ਦੌਸੜਕਾ / ਗੜ੍ਹਦੀਵਾਲਾ (ਚੌਧਰੀ) 

30 ਜਨਵਰੀ : ਚਾਇਨਾ ਡੋਰ ਵੇਚਣ ਵਾਲਿਆਂ ਦੇ ਖਿਲਾਫ ਪੁਲਿਸ ਪ੍ਰਸ਼ਾਸਨ ਕਾਫੀ ਹੱਦ ਤੱਕ ਨਕੇਲ ਕਸਦੀ ਨਜਰ ਆਈ ਹੈ। ਇੱਥੇ ਤੱਕ ਕਿ ਚਾਇਨਾ ਡੋਰ ਵੇਚਣ ਤੇ ਫੜੇ ਜਾਣ ਤੇ ਪੁਲਿਸ ਪ੍ਰਸ਼ਾਸਨ ਵਲੋਂ ਪਰਚਾ ਵੀ ਦਰਜ ਕਰਨ ਦਾ ਵੀ ਪ੍ਰਵਧਾਨ ਰੱਖਿਆ ਗਿਆ ਸੀ ਪਰ ਫਿਰ ਕੁਝ ਲੋਕਾਂ ਵਲੋਂ ਬੇਖੌਫ ਚਾਇਨਾ ਡੋਰ ਵੇਚ ਰਹੇ ਹਨ । ਜਿਸ ਦੀ ਇੱਕ ਉਦਾਹਰਣ ਉਦੋਂ ਸਾਹਮਣੇ ਆਈ ਜਦੋਂ ਇੱਕ ਨੌਜਵਾਨ ਚਾਇਨਾ ਡੋਰ ਦੀ ਲਪੇਟ ਆਉਣ ਨਾਲ ਗੰਭੀਰ ਜਖਮੀ ਹੋ ਗਿਆ। ਪ੍ਰਮਾਤਮਾ ਦਾ ਸ਼ੁਕਰ ਹੈ ਕਿ ਉਸ ਦੀ ਜਾਨ ਬਚ ਗਈ।

ਮਿਲੀ ਜਾਣਕਾਰੀ ਅਨੁਸਾਰ ਗੋਪੀ ਪੁੱਤਰ ਨਿੰਦਰ ਵਾਸੀ ਧੂਤਕਲਾਂ ਜੋ ਕਿ ਬੀਤੇ ਦਿਨ ਆਪਣੇ ਪਿਤਾ ਨਾਲ ਆਪਣੇ ਰਿਸ਼ਤੇਦਾਰ ਦੇ ਘਰੋਂ ਦੁੱਖ ਸਾਂਝਾ ਕਰਕੇ ਮੋਟਰਸਾਈਕਲ ਤੇ ਸਵਾਰ ਹੋ ਕੇ ਪਿੰਡ ਧੂਤਕਲਾਂ ਪਰਤ ਰਹੇ ਸਨ ਜਦੋਂ ਉਹ ਜਲੰਧਰ ਦਸੂਹਾ ਹਾਈਵੇ ਤੇ ਚੌਲਾਂਗ ਦੇ ਨਜਦੀਕ ਪੁਜੇ ਤਾਂ ਚਾਈਨਾ ਡੋਰ ਦੀ ਲਪੇਟ ਵਿਚ ਆ ਗਏ। ਜਿਸ ਨਾਲ ਪੁੱਤ ਦੀਆਂ ਅੱਖਾਂ ਤੇ ਚਾਇਨਾ ਡੋਰ ਦੇ ਨਾਲ ਗਹਿਰਾ ਕੱਟ ਲੱਗ ਗਿਆ ਅਤੇ ਉਸਦੇ ਪਿਤਾ ਬਾਲ ਬਾਲ ਬਚ ਗਏ। ਪਿਤਾ ਵਲੋਂ ਪੁੱਤਰ ਗੋਪੀ ਨੂੰ ਤੁਰੰਤ ਡਾਕਟਰ ਕੋਲ ਲਿਜਾਇਆ ਗਿਆ। ਡਾਕਟਰ ਵਲੋਂ ਉਸ ਤੇ ਕਾਫੀ ਟਾਂਕੇ ਲਗਾਏ ਗਏ ਹਨ।