ਗੜ੍ਹਦੀਵਾਲਾ :(ਯੋਗੇਸ਼ ਗੁਪਤਾ)

: ਅੱਜ ਖਾਲਸਾ ਕਾਲਜ ਗੜ੍ਹਦੀਵਾਲਾ ਦੀ ਗ੍ਰਾਊਂਡ ਵਿੱਚ ਗਰੇਟਰਜ ਕੱਲਬ ਦੀ ਮੀਟਿੰਗ ਹੋਈ । ਜਿਸ ਵਿੱਚ ਪਿਛਲੇ ਦਿਨੀਂ ਕਰਵਾਏ ਬਾਸਕਿਟਬਾਲ ਕੋਚ ਸ੍ਰੀ ਹਰਬੰਸ ਲਾਲ ਭਨੋਟ ਦੀ ਯਾਦ ਵਿੱਚ ਜੋ ਟੂਰਨਾਮੈਂਟ ਕਰਵਾਇਆ ਗਿਆ ਸੀ , ਉਸ ਦੀ ਸਫ਼ਲਤਾ ਲਈ ਭਨੋਟ ਪਰਿਵਾਰ ਦਾ ਤੇ ਐਨ ਆਰ ਆਈ ਵੀਰਾਂ ਦਾ ਕਲੱਬ ਵਲੋਂ ਦਿਲੋਂ ਧੰਨਵਾਦ ਕੀਤਾ ਗਿਆ । ਇਸ ਦੌਰਾਨ ਕਲੱਬ ਦਾ ਹਿਸਾਬ ਕਿਤਾਬ ਬਾਰੇ ਦਸਿਆ ਗਿਆ ਇਸ ਦੌਰਾਨ ਕਲੱਬ ਮੁਖੀ ਗੁਰਸ਼ਮਿੰਦਰ ਸਿੰਘ ਰੰਮੀ ਕਾਲਕਟ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਕਲੱਬ ਵਲੋਂ ਦਸੰਬਰ ਦੀਆਂ ਛੁੱਟੀਆਂ ਵਿੱਚ ਖ਼ਾਲਸਾ ਕਾਲਜ ਗੜ੍ਹਦੀਵਾਲਾ ਦੀ ਗ੍ਰਾਊਂਡ ਵਿੱਚ ਬਾਸਕਿਟਬਾਲ ਦਾ ਵਿਸ਼ੇਸ਼ ਟ੍ਰੇਨਿੰਗ ਕੈਂਪ ਲੜਕੇ ਤੇ ਲੜਕੀਆਂ ਦਾ 24 ਤੋਂ 31 ਦਸੰਬਰ ਤੱਕ ( ਸਮਾਂ ਸ਼ਾਮ 4 ਵਜੇ) ਲਾਇਆ ਜਾ ਰਿਹਾ ਹੈ । ਜਿਸ ਵਿੱਚ ਹਰ ਉਮਰ ਵਰਗ ਦਾ ਬੱਚਾ ਭਾਗ ਲੈ ਸਕਦਾ ਹੈ । ਇਸ ਦੀ ਕੋਈ ਵੀ ਫੀਸ ਨਹੀਂ ਹੋਵੇਗੀ ਉਨਾ ਦੱਸਿਆ ਕਿ ਇਲਾਕਾ ਨਿਵਾਸੀਆਂ ਤੇ ਗੜ੍ਹਦੀਵਾਲਾ ਸ਼ਹਿਰ ਨੂੰ ਇਸਦਾ ਫਾਇਦਾ ਲੈਣਾ ਚਾਹੀਦਾ ਹੈ । ਇਸ ਮੌਕੇ ਤੇ ਬਾਸਕਿਟਬਾਲ ਕੋਚ ਹਰਦੀਪ ਸਿੰਘ ਮਿਨਹਾਸ, ਹੈੱਡ ਕੋਚ ਅਮਰੀਕ ਸਿੰਘ ਗੋਂਦਪੁਰ ,ਇੰਜ ਸਤਵੀਰ ਸਿੰਘ ,ਪੰਡਿਤ ਰਮਾ ਕਾਂਤ ,ਬਰਿੰਦਰ ਸਿੰਘ ਸਮਰਾ ,ਜੈਬੀਰ ਸਿੰਘ ਆਦਿ ਤੇ ਕਲੱਬ ਦੇ ਖਿਡਾਰੀ ਹਾਜ਼ਿਰ ਸਨ ।