ਬਾਲ ਵਾਟਿਕਾ ਸਕੂਲ ਵਿੱਚ ਬੱਚਿਆਂ ਵੱਲੋਂ ਮਨਾਇਆ ਗਿਆ ਰੋਮਾਂਚਕ ਦਿਨ

ਗੜ੍ਹਦੀਵਾਲਾ 6 ਜੁਲਾਈ (ਚੌਧਰੀ) : ਬਾਲ ਵਾਟਿਕਾ ਸਕੂਲ ਦੇ ਮੈਨੇਜਿੰਗ ਡਾਇਰੈਕਟਰ ਨਰੇਸ਼ ਡਡਵਾਲ, ਡਾਇਰੈਕਟਰ ਮੈਡਮ ਰਿੰਪੀ ਡਡਵਾਲ ਦੀ ਦੇਖ-ਰੇਖ ਵਿੱਚ ਸਕੂਲ ਦੇ ਮੁੱਖ ਅਧਿਆਪਕਾ ਮਿਸ ਆਂਚਲ ਠਾਕੁਰ ਅਤੇ ਸਮੂਹ ਸਟਾਫ਼ ਨੇ ਮਿਲ ਕੇ “ਸਮਰ ਕੈਂਪ” ਦੇ ਪੰਜਵੇਂ ਦਿਨ ਦਾ ਆਯੋਜਨ ਕੀਤਾ | ਰੋਜ਼ਾਨਾ ਦੀ ਤਰ੍ਹਾਂ ਕੈਂਪ ਦਾ ਆਰੰਭ ਯੋਗ ਅਤੇ ਪ੍ਰਾਰਥਨਾ ਨਾਲ ਕੀਤਾ ਗਿਆ | ਅਧਿਆਪਕਾ ਸ੍ਰੀਮਤੀ ਅਮਨਦੀਪ ਕੌਰ ਕੌਰ ਨੇ ਬੱਚਿਆਂ ਨੂੰ ਅੱਜ ਦੀ ਕਿਰਿਆ ‘Singing and Dancing (ਗਾਉਣਾ ਅਤੇ ਨੱਚਣਾ) ਬਾਰੇ ਜਾਣਕਾਰੀ ਦਿੱਤੀ ਇਸ ਕਿਰਿਆ ਵਿੱਚ ਅਧਿਆਪਕਾ ਮਿਸ ਲਵਦੀਪ ਕੌਰ ਨੇ ਬੱਚਿਆਂ ਨੂੰ ਸੱਤ ਸੁਰ (ਸਰਗਮ) ਅਤੇ ਦੇਸ਼ ਭਗਤੀ ਦਾ ਗੀਤ ‘ਸਾਰੇ ਜਹਾਂ ਸੇ ਅੱਛਾ’ ਦਾ ਅਭਿਆਸ ਕਰਵਾਇਆ | ਅਧਿਆਪਕਾ ਸ੍ਰੀਮਤੀ ਸੀਮਾ ਦੇਵੀ ਅਤੇ ਸ਼੍ਰੀਮਤੀ ਅਕਸ਼ੈ ਪ੍ਰਿਆ ਨੇ ਬੱਚਿਆਂ ਨੂੰ ਪੰਜਾਬੀ ਸੱਭਿਆਚਾਰ ਨਾਲ ਸੰਬੰਧਿਤ ਗਾਏ ਤੇ ਨੱਚਣ ਦਾ ਅਭਿਆਸ ਕਰਵਾਇਆ | ਅੱਜ ਕੱਲ੍ਹ ਦੀ ਪੀੜੀ ਆਪਣੇ ਪੰਜਾਬੀ ਸਭਿਆਚਾਰ ਨੂੰ ਭੁੱਲ ਰਹੀ ਹੈ ਅਤੇ ਪੱਛਮੀ ਵੱਲ ਵੱਧ ਰਹੀ ਹੈ | ਇਸ ਕਿਰਿਆ ਰਾਹੀਂ ਬੱਚਿਆਂ ਨੂੰ ਆਪਣੇ ਸਭਿਆਚਾਰ ਅਤੇ ਦੇਸ਼ ਪ੍ਰਤੀ ਪ੍ਰੇਰਣਾ ਦਿੱਤੀ ਗਈ ਹੈ |ਸਾਰੇ ਬੱਚੇ ਇਹਨਾਂ ਦੋਹਾਂ ਕਿਰਿਆਵਾਂ ਨੂੰ ਕਰਕੇ ਬਹੁਤ ਖੁਸ਼ ਸਨ | ਕੈਂਪ ਦੀ ਸਮਾਪਤੀ ਵੀ ਰਾਸ਼ਟਰੀ – ਗਾਣ ਨਾਲ਼ ਕੀਤੀ ਗਈ |