ਗੜ੍ਹਦੀਵਾਲਾ,17 ਫਰਵਰੀ (ਚੌਧਰੀ /ਯੋਗੇਸ਼ ਗੁਪਤਾ ) :  ਅੱਜ ਸਵੇਰੇ 6 ਵਜੇ ਦੇ ਕਰੀਬ ਕਾਰ ਚਾਲਕ ਨੇ ਮਾਰੀ ਜਬਰਦਸ਼ਤ ਟੱਕਰ ਨਾਲ ਤੇ 5 ਦੇ ਜਖ਼ਮੀ ਅਤੇ ਇਕ ਔਰਤ ਦੀ ਮੌਤ  ਹੋਣ  ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਪਿੰਡ ਪੰਡੋਰੀ ਸੂਮਲਾਂ ਵਿਖੇ ਗੁਰੂ ਰਵਿਦਾਸ ਦਾ ਗੁਰਪੂਰਬ ਮਨਾਉਣ ਲਈ ਅੱਜ ਸਵੇਰੇ 06 ਵਜੇ ਦੇ ਕਰੀਬ ਪ੍ਰਭਾਤ ਫੇਰੀ ਕੱਢੀ ਹੋਈ ਸਸੀ ਤਾ ਹੁਸ਼ਿਆਰਪੁਰ ਦਸੂਹਾ ਰੋਡ ਕਾਰ ਨੰ:ਪੀ.ਬੀ.24ਬੀ8008 ਨੇ ਸੰਗਤ ਨੂੰ ਦਰੜਦੀ ਹੋਈ ਖੇਤ ਵਿਚ ਪਲਟ ਗਈ। ਕਾਰ ਨੇ ਗੁਰਮੀਤ ਕੌਰ ਪਤਨੀ ਗੁਰਮੇਲ,ਤਜਿੰਦਰ ਸਿੰਘ ਪੁੱਤਰ ਸਤਨਾਮ ਸਿੰਘ, ਜਸਵਿੰਦਰ ਕੌਰ ਪਤਨੀ ਮੁਖਤਿਆਰ ਸਿੰਘ, ਪਰਮਜੀਤ ਕੌਰ ਪਤਨੀ ਲਖਵਿੰਦਰ ਸਿੰਘ ਗੁਰਬਖਸ ਸਿੰਘ ਪੁੱਤਰ ਬਾਰੂ ਰਾਮ ਵਾਸੀ ਪੰਡੋਰੀ ਸੂਮਲਾਂ ਨੂੰ ਜਖ਼ਮੀ ਕਰ ਦਿੱਤਾ ਤੇ ਇਨ੍ਹਾਂ ਨੂੰ ਪੀ.ਐਚ.ਸੀ.ਭੂੰਗਾ ਦਾਖਲ ਕਰਵਾਇਆ ਗਿਆ। ਜਸਵਿੰਦਰ ਕੌਰ 45 ਸਾਲ ਨੂੰ ਡਾਕਟਰ ਨੇ ਮ੍ਰਿਤਕ ਐਲਾਨ ਦਿੱਤਾ। ਭੂੰਗਾ ਪੁਲਸ ਨੇ ਜਸਵਿੰਦਰ ਕੌਰ ਦੀ ਲਾਸ਼ ਨੂੰ ਕਬਜੇ ਵਿਚ ਲੈਕੇ ਉਸ ਦਾ ਪੋਸਟਮਾਰਟਮ ਸਿਵਲ ਹਸਪਤਾਲ ਹੁਸ਼ਿਆਰਪੁਰ ਤੋ ਕਰਵਾਇਆ ਜਾ ਰਿਹਾ ਹੈ।ਪੁਲਿਸ ਨੇ ਕਾਰ ਚਾਲਕ ਰਜਿੰਦਰ ਸਿੰਘ ਪੁੱਤਰ ਭਜ਼ਨ ਸਿੰਘ ਵਾਸੀ ਸੋਤਲਾ ਨੂੰ ਕਾਬੂ ਕਰਕੇ ਉਸ ਖਿਲਾਫ ਧਾਰਾ 279,337,338,304-ਏ,ਆਈ.ਪੀ.ਅਧੀਨ ਕੇਸ  ਰਜਿਸਟਿਡ ਕਰਕੇ ਅਗਲੀ ਕਾਰਵਾਈ ਸਰੂ ਕਰ ਦਿੱਤੀ ਹੈ।