ਬਟਾਲਾ, 28 ਅਕਤੂਬਰ (ਅਵਿਨਾਸ਼ ਸ਼ਰਮਾ )

ਜਿਸ ਨਗਰ ਵਿਚ ਮਹਾਂਮਾਈ ਦਾ ਜਾਗਰਣ ਹੁੰਦਾ ਹੈ ਉਹ ਨਗਰ ਪਵਿੱਤਰ ਹੋ ਜਾਂਦਾ ਹੈ : ਸੁਖਜਿੰਦਰ ਸਿੰਘ ਰੰਧਾਵਾ, ਐਡਵੋਕੇਟ ਅਮਨਦੀਪ ਜੈਂਤੀਪੁਰ

– ਵੈਸ਼ਨੋ ਸਭਾ ਵਲੋਂ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਮਹਾਂਮਾਈ ਦਾ 25ਵਾਂ ਵਿਸ਼ਾਲ ਜਾਗਰਣ ਕਰਵਾਇਆ ਗਿਆ ਜਿਸ ਵਿਚ ਮੈਂਬਰ ਪਾਰਲੀਮੈਂਟ ਸੁਖਜਿੰਦਰ ਸਿੰਘ ਰੰਧਾਵਾ ਅਤੇ ਬਟਾਲਾ ਹਲਕੇ ਤੋਂ ਸੀਨੀਅਰ ਕਾਂਗਰਸੀ ਲੀਡਰ ਅਮਨਦੀਪ ਜੈਂਤੀਪੁਰ ਨੇ ਸਾਥੀਆਂ ਸਮੇਤ ਮਹਾਂਮਾਈ ਦੇ ਚਰਨਾਂ ਵਿਚ ਹਾਜ਼ਰੀ ਭਰੀ। ਇਸ ਮੌਕੇ ਗੱਲਬਾਤ ਕਰਦਿਆਂ ਮੈਂਬਰ ਪਾਰਲੀਮੈਂਟ ਸੁਖਜਿੰਦਰ ਸਿੰਘ ਰੰਧਾਵਾ ਨੇ ਕਿਹਾ ਕਿ ਵੈਸ਼ਨੋ ਕਲੱਬ ਵਲੋਂ ਜੋ ਹਰ ਸਾਲ ਮਾਤਾਰਾਣੀ ਦਾ ਜਾਗਰਣ ਕਰਵਾਇਆ ਜਾਂਦਾ ਹੈ ਉਹ ਬਹੁਤ ਹੀ ਸ਼ਲਾਘਾਯੋਗ ਉਪਰਾਲਾ ਹੈ। ਉਹਨਾਂ ਕਿਹਾ ਕਿ ਅੱਜ ਮਹਾਂਮਾਈ ਦੇ ਜਾਗਰਣ ਵਿਚ ਹਾਜਰੀ ਭਰ ਕੇ ਮਨ ਨੂੰ ਬਹੁਤ ਖੁਸ਼ੀ ਮਹਿਸੂਸ ਹੋ ਰਹੀ ਹੈ। ਉਹਨਾਂ ਕਿਹਾ ਕਿ ਸਾਨੂੰ ਹਮੇਸ਼ਾ ਹੀ ਧਾਰਮਿਕ ਪ੍ਰੋਗਰਾਮਾਂ ਵਿੱਚ ਵੱਧ ਚੜ੍ਹ ਕੇ ਹਿੱਸਾ ਲੈਣਾ ਚਾਹੀਦਾ ਹੈ ਅਤੇ ਮਿਲ ਜੁਲ ਕੇ ਅਜਿਹੇ ਉਪਰਾਲੇ ਕਰਨ ਨਾਲ ਜਿੱਥੇ ਸਮਾਜ ਵਿਚ ਇਕ ਚੰਗਾ ਸੰਦੇਸ਼ ਜਾਂਦਾ ਹੈ ਉਥੇ ਨਾਲ ਹੀ ਲੋਕਾਂ ਨੂੰ ਚੰਗੇ ਰਸਤੇ ਲਾਉਣ ਦਾ ਇਹ ਸ਼ਲਾਘਾਯੋਗ ਕਦਮ ਹੈ। ਇਸ ਮੌਕੇ ਗੱਲਬਾਤ ਕਰਦਿਆਂ ਐਡਵੋਕੇਟ ਅਮਨਦੀਪ ਜੈਂਤੀਪੁਰ ਨੇ ਕਿਹਾ ਕਿ ਵੈਸ਼ਨੋ ਕਲੱਬ ਵਧਾਈ ਦਾ ਪਾਤਰ ਹੈ ਜੋ ਹਰ ਸਾਲ ਵਿਸ਼ਾਲ ਰੂਪ ਵਿਚ ਮਹਾਂਮਾਈ ਦਾ ਜਾਗਰਣ ਕਰਵਾ ਕੇ ਮਾਤਾਰਾਣੀ ਦਾ ਆਸ਼ੀਰਵਾਦ ਘਰ ਘਰ ਪਹੁੰਚਾਉਂਦੇ ਹਨ। ਉਹਨਾਂ ਕਿਹਾ ਕਿ ਜਿਸ ਵੀ ਨਗਰ ਜਾਂ ਇਲਾਕੇ ਵਿਚ ਮਹਾਂਮਾਈ ਦਾ ਜਾਗਰਣ ਹੁੰਦਾ ਹੈ ਉਹ ਇਲਾਕਾ ਪੂਰੀ ਤਰ੍ਹਾਂ ਪਵਿੱਤਰ ਅਤੇ ਪ੍ਰਮਾਤਮਾ ਦੇ ਰੰਗ ਵਿਚ ਰੰਗਿਆ ਜਾਂਦਾ ਹੈ। ਅੱਜ ਸ਼ਰਧਾਲੂਆਂ ਦਾ ਮੇਲਾ ਦੇਖ ਕੇ ਜਿੱਥੇ ਮੇਰਾ ਮਨ ਬਹੁਤ ਪ੍ਰਸੰਨ ਹੋਇਆ ਹੈ। ਉਥੇ ਨਾਲ ਹੀ ਮਹਾਂਮਾਈ ਦਾ ਆਸ਼ੀਰਵਾਦ ਪ੍ਰਾਪਤ ਕਰਕੇ ਤਨ ਮਨ ਪਵਿੱਤਰ ਹੋ ਗਿਆ ਹੈ। ਐਡਵੋਕੇਟ ਅਮਨਦੀਪ ਜੈਂਤੀਪੁਰ ਨੇ ਅੱਗੇ ਕਿਹਾ ਕਿ ਮਹਾਂਮਾਈ ਆਪਣੇ ਬੱਚਿਆਂ ’ਤੇ ਹਮੇਸ਼ਾ ਹੀ ਆਪਣਾ ਆਸ਼ੀਰਵਾਦ ਬਣਾਈ ਰੱਖਦੇ ਹਨ। ਉਹਨਾਂ ਕਿਹਾ ਕਿ ਸਾਨੂੰ ਹਮੇਸ਼ਾ ਨੇਕ ਕੰਮ ਕਰਨੇ ਚਾਹੀਦੇ ਹਨ ਅਤੇ ਹਰ ਜ਼ਰੂਰਤਮੰਦ ਅਤੇ ਲੋੜਵੰਦ ਵਿਅਕਤੀ ਦੀ ਮਦਦ ਕਰਨੀ ਚਾਹੀਦੀ ਹੈ। ਇਸ ਮੌਕੇ ਉਹਨਾਂ ਨੇ ਜਾਗਰਣ ਵਿਚ ਹਾਜਰ ਸਮੂਹ ਸੰਗਤਾਂ ਅਤੇ ਕਲੱਬ ਮੈਂਬਰਾਂ ਨੂੰ ਮਹਾਂਮਾਈ ਦੇ ਜਾਗਰਣ ਦੀ ਵਧਾਈ ਦਿੱਤੀ। ਇਸ ਮੌਕੇ ਕੌਂਸਲਰ ਹਰਿੰਦਰ ਸਿੰਘ, ਕੌਂਸਲਰ ਬੱਬੀ ਸੇਖੜੀ, ਕੌਂਸਲਰ ਅਰਵਿੰਦ ਰਾਣੂ ਸੇਖੜੀ, ਕੌਂਸਲਰ ਕਸਤੂਰੀ ਲਾਲ, ਸਵਰਨ ਮੁੱਢ ਸਾਬਕਾ ਪ੍ਰਧਾਨ ਸਿਟੀ ਕਾਂਗਰਸ ਕਮੇਟੀ, ਕੌਂਸਲਰ ਬਾਵਾ ਸਿੰਘ, ਕੌਂਸਲਰ ਸੁਧੀਰ ਚੰਦਾ, ਕੌਂਸਰ ਸਰਬ ਬਾਜਵਾ, ਕੌਂਸਲਰ ਸੁਖਦੇਵ ਸਿੰਘ ਬਾਜਵਾ, ਜਗੀਰ ਖੋਖਰ ਕੌਂਸਲਰ, ਜਰਮਨਜੀਤ ਸਿੰਘ ਬਾਜਵਾ ਕੌਂਸਲਰ, ਸੁੱਚਾ ਸਿੰਘ ਕੌਂਸਲਰ, ਅਮਨ ਸ਼ੇਰੇ ਪੰਜਾਬ, ਭੋਲਾ ਪੁਰੀ ਸ਼ਿਵ ਸਾਨਨ, ਗੁਲਸ਼ਨ ਮਾਰਬਲ ਵਾਲੇ, ਸ਼ਿੰਗਾਰੀ, ਚੰਦਰ ਚੰਦਾ, ਬੱਬੂ ਬੋਰੇਵਾਲ, ਅਸ਼ੋਕ ਲੂਥਰਾ, ਬਲਵਿੰਦਰ ਰਾਏਮੋਡ, ਸੋਹਲ, ਕਾਲਾ ਸ਼ਾਹ, ਪਿੰਕੀ, ਰਾਜੂ, ਪਵਨ ਧਵਨ, ਵਰਮਾ ਰਮੇਸ਼, ਰਾਜੂ ਭੱਲਾ, ਪਵਨ ਭੱਲਾ, ਸੇਠੀ, ਚੇਅਰਮੈਨ ਆਰ.ਡੀ.ਖੋਸਲਾ, ਕਾਕਾ ਖੋਸਲਾ, ਮਨਰਾਜ, ਰਿੰਕੂ ਡੇਰਾ ਰੋਡ, ਨਰਿੰਦਰ ਸੇਖੜੀ, ਮੰਟੂ ਸੇਖੜੀ, ਪ੍ਰਵੀਨ ਸਾਨਨ, ਜਗਮੋਹਨ ਨਾਗੀ, ਜਗਜੋਤ ਹਾਂਡਾ ਆਦਿ ਹਾਜਰ ਸਨ।