ਬੋਲਣ ਤੇ ਸੁਣਨ ‘ਚ ਅਸਮਰਥ ਨਬਾਲਿਗਾ ਨਾਲ ਰੇਪ ਕਰਨ ਦੇ ਦੋਸ਼ ਵਿੱਚ ਇੱਕ ਵਿਰੁੱਧ ਮਾਮਲਾ ਦਰਜ

ਗੁਰਦਾਸਪੁਰ 14 ਮਈ ( ਅਸ਼ਵਨੀ ) – ਪੁਲਿਸ ਜਿਲ੍ਹ ਗੁਰਦਾਸਪੁਰ ਅਧੀਨ ਪੈਂਦੇ ਪੁਲਿਸ ਸਟੇਸ਼ਨ ਦੀਨਾ ਨਗਰ ਦੇ ਇੱਕ ਪਿੰਡ ਦੀ ਵਸਨੀਕ ਬੋਲਣ ਤੇ ਸੁਣਨ ਚ ਅਸਮਰਥ 15 ਸਾਲਾ ਨਬਾਲਗ਼ ਲੜਕੀ ਨਾਲ ਰੇਪ ਕਰਨ ਦੇ ਦੋਸ਼ ਵਿਚ ਪੀੜਤ ਲੜਕੀ ਦੇ ਪਿਤਾ ਦੇ ਬਿਆਨ ਤੇ ਪੁਲਿਸ ਵੱਲੋਂ ਇਕ ਵਿਅਕਤੀ ਵਿਰੁੱਧ ਮਾਮਲਾ ਦਰਜ ਕੀਤਾ ਗਿਆ ਹੈ । ਪੀੜਤ ਲੜਕੀ ਦੇ ਪਿਤਾ ਨੇ ਪੁਲਿਸ ਨੂੰ ਦਿੱਤੇ ਬਿਆਨ ਰਾਹੀ ਦੱਸਿਆ ਕਿ ਉਸ ਦੀ 15 ਸਾਲ ਦੀ ਨਬਾਲਗ਼ ਲੜਕੀ ਜੋ ਕਿ ਬੋਲਣ ਤੇ ਸੁਣਨ ਚ ਅਸਮਰਥ ਹੈ ਅਤੇ ਘਰ ਵਿੱਚ ਹੀ ਰਹਿੰਦੀ ਹੈ ਨੂੰ ਉਸ ਦੇ ਘਰ ਨੇੜੇ ਰਹਿਣ ਵਾਲੇ ਇਕ ਵਿਅਕਤੀ ਕਾਫ਼ੀ ਸਮੇਂ ਤੋ ਤੰਗ ਪਰੇਸ਼ਾਨ ਕਰਦਾ ਸੀ ਅਤੇ ਉਸ ਦੀ ਬੇਟੀ ਦੇ ਨਾਲ ਸ਼ਰੀਰਕ ਛੇੜ-ਛਾੜ ਕਰਦਾ ਰਹਿੰਦਾ ਸੀ । ਬੀਤੇ ਦਿਨ ਜਦ ਉਹ ਪਿੰਡ ਵਿੱਚ ਹੀ ਦਿਹਾੜੀ ਕਰਨ ਗਿਆ ਹੋਇਆ ਸੀ ਅਤੇ ਕਰੀਬ 11.30 ਵਜੇ ਚਾਹ ਪੀਣ ਲਈ ਘਰ ਆਇਆ ਤਾਂ ਉਸ ਦੀ ਲੜਕੀ ਘਰ ਨਹੀਂ ਸੀ ਜਦੋਂ ਉਹ ਆਪਣੀ ਲੜਕੀ ਨੂੰ ਦੇਖਣ ਲਈ ਬਾਹਰ ਗਿਆ ਜਦ ਉਹ ਇਕ ਹਵੇਲੀ ਨੇੜੇ ਪੁਜਾ ਤਾਂ ਉਸਨੇ ਚੀਕਾ ਦੀ ਅਵਾਜ਼ ਆ ਰਹੀ ਸੀ। ਉਹ ਹਵੇਲੀ ਦੇ ਅੰਦਰ ਗਿਆ ਤਾਂ ਦੇਖਿਆ ਕਿ ਉਸ ਦੀ ਬੇਟੀ ਨਾਲ ਇਕ ਵਿਅਕਤੀ ਜ਼ਬਰਦਸਤੀ ਬਲਾਤਕਾਰ ਕਰ ਰਿਹਾ ਸੀ ਜੋ ਉਸ ਨੂੰ ਵੇਖ ਕੇ ਆਪਣੇ ਕੱਪੜੇ ਚੁੱਕ ਕੇ ਮੌਕਾ ਤੋਂ ਭੱਜ ਗਿਆ । ਇੰਸਪੈਕਟਰ ਅੰਜੂ ਬਾਲਾ ਤਫਸ਼ੀਸੀ ਅਫਸਰ ਨੇ ਦੱਸਿਆ ਕਿ ਪੀੜਤ ਲੜਕੀ ਦੇ ਪਿਤਾ ਦੇ ਬਿਆਨ ਤੇ ਪੁਲਿਸ ਵੱਲੋਂ ਇਕ ਵਿਅਕਤੀ ਵਿਰੁੱਧ ਧਾਰਾ 376 3,4,6 ਪਾਸਕੋ ਐਕਟ ਅਧੀਨ ਮਾਮਲਾ ਦਰਜ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ ।