ਗੜ੍ਹਦੀਵਾਲਾ (ਚੌਧਰੀ / ਯੋਗੇਸ਼ ਗੁਪਤਾ / ਪ੍ਰਦੀਪ ਕੁਮਾਰ) 

30 ਅਕਤੂਬਰ : ਅੱਜ ਦਿਨ ਦਿਹਾੜੇ ਚੋਰਾਂ ਵਲੋਂ ਪੁਲਿਸ ਥਾਣਾ ਗੜਦੀਵਾਲਾ ਦੇ ਲਾਗਿਓ ਇੱਕ ਮੋਟਰਸਾਈਕਲ ਚੋਰੀ ਕਰਨ ਦਾ ਸਮਾਚਾਰ ਮਿਲਿਆ ਹੈ।ਗੜ੍ਹਦੀਵਾਲਾ ਹਲਕੇ ਵਿੱਚ ਦਿਨ ਬ ਦਿਨ ਲੁਟਾਂ-ਖੋਹਾਂ ਅਤੇ ਚੋਰੀ ਦੀਆਂ ਵਾਰਦਾਤਾਂ ਵਧਦੀਆਂ ਜਾ ਰਹੀਆਂ ਹਨ। ਜਿਸ ਦੇ ਚਲਦਿਆਂ ਇਲਾਕੇ ਦੇ ਲੋਕਾਂ ਵਿੱਚ ਦਹਿਸ਼ਤ ਦਾ ਮਾਹੌਲ ਬਣਿਆ ਹੋਇਆ ਹੈ।

ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਅਮਰੀਕ ਸਿੰਘ ਪੁੱਤਰ ਧਿਆਨ ਸਿੰਘ ਵਾਸੀ ਪਿੰਡ ਬਲਾਲਾ ਥਾਣਾ ਗੜਦੀਵਾਲਾ ਜਿਲ੍ਹਾ ਹੁਸ਼ਿਆਰਪੁਰ ਨੇ ਦੱਸਿਆ ਕਿ ਅੱਜ ਸਵੇਰੇ ਮਿਤੀ 30/10/2023 ਮੇਰਾ ਭਾਣਜਾ ਮੋਟਰਸਾਇਕਲ ਮਾਰਕਾ ਹੀਰੋ ਹਾਂਡਾ ਸਪਲੈਡਰ ਪਲੱਸ ਨੰਬਰ PB-07 -B-9859 ਤੇ ਗੜ੍ਹਦੀਵਾਲਾ ਸਕੂਲ ਵਾਸਤੇ ਆਇਆ ਸੀ। ਮੇਰਾ ਭਤੀਜਾ ਅੱਗੇ ਤਰਾਂ ਮੋਟਰ ਸਾਇਕਲ ਕਮੇਟੀ ਘਰ ਦੀ ਬੈਕ ਸਾਇਡ ਗੱਲੀ ਵਿੱਚ ਖੜਾ ਕੀਤਾ ਸੀ। ਜਦ ਮੇਰਾ ਭਾਣਜਾ ਛੁੱਟੀ ਹੋਣ ਤੇ ਵਾਪਿਸ ਮੋਟਰ ਸਾਇਕਲ ਲੈਣ ਵਾਸਤੇ ਆਇਆ ਤਾਂ ਦੇਖਿਆ ਕਿ ਉਸਦਾ ਮੋਟਰ ਸਾਇਕਲ ਕੋਈ ਚੋਰੀ ਕਰ ਕੇ ਲੈ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਅਸੀਂ ਇਹ ਮੋਟਰ ਸਾਇਕਲ ਕੁਝ ਦਿਨ ਪਹਿਲਾਂ ਕਿਸੇ ਕੋਲੋਂ ਲਿਆ ਸੀ ਅਤੇ ਅਜੇ ਉਸਦੇ ਕਾਗਜ ਵੀ ਉਸਦੇ ਨਾਮ ਤੇ ਹਨ । ਪੀੜਤ ਵਲੋਂ ਇਸ ਘਟਨਾ ਦੀ ਸਾਰੀ ਜਾਣਕਾਰੀ ਪੁਲਿਸ ਥਾਣਾ ਗੜਦੀਵਾਲਾ ਨੂੰ ਦਿੱਤੀ ਗਈ ਹੈ। ਪੁਲਿਸ ਵਲੋਂ ਇਸ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।