*ਸਕੂਨ ਮਿਲਦਾ ਹੈ ਜਦੋਂ ਮੈਂ ਆਪਣਿਆਂ ਦੇ ਕੰਮ ਆਉਂਦਾ ਹਾਂ – ਦਸੂਹਾ*

ਗੜ੍ਹਦੀਵਾਲਾ 7 ਫਰਵਰੀ (ਚੌਧਰੀ) : ਹਲਕਾ ਟਾਂਡਾ ਤੋਂ ਗਰੀਬਾਂ ਦੇ ਮਸੀਹਾ ਤੇ ਉੱਘੇ ਸਮਾਜ ਸੇਵੀ ਤੇ ਸਰਦਾਰ ਮਨਜੀਤ ਸਿੰਘ ਦਸੂਹਾ ਵੱਲੋਂ ਲੋਕ ਭਲਾਈ ਹਿੱਤਾਂ ਨੂੰ ਮੁੱਖ ਰਖਦਿਆਂ ਚਲਾਈਆਂ ਗਈਆਂ ਸਕੀਮਾਂ ਸਬੰਧੀ ਪਾਰਟੀਆਂ ਤੋਂ ਵੱਖ ਹੋ ਕੇ ਆਪਣੀ ਤਰਫੋਂ ਇਕ ਮੈਨੀਫੈਸਟੋ ਜਾਰੀ ਕੀਤਾ। ਜਿਸ ਵਿੱਚ ਉਹਨਾਂ ਲੋਕ ਮੁੱਦਿਆਂ ਨੂੰ ਮੁੱਖ ਰੱਖਦਿਆਂ ਗੜ੍ਹਦੀਵਾਲਾ ਵਿੱਚ ਹਸਪਤਾਲ ਬਣਾਉਣਾ, ਗਰੀਬ ਬੱਚਿਆਂ ਦਾ ਸਾਰਾ ਪੜ੍ਹਾਈ ਦਾ ਖਰਚਾ, ਸ਼ਗਨ ਸਕੀਮ 5100 ਤੋਂ ਵਧਾ ਕੇ 11,000, ਬਿਮਾਰ ਗਰੀਬ ਵਿਅਕਤੀਆਂ ਲਈ 10,000 ਤੋਂ ਵਧਾ ਕੇ 20,000, ਟਾਂਡਾ ਵਿੱਚ ਵੱਡੀ ਇੰਡਸਟਰੀ ਲਿਆ ਕੇ ਅਨੇਕਾਂ ਪਰਿਵਾਰਾ ਨੂੰ ਰੁਜ਼ਗਾਰ ਦੇਣਾ ਹੋਵੇਗਾ। ਉਹਨਾਂ ਦਸਿਆ ਕਿ ਇਹ ਮੈਨੀਫ਼ੈਸਟੋ ਮੈ ਬਿਨਾ ਕਿਸੇ ਲਾਲਚ ਤੋਂ ਹਲਕੇ ਦੇ ਲੋਕਾਂ ਦੀ ਭਲਾਈ ਲਈ ਜਾਰੀ ਕੀਤਾ ਹੈ। ਕਿਉਕਿ ਪਿਛਲੇ ਲੰਮੇ ਸਮੇਂ ਤੋਂ ਚਲਾਈਆਂ ਗਈਆਂ ਇਹ ਲੋਕ ਭਲਾਈ ਸਕੀਮਾਂ ਦਾ ਜਦੋਂ ਮੈ ਮਾਪਦੰਡ ਕੀਤਾ ਤਾਂ ਮਹਿੰਗਾਈ ਦੇ ਦੌਰ ਦੌਰਾਨ ਚਲਾਈਆਂ ਗਈਆਂ ਇਹ ਸਕੀਮਾਂ ਕੁਛ ਵੀ ਨਹੀ ਸਨ। ਜਿਸ ਤੇ ਚਲਦਿਆਂ ਮੈ ਅਪਣੇ ਪਰਿਵਾਰ ਨਾਲ ਸਲਾਹ ਮਸ਼ਵਰਾ ਕਰਨ ਉਪਰੰਤ ਇਹ ਸਕੀਮਾਂ ਨੂੰ ਵਧਾ ਕੇ ਦੁੱਗਣਾ ਕਰ ਦਿੱਤਾ ਤਾਂ ਜੋ ਦਿੱਤੀ ਗਈ ਰਕਮ ਨਾਲ ਕਿਸੇ ਦਾ ਕੁਝ ਬਣ ਵੀ ਸਕੇ। ਉਹਨਾਂ ਦੱਸਿਆ ਕਿ ਚਲਾਈਆਂ ਗਈਆਂ ਇਹ ਸਕੀਮਾਂ ਮੇਰੇ ਆਖਰੀ ਸਾਹ ਤੱਕ ਚਲਦਿਆਂ ਰਹਿਣਗੀਆਂ ਜਿਸ ਵਿੱਚ ਸਮੇਂ ਦੇ ਲਿਹਾਜ ਨਾਲ ਵਾਧਾ ਘਾਟਾ ਵੀ ਕੀਤਾ ਜਾ ਸਕਦਾ ਹੈ। ਉਹਨਾਂ ਕਿਹਾ ਕਿ ਮੈਂ ਆਪਣੇ ਆਪ ਵਿੱਚ ਖੁਸ਼ੀ ਮਹਿਸੂਸ ਕਰਦਾ ਹਾਂ ਜਦੋਂ ਮੈਂ ਆਪਣਿਆਂ ਦੇ ਕੰਮ ਆਉਂਦਾ ਹਾ। ਉਹਨਾਂ ਹੋਰ ਵੀ ਦਸਿਆ ਕਿ ਇਹ ਸਕੀਮ ਸਿਰਫ ਹਲਕਾ ਟਾਂਡਾ ਦੇ ਵਾਸੀਆਂ ਲਈ ਹੈ।