ਦੀਨਾਨਗਰ (ਸੁਰਿੰਦਰ ਸਿੰਘ ਸੋਨੀ)
ਪਿੰਡ ਪੰਡੋਰੀ ਬੈਸਾਂ ਚ ਹਲਕਾ ਇੰਚਾਰਜ ਦੀਨਾਨਗਰ ਸ਼ਮਸੇਰ ਸਿੰਘ ਨੇ ਲੋਕਾਂ ਦੇ ਸੁਣੇ ਦੁਖੜੇ
24,ਸਤੰਬਰ : ਜਿਥੇ ਆਮ ਆਦਮੀ ਪਾਰਟੀ ਦੀ ਸਰਕਾਰ ਸੂਬੇ ਦੀ ਕਾਇਆ ਕਲਪ ਕਰਨ ਲਈ ਪੂਰੀ ਤਰਾਂ ਤੱਤਪਰ ਨਜਰ ਆ ਰਹੀ ਹੈ ਇਸੇ ਕੜੀ ਤਹਿਤ ਹੀ ਹਲਕਾ ਇੰਚਾਰਜ ਦੀਨਾਨਗਰ ਸ਼ਮਸੇਰ ਸਿੰਘ ਵਲੋਂ ਵੀ ਹਲਕਾ ਵਾਸੀਆਂ ਨਾਲ ਕੀਤੇ ਚੋਣ ਵਾਅਦੇ ਪਗੌਣ ਲਈ ਪੂਰੀ ਤਰਾਂ ਪੱਬਾਂ ਭਾਰ ਨਜਰ ਆ ਰਹੇ ਹਨ।ਸ਼ਮਸੇਰ ਸਿੰਘ ਵੱਲੋ ਪਿਛਲੇ ਕਰੀਬ 5 ਮਹੀਨਿਆਂ ਤੋੰ ਪਿੰਡ ਪੱਧਰ ਤੇ ਧੰਨਵਾਦੀ ਮੀਟਿੰਗਾ ਦਾ ਸਿਲ ਸਲਾ ਜਾਰੀ ਹੈ।ਜਿਸ ਦੇ ਚਲਦਿਆਂ ਸ਼ਮਸ਼ੇਰ ਸਿੰਘ ਵਲੋੰ ਪਿੰਡ ਪੰਡੋਰੀ ਬੈਸਾਂ ਚ, ਭਰਵੀ ਮੀਟਿੰਗ ਕੀਤੀ ਗਈ।ਜਿੱਥੇ ਇਸ ਮੌਕੇ ਤੇ ਸ਼ਮਸੇਰ ਸਿੰਘ ਵਲੋੰ ਮਾਨ ਸਰਕਾਰ ਵਲੋੰ ਲਾਗੂ ਕੀਤੀਆਂ ਜਾ ਰਹੀਆਂ ਲੋਕ ਹਿਤੀ ਪਾਲਸੀਆਂ ਤੋਂ ਲੋਕਾਂ ਨੂੰ ਜਾਣੂ ਕਰਵਾਇਆ ਓਥੇ ਹੀ ਲੋਕਾਂ ਦੇ ਅਨੇਕਾਂ ਦੁਖੜੇ ਸੁਣਕੇ ਬਹੁਤੀਆਂ ਸਮਸਿਆਂ ਦਾ ਮੌਕੇ ਤੇ ਹੀ ਨਿਪਟਰਾ ਕਰਵਾਇਆ।ਇਸ ਮੌਕੇ ਤੇ ਐਸ,ਡੀ,ਓ ਪਬਲਿਕ ਹੈਲਥ ਪ੍ਰਸ਼ੋਤਮ ਸਿੰਘ ਹੁੰਦਲ,ਜੇਈ ਅਮਰਪ੍ਰੀਤ ਸਿੰਘ ਜੇਈ ਜਤਿੰਦਰ ਕੁਮਾਰ,ਬੀ ਡੀ ਓ ਸੁਰੇਸ਼ ਕੁਮਾਰ,ਪਟਵਾਰੀ ਰਮੇਸ ਸਿੰਘ, ਐਸ ਐਚ ਓ ਹਰਵਿੰਦਰ ਸਿੰਘ, ਸਾਬਕਾ ਸਰਪੰਚ ਰਾਮ ਮੂਰਤੀ, ਸਾਬਕਾ ਸਰਪੰਚ,ਅਸ਼ਵਨੀ, ਸਾਬਕਾ ਸਰਪੰਚ ਜਨਕ ਸਿੰਘ,ਰਮੇਸ ਕੁਮਾਰ, ਕਾਕਾ,ਪਵਨ ਕੁਮਾਰ ਤੋਂ ਇਲਾਵਾ ਵੱਡੀ ਗਿਣਤੀ ਚ ਪਿੰਡ ਦੇ ਲੋਕ ਹਾਜਰ ਸਨ।
