਇੱਕ ਵਿਸ਼ੇਸ ਮੀਟਿੰਗ ਸਥਾਨਕ ਅਲੀਵਾਲ ਰੋਡ ਵਿਖੇ ਕੀਤੀ ਗਈ ਜਿਸ ਵਿੱਚ ਜਰਨਲਿਸਟ ਐਸ਼ੋਸੀਏਸਨ ਦੀਆਂ ਨੀਤੀਆਂ ਤੋ ਪ੍ਰਭਾਵਿਤ ਹੋ ਕੇ ਗਲੋਬਲ ਹੈਡ ਲਾਈਨ ਦੇ ਪੱਤਰਕਾਰ ਜਸਬੀਰ ਸਿੰਘ ਬਬਲੂ ਨੇ ਜਰਨਲਿਸਟ ਐਸ਼ੋਸੀਏਸਨ ਨੂੰ ਹਰ ਪੱਖੋਂ ਸਮਰਥਨ ਦੇਣ ਦਾ ਫੈਸਲਾ ਕਰਦੇ ਹੋਏ ਯੂਨੀਅਨ ਦਾ ਪੱਲਾ ਫੜਿਆ। ਇਸ ਮੌਕੇ ਤੇ ਜਰਨਲਿਸਟ ਐਸੋਸੀਏਸਨ ਦੇ ਪੰਜਾਬ ਪ੍ਰਧਾਨ ਜੋਗਿੰਦਰ ਅੰਗੂਰਾਲਾ ਨੇ ਵਿਸ਼ੇਸ ਤੌਰ ’ਤੇ ਪਹੁੰਚ ਕੇ ਪੱਤਰਕਾਰਾਂ ਦੀ ਹੌਂਸਲਾ ਅਫਜਾਈ ਕੀਤੀ ਅਤੇ ਨਿਰਪੱਖ ਪੱਤਰਕਾਰਤਾ ਜਾਰੀ ਰੱਖਣ ਦੀ ਗੱਲ ਕਹੀ। ਪ੍ਰਧਾਨ ਅੰਗੂਰਾਲਾ ਨੇ ਕਿਹਾ ਕਿ ਪੱਤਰਕਾਰ ਸਮਾਜ ਦਾ ਉਹ ਸ਼ੀਸਾ ਹੈ ਜੋ ਪੁਲਿਸ ਅਤੇ ਪ੍ਰਸ਼ਾਸਨ ਨੂੰ ਆਪਣੀ ਜਿੰਮੇਵਾਰੀ ਤੋ ਜਗਾਉਣ ਦਾ ਕੰਮ ਕਰਦਾ ਹੈ । ਇਸ ਮੌਕੇ ’ਤੇ ਜਿਲਾ ਪ੍ਰਧਾਨ ਆਜਾਦ ਸ਼ਰਮਾ ਅਤੇ ਜਿਲਾ ਪੀ. ਆਰ. ਓ .ਈਸੂ ਰਾਂਚਲ ਨੇ ਕਿਹਾ ਕਿ ਜਰਨਲਿਸਟ ਐਸ਼ੋਸੀਏਸਨ ਹਰ ਪੱਤਰਕਾਰ ਨਾਲ ਚੱਟਾਨ ਵਾਂਗ ਖੜਦੀ ਹੈ। ਉਨ੍ਹਾਂ ਕਿਹਾ ਕਿ ਜਰਨਲਿਸਟ ਐਸੋਸੀਏਸਨ ਵੱਲੋਂ ਪੱਤਰਕਾਰਾਂ ਦੇ ਪੱਧਰ ਨੂੰ ਉੱਚਾ ਚੁੱਕਣ ਲਈ ਬਹੁਤ ਸਾਰੇ ਉਪਰਾਲੇ ਕੀਤੇ ਜਾ ਰਹੇ ਹਨ ਅਤੇ ਜੋ ਭਵਿੱਖ ਵਿੱਚ ਵੀ ਜਾਰੀ ਰਹਿਣਗੇ। ਇਸ ਮੌਕੇ ਤੇ ਵਿਕਾਸ ਅੱਗਰਵਾਲ , ਅਰੁਣ ਸੇਖੜੀ , ਅਨਿਲ ਸਹਿਦੇਵ , ਬਲਦੇਵ ਖਾਲਸਾ , ਅਸ਼ੋਕ ਜਰੇਵਾਲ ਆਦਿ ਹਾਜਰ ਸਨ।