ਗੜ੍ਹਦੀਵਾਲਾ 2 ਮਈ (ਚੌਧਰੀ)
: ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਸ੍ਰੀ ਅੰਮ੍ਰਿਤਸਰ ਸਾਹਿਬ ਦੀ ਪ੍ਰਬੰਧ ਅਧੀਨ ਚੱਲ ਰਹੇ ਅਦਾਰੇ ਖ਼ਾਲਸਾ ਕਾਲਜ ਗੜੵਦੀਵਾਲਾ ਵਿਖੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਐਡਵੋਕੇਟ ਸ. ਹਰਜਿੰਦਰ ਸਿੰਘ ਧਾਮੀ, ਸਕੱਤਰ (ਵਿੱਦਿਆ) ਸੁਖਮਿੰਦਰ ਸਿੰਘ ਦੀ ਰਹਿਨੁਮਾਈ ਅਤੇ ਪ੍ਰਿੰਸੀਪਲ ਡਾ. ਜਸਪਾਲ ਸਿੰਘ ਦੀ ਅਗਵਾਈ ਹੇਠ ਅੰਗਰੇਜ਼ੀ ਵਿਭਾਗ ਵੱਲੋਂ ‘ਸ਼ੋਧ ਪ੍ਰਣਾਲੀ: ਮਹੱਤਵ ਅਤੇ ਭਵਿੱਖ’ ਵਿਸ਼ੇ ਉੱਪਰ ਰਾਸ਼ਟਰੀ ਵੇੈਬੀਨਾਰ ਕਰਵਾਇਆ ਗਿਆ ।
ਮੈਡਮ ਤਨਮੀਤ ਕੌਰ, ਸਹਾਇਕ ਪ੍ਰੋਫੈਸਰ, ਅੰਗਰੇਜ਼ੀ ਵਿਭਾਗ, ਸਰਕਾਰੀ ਡਿਗਰੀ ਕਾਲਜ ਰਾਮਨਗਰ (ਜੰਮੂ ਕਸ਼ਮੀਰ), ਨੇ ਇਸ ਵੇਬੀਨਾਰ ਦੇ ਮੁੱਖ ਵਕਤਾ ਦੀ ਭੂਮਿਕਾ ਅਦਾ ਕੀਤੀ। ਮੈਡਮ ਨਰਿੰਦਰ ਕੌਰ, (ਮੁਖੀ) ਅੰਗਰੇਜ਼ੀ ਵਿਭਾਗ ਨੇ ਮੈਡਮ ਤਨਮੀਤ ਦਾ ਸਵਾਗਤ ਕੀਤਾ ਅਤੇ ਹਾਜ਼ਿਰ ਵਿਦਿਆਰਥੀਆਂ ਨੂੰ ਇਸ ਵੈਬੀਨਾਰ ਦਾ ਭਰਪੂਰ ਲਾਭ ਉਠਾਉਣ ਲਈ ਪ੍ਰੇਰਿਆ।
ਮੈਡਮ ਤਨਮੀਤ ਕੌਰ ਨੇ ਸੋਧ ਪ੍ਰਣਾਲੀ ਸਬੰਧੀ ਵਿਸਥਾਰ ਵਿੱਚ ਚਰਚਾ ਕਰਦਿਆਂ ਸਮਕਾਲੀ ਸਮਾਜ ਵਿੱਚ ਵੱਧ ਰਹੀ ਇਸ ਦੀ ਜ਼ਰੂਰਤ ਅਤੇ ਪੇਚੀਦਗੀ ਉੱਤੇ ਚਾਨਣਾ ਪਾਇਆ। ਵੇਬੀਨਾਰ ਦੌਰਾਨ ਪ੍ਰੋਫ਼ੈਸਰ ਤਨਮੀਤ ਕੌਰ ਨੇ ਸ਼ੋਧ ਪ੍ਰਕਿਰਿਆ ਦੀ ਰੂਪ-ਰੇਖਾ ਅਤੇ ਵੱਖ-ਵੱਖ ਪਹਿਲੂਆਂ ਨੂੰ ਪੀ.ਪੀ.ਟੀ. ਦੁਆਰਾ ਵਿਦਿਆਰਥੀਆਂ ਨੂੰ ਸਮਝਾਇਆ। ਇਸ ਮੌਕੇ ਅੰਗਰੇਜ਼ੀ ਵਿਭਾਗ ਦੇ ਅਧਿਆਪਕ ਸ੍ਰੀ ਰਿਸ਼ਵ ਠਾਕੁਰ, ਸ੍ਰੀ ਸ਼ਨੀ ਸਿੰਘ ਅਤੇ ਕਾਲਜ ਵਿਦਿਆਰਥੀ ਹਾਜ਼ਰ ਸਨ।
