ਗੜ੍ਹਦੀਵਾਲਾ 9 ਮਾਰਚ (ਚੌਧਰੀ) : ਖ਼ਾਲਸਾ ਕਾਲਜ ਗੜ੍ਹਦੀਵਾਲਾ ਦੇ ਸੰਗੀਤ ਵਿਭਾਗ, ਯੁਵਕ ਸੇਵਾਵਾਂ ਵਿਭਾਗ , ਕੰਪਿਊਟਰ ਵਿਭਾਗ,ਐਗਰੀਕਲਚਰ ਵਿਭਾਗ,ਐਨ.ਸੀ.ਸੀ. ਵੱਲੋਂ ਸੱਭਿਆਚਾਰਕ ਟੂਰ ਦਾ ਆਯੋਜਨ ਕੀਤਾ ਗਿਆ।ਪ੍ਰੋ. ਗੁਰਪਿੰਦਰ ਸਿੰਘ ਜੀ ਨੇ ਦੱਸਿਆ ਕਿ ਵੱਖ-ਵੱਖ ਵਿਭਾਗਾਂ ਦੇ 49 ਵਿਦਿਆਰਥੀਆਂ 39 ਲੜਕੇ ਅਤੇ 10 ਲੜਕੀਆਂ ਸਨ। ਮਿਤੀ 2 ਮਾਰਚ, 2022 ਨੂੰ ਭਾਰਤ ਸਰਕਾਰ ਵਲੋਂ ਸਹਾਇਤਾ ਪ੍ਰਾਪਤ
ਯੂਥ ਹੋਸਟਲ ਡਲਹੌਜੀ ਵਿਖੇ ਰੁਕਣ ਦਾ ਪ੍ਰੋਗਰਾਮ ਬਣਾਇਆ ਗਿਆ, ਕਰੋਨਾ ਕਾਲ ਵਿੱਚ ਬਣੀ ਲੋਕ-ਡਾਉਨ ਦੀ ਸਥਿਤੀ ਤੋਂ ਬਾਅਦ ਵਿਦਿਆਰਥੀਆਂ ਨੇ ਪਹਾੜਾਂ ਵਿੱਚ ਪਈ ਬਰਫ ਦੇ ਦ੍ਰਿਸ਼ ਦਾ ਆਨੰਦ ਮਾਣਿਆ ਅਤੇ ਡਲਹੌਜੀ ਦੇ ਕਲਚਰ ਨੁੰ ਵੇਖਣ ਗਾਂਧੀ ਚੌਕ ਮਾਰਕੀਟ ਵਿੱਚ ਖਰੀਦੋ ਫਰੋਖਤ ਕੀਤੀ। ਮਿਤੀ 03 ਮਾਰਚ, 2022 ਨੂੰ ਚੰਬਾ ਰਵਾਨਾ ਹੋਏ ਜਿੱਥੇ ਭੂਰੀ ਸਿੰਘ ਮਿਊਜ਼ੀਅਮ ਵਿਚ ਵਿਦਿਆਰਥੀਆਂ ਨੇ ਚੰਬੇ ਦੇ ਇਤਿਹਾਸ ਨੂੰ ਜਾਣਿਆ। ਇਸ ਟੂਰ ਦੇ ਇੰਚਾਰਜ ਡਾ. ਦਵਿੰਦਰ ਕੁਮਾਰ ਸ਼ੰਦਲ, ਪ੍ਰੋ. ਗੁਰਪਿੰਦਰ ਸਿੰਘ, ਡਾ. ਗੁਰਪ੍ਰੀਤ ਸਿੰਘ, ਪ੍ਰੋ.ਜਤਿੰਦਰ ਕੌਰ, ਪ੍ਰੋ.ਅਮਨਦੀਪ ਸਿੰਘ, ਪ੍ਰੋ. ਮਨਜਿੰਦਰ ਕੌਰ ਨੇ ਇਸ ਟੂਰ ਵਿੱਚ ਆਪਣੀ ਜ਼ਿੰਮੇਵਾਰੀ ਨੂੰ ਬਾਖੂਬੀ ਢੰਗ ਨਾਲ ਨਿਭਾਇਆ।