ਦਿਨ ਦਿਹਾੜੇ ਅਣਪਛਾਤੇ ਮੋਟਰਸਾਈਕਲ ਸਵਾਰ ਵਿਅਕਤੀ ਨੇ ਗੋਲ ਗੱਪਿਆਂ ਦੀ ਰੇਹੜੀ ਵਾਲੇ ਦੀਆਂ ਅੱਖਾਂ ਪਾਈਆਂ ਮਿਰਚਾਂ,ਜੇਬ ਚੋਂ ਪੈਸੇ ਤੇ ਅਧਾਰ ਕਾਰਡ ਕੱਢ ਕੇ ਹੋਇਆ ਫਰਾਰ 

ਹਰਿਆਣਾ / ਗੜ੍ਹਦੀਵਾਲਾ 16 ਜੂਨ (ਚੌਧਰੀ) : ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਕਿਸ਼ਨ ਲਾਲ ਪੁੱਤਰ ਗੰਗਾ ਸਰਾਏ ਵਾਸੀ ਭੂੰਗਾ ਥਾਣਾ ਹਰਿਆਣਾ ਜਿਲਾ ਹੁਸਿਆਰਪੁਰ ( ਉਮਰ ਕਰੀਬ 39 ਸਾਲ ) ਨੇ ਦੱਸਿਆ ਕਿ ਉਹ ਗੋਲ ਗੱਪਿਆਂ ਦੀ ਰੇਹੜੀ ਦਸੂਹਾ ਤੋਂ ਹੁਸਿਆਰਪੁਰ ਮੇਨ ਰੋਡ ਮੋੜ ਕੂੰਟਾਂ ਵਿਖੇ ਲਗਾਉਂਦਾ ਹੈ ਅਤੇ ਮਿਤੀ 15-06-22 ਨੂੰ ਵਕਤ ਕਰੀਬ 2:00 ਵਜੇ ਦਿਨ ਦਾ ਹੋਵੇਗਾ ਕਿ ਉਹ ਅੱਜ ਵੀ ਉਥੇ ਰੇਹੜੀ ਲਗਾ ਖੜਾ ਸੀ ਕਿ ਮੋਟਰਸਾਈਕਲ ਸਵਾਰ ਮੋਨਾ ਵਿਆਕਤੀ ਜਿਸ ਨੇ ਲਾਲ ਰੰਗ ਦੀ ਸ਼ਰਟ ਪਾਈ ਹੋਈ ਸੀ ਉਸ ਪਾਸ ਆ ਕੇ ਪਾਣੀ ਪੀਣ ਲਈ ਰੁਕਿਆ ਜਦੋਂ ਉਹ ਉਸ ਨੂੰ ਪਾਣੀ ਦੇਣ ਲੱਗਾ ਤਾਂ ਉਸ ਵਿਅਕਤੀ ਨੇ ਅਪਣੀ ਸੱਜੀ ਜੇਬ ਵਿੱਚੋਂ ਇੱਕ ਮੁੱਠੀ ਮਿਰਚਾਂ ਦੀ ਕੱਢੀ ਤੇ ਉਸ ਦੇ ਮੂੰਹ ਅੱਖਾ ਪਰ ਮਾਰੀ ਜਿਸ ਨਾਲ ਉਸ ਦੀਆਂ ਅੱਖਾਂ ਵਿੱਚ ਜਲਣ ਹੋਣ ਲੱਗ ਪਈ ਅਤੇ ਉਸ ਨਾ ਮਲੂਮ ਵਿਆਕਤੀ ਨੇ ਉਸ ਦੀਆ ਜੇਬਾ ਵਿੱਚੋ ਪੈਸੇ ਕੱਢਣ ਦੀ ਕੋਸ਼ਿਸ਼ ਕੀਤੀ ਜਿਸ ਦਾ ਵਿਰੋਧ ਕਰਨੇ ਤੇ ਉਸ ਨਾ ਮਲੂਮ ਵਿਅਕਤੀ ਨੇ ਉਸ ਦੇ ਸੱਟਾਂ ਮਾਰੀਆਂ ਜਦੋਂ ਉਸ ਨੇ ਮਾਰ ਦਿੱਤਾ ਮਾਰ ਦਿੱਤਾ ਦਾ ਰੋਲਾ ਪਾਇਆ ਤਾਂ ਉਸ ਨਾ ਮਲੂਮ ਵਿਆਕਤੀ ਨੇ ਮੇਰੀ ਜੇਬ ਵਿੱਚੋਂ ਮੇਰਾ ਪੁਰਸ਼ ਜਿਸ ਵਿੱਚ ਮੇਰੀ ਅੱਜ ਦੀ ਸੇਲ 700 ਰੂਪੈ ਅਤੇ ਅਧਾਰ ਕਾਰਡ ਕੱਢ ਕੇ ਮੋਕਾ ਤੋ ਅਪਣੇ ਮੋਟਰਸਾਈਕਲ ਸਮੇਤ ਦਸੂਹਾ ਸਾਈਡ ਨੂੰ ਦੌੜ ਗਿਆ ਜਿਸ ਤੇ ਮੁਕੱਦਮਾ ਦਰਜ ਕੀਤਾ ਗਿਆ।