ਦਸੂਹਾ(ਚੌਧਰੀ)

ਖੇਡਾਂ ਵਤਨ ਪੰਜਾਬ ਦੀਆਂ ‘ਚ ਪੀ ਆਈ ਐਸ ਦੇ ਖਿਡਾਰੀਆਂ ਅਤੇ ਕੋਚ ਦੀਪਕ ਕੁਮਾਰ ਵਲੋਂ ਸ਼ਾਨਦਾਰ ਪ੍ਰਦਰਸ਼ਨ 

 24 ਅਕਤੂਬਰ : ਖੇਡਾਂ ਵਤਨ ਪੰਜਾਬ ਦੀਆਂ ਮੌਕੇ ਜਿਲ੍ਹਾ ਸੰਗਰੂਰ ਵਿਖੇ ਮਿਤੀ 15-22 ਅਕਤੂਬਰ ਤੱਕ ਅਥੈਟਿਕਸ ਦੇ ਸਟੇਟ ਪੱਧਰ ਦੇ ਮੁਕਾਬਲਿਆਂ ਵਿੱਚ ਪੀ ਆਈ ਐਸ ਦੇ ਖਿਡਾਰੀਆਂ ਨੇ ਭਾਗ ਲਿਆ, ਖਿਡਾਰੀਆਂ ਦੇ ਕੋਚ ਦੀਪਕ ਕੁਮਾਰ ਨੇ 15 ਸਾਲ ਦੇ ਅਰਸੇ ਬਾਅਦ ਇਕ ਵਾਰ ਫ਼ਿਰ ਤੋਂ 40-50 ਸਾਲ ਉਮਰ ਵਰਗ ਦੇ ਵਿੱਚ ਲੰਬੀ ਛਾਲ ਵਿਚ ਪਹਿਲਾ ਸਥਾਨ ਹਾਸਲ ਕੀਤਾ, 21-40 ਸਾਲ ਉਮਰ ਵਰਗ ਵਿੱਚ ਗੁੱਗ ਕੌਰ ਨੇ 400 ਮੀਟਰ ਤੇ 800 ਮੀਟਰ ਵਿੱਚ ਪਹਿਲਾਂ ਸਥਾਨ ਹਾਸਲ ਕੀਤਾ।

ਕਿਰਨ ਕੁਮਾਰੀ ਨੇ 21 ਸਾਲ ਤੱਕ ਦੇ ਉਮਰ ਵਰਗ ਵਿੱਚ 5000ਮੀਟਰ ਵਿੱਚ ਤੀਜਾ ਸਥਾਨ ਹਾਸਲ ਕੀਤਾ, ਕਮਲਦੀਪ ਕੌਰ ਨੇ 5000 ਮੀਟਰ ਪੈਦਲ ਦੌੜ ਵਿੱਚ ਦੂਜਾ ਤੇ ਦੀਆ ਨੇ ਤੀਜਾ ਸਥਾਨ ਹਾਸਲ ਕੀਤਾ, ਇਸ ਦੇ ਨਾਲ ਹੀ ਕੋਚ ਪਰਦੀਪ ਕੁਮਾਰ, ਗਜਿੰਦਰ ਸਿੰਘ ਤੇ ਡਾ ਲਖਵੀਰ ਕੌਰ ਨੇ ਸੋਨ ਤਮਗਾ ਜੇਤੂ ਕੋਚ ਦੀਪਕ ਕੁਮਾਰ ਨੂੰ ਤੇ ਸਾਰੇ ਖਿਡਾਰੀਆਂ ਨੂੰ ਵਧਾਈਆ ਦਿੱਤੀਆ ਤੇ ਓਹਨਾਂ ਦੀ ਹੌਸਲਾ ਅਫ਼ਜ਼ਾਈ ਕਰਦਿਆ ਹੋਇਆ ਹੋਰ ਤਰੱਕੀਆ ਪ੍ਰਾਪਤ ਕਰਨ ਲਈ ਅਸ਼ੀਰਵਾਦ ਦਿੱਤਾ।