ਤਲਵਾੜਾ / ਦਸੂਹਾ (ਚੌਧਰੀ) 

24 ਅਪ੍ਰੈਲ : ਸਰਦਾਰ ਬੇਅੰਤ ਸਿੰਘ ਸਟੇਟ ਯੂਨੀਵਰਸਿਟੀ ਗੁਰਦਾਸਪੁਰ ਵੱਲੋਂ ਵਾਈਸ ਚਾਂਸਲਰ ਡਾ. ਸੁਸ਼ੀਲ ਮਿੱਤਲ ਦੇ ਦਿਸ਼ਾ ਨਿਰਦੇਸ਼ਾਂ ਅਤੇ ਡਾ. ਰਾਜੀਵ ਕੁਮਾਰ ਬੇਦੀ ਰਜਿਸਟਰਾਰ ਦੀ ਦੇਖ ਰੇਖ ਹੇਠ ਇੰਜੀਨੀਅਰਿੰਗ ਦੇ ਵਿਦਿਆਰਥੀਆਂ ਨੂੰ ਤਲਵਾੜਾ ਦੇ ਪੌਂਗ ਡੈਮ ਅਤੇ ਪਾਵਰ ਹਾਉਸ ਦਾ ਦੌਰਾ ਕਰਵਾਇਆ ਗਿਆ। ਇਸ ਟੂਰ ਵਿੱਚ ਇਲੈਕਟਰਾਨਿਕਸ ਅਤੇ ਕਮਿਉਨਿਕੇਸ਼ਨ, ਇਲੈਕਟ੍ਰਿਕਲ ਇੰਜੀਨੀਅਰ ਜਮਾਤਾਂ ਤੇ ਵਿਦਿਆਰਥੀਆਂ ਨੇ ਭਾਗ ਲਿਆ। ਇਸ ਮੌਕੇ ਵਿਭਾਗ ਦੇ ਮੁਖੀ ਡਾ. ਅਜੈ ਕੁਮਾਰ ਨੇ ਦੱਸਿਆ ਕਿ ਅਜਿਹੇ ਵਿੱਦਿਅਕ ਟੂਰ ਵਿਦਿਆਰਥੀਆਂ ਲਈ ਬੇਹੱਦ ਲਾਹੇਵੰਦ ਸਿੱਧ ਹੁੰਦੇ ਹਨ। ਇਸ ਮੌਕੇ ਅਨੀਤਾ, ਸੁਮਨ, ਜਸਪ੍ਰੀਤ ਕੌਰ, ਅਮਨਦੀਪ, ਸੌਰਵ ਮਹਾਜਨ ਅਤੇ ਹੋਰ ਸਟਾਫ਼ ਮੈਂਬਰ ਹਾਜਰ ਸਨ।
ਫੋਟੋ:
ਬੇਅੰਤ ਯੂਨੀਵਰਸਿਟੀ ਗੁਰਦਾਸਪੁਰ ਦੇ ਇੰਜੀਨੀਅਰਿੰਗ ਦੇ ਵਿਦਿਆਰਥੀ ਪੌਂਗ ਡੈਮ ਟੂਰ ਮੌਕੇ ਆਪਣੇ ਅਧਿਆਪਕਾਂ ਨਾਲ਼।