7 ਅਕਤੂਬਰ : ਹਿੰਦ ਕਮਿਊਨਿਸਟ ਪਾਰਟੀ ਮਾਰਕਸਵਾਦੀ ਤਹਿਸੀਲ ਦਸੂਹਾ ਵੱਲੋਂ  ਐਸਡੀਐਮ ਦਸੂਹਾ ਨੂੰ ਪੰਜਾਬ ਦੇ  ਭਖਦੇ ਮਸਲਿਆਂ ਬਾਰੇ ਮੈਮੋਰੰਡਮ ਦਿੱਤਾ ।ਐਸਡੀਐਮ ਦਸੂਹਾ ਗ਼ੈਰਹਾਜ਼ਰ   ਹੋਣ ਕਰਕੇ  ਤਹਿਸੀਲਦਾਰ  ਸੁਖਵਿੰਦਰ ਸਿੰਘ ਨੂੰ  ਮੰਗ ਪੱਤਰ   ਦਿੱਤਾ ਗਿਆ।  ਇਸ ਮੰਗ ਪੱਤਰ ਬਾਰੇ ਬੋਲਦਿਆਂ ਰਣਜੀਤ ਸਿੰਘ ਚੌਹਾਨ ਨੇ ਕਿਹਾ ਕਿ ਪੰਜਾਬ ਚ ਅਮਨ ਕਾਨੂੰਨ ਦੀ ਸਥਿਤੀ ਤੇ ਸਰਕਾਰ ਕੰਟਰੋਲ ਕਰੇ।ਕਿਉਂਕਿ ਪੰਜਾਬ ਅੰਦਰ ਲੁੱਟਾਂ ਖੋਹਾਂ ਦੀਆਂ ਬਾਤਾਂ ਵਾਰਦਾਤਾਂ ਦਿਨੋਂ ਦਿਨ ਵਧ ਰਹੀਆਂ ਹਨ  ।  ਪਿਛਲੇ ਕਾਫ਼ੀ ਸਮੇਂ ਤੋਂ ਪੰਜਾਬ ਵਿੱਚ ਲੰਮੀ ਸਕਿਨ ਦੀ ਬਿਮਾਰੀ ਨਾਲ  ਕਿਸਾਨਾਂ ਦਾ ਭਾਰੀ ਨੁਕਸਾਨ ਹੋਇਆ ਹੈ ਪਿੰਡ ਪਿੰਡ ਗਊਆਂ ਇਸ ਬੀਮਾਰੀ ਦਾ ਸ਼ਿਕਾਰ ਹੋਈਆਂ ਹਨ  । ਸਰਕਾਰ ਇਨ੍ਹਾਂ ਛੋਟੇ ਕਿਸਾਨਾਂ ਨੂੰ ਲੰਪੀ ਸਕਿਨ ਨਾਲ ਹੋਏ ਮੁਆਵਜ਼ੇ ਦਾ  ਢੁੱਕਵਾਂ ਪ੍ਰਬੰਧ ਕਰੇ।  ਝੋਨੇ ਨੂੰ ਬਿਮਾਰੀ ਲੱਗਣ ਕਾਰਨ ਖੜ੍ਹੀ ਫ਼ਸਲ ਦਾ ਭਾਰੀ ਮਾਤਰਾ ਵਿੱਚ ਨੁਕਸਾਨ ਹੈ ਸਰਕਾਰ ਇਸ ਦੀ ਗਿਰਦਾਵਰੀ ਕਰਕੇ ਕਿਸਾਨਾਂ ਨੂੰ ਬਣਦਾ ਮੁਆਵਜ਼ਾ ਦਿੱਤਾ ਜਾਵੇ । ਗੁਜਰਾਤ ਅਤੇ ਹਿਮਾਚਲ ਵਿੱਚ ਹੋ ਰਹੀਆਂ ਚੋਣਾਂ ਵਿਚ ਪੰਜਾਬ ਵੱਲੋਂ ਖਰਚੇ ਜਾ ਰਹੇ ਇਸ਼ਤਿਹਾਰਾਂ ਦਾ ਖ਼ਰਚਾ  ਬੰਦ ਕੀਤਾ ਜਾਵੇ  ਕਿਉਂਕਿ ਪੰਜਾਬ ਤਾਂ ਪਹਿਲਾਂ ਹੀ ਆਰਥਕ  ਮੰਦਹਾਲੀ ਵਿੱਚੋਂ ਗੁਜ਼ਰ ਰਿਹਾ ਹੈ। ਪੰਜਾਬ ਸਰਕਾਰ ਲੋਕਾਂ ਨਾਲ ਚੋਣਾਂ ਅੰਦਰ ਕੀਤੇ ਵਾਅਦੇ ਪੂਰੇ ਕਰੇ।  ਕੱਚੇ ਮੁਲਾਜ਼ਮ ਪੱਕੇ ਕੀਤੇ ਜਾਣ ਤੇ ਬੇਰੁਜ਼ਗਾਰਾਂ ਨੂੰ ਰੁਜ਼ਗਾਰ ਦਿੱਤਾ ਜਾਵੇ । ਆਬਾਦਕਾਰਾਂ ਨੂੰ ਮਾਲਕੀ ਦੇ ਹੱਕ ਦਿੱਤੇ ਜਾਣ । ਮਨਰੇਗਾ ਮਜ਼ਦੂਰਾਂ ਨੂੰ ਸਾਲ ਵਿੱਚ ਦੋ ਸੌ ਦਿਨ ਕੰਮ ਤੇ ਸੱਤ ਸੌ ਰੁਪਏ ਦਿਹਾੜੀ ਦਿੱਤੀ ਜਾਵੇ।  ਰੇਤ ਮਾਫੀਆ ਤੇ ਕੰਟਰੋਲ ਕੀਤਾ ਜਾਵੇ  ਰੇਤਾ ਅਤੇ ਬਜਰੀ ਦੀਆਂ ਵਧਦੀਆਂ  ਕੀਮਤਾਂ  ਨੂੰ ਨੱਥ ਪਾਈ ਜਾਵੇ ।ਪੰਜਾਬ ਸਰਕਾਰ ਮੁਲਾਜ਼ਮਾਂ ਨੂੰ ਤੰਗ ਪਰੇਸ਼ਾਨ  ਕਰਨਾ ਬੰਦ ਕਰੇ  । ਅੱਜ ਦੇ ਇਸ ਮੈਮੋਰੰਡਮ ਦੇਣ ਵਾਲਿਆਂ ਵਿੱਚ ਰਣਜੀਤ ਸਿੰਘ ਚੌਹਾਨ ,ਨਿਰਮਲਜੀਤ ਸਿੰਘ ਕੱਲੇਵਾਲ ,ਸੁਖਦੇਵ ਸਿੰਘ’ ਜੋਗਿੰਦਰਪਾਲ ਗਡ਼੍ਹਦੀਵਾਲਾ ,ਗੁਰਮੇਲ ਸਿੰਘ , ਦਲੀਪ ਸਿੰਘ ‘ਗੁਰਦੀਪ ਸਿੰਘ ਸਹੋਤਾ ਡੱਫ਼ਰ ,ਸਰਬਣ ਸਿੰਘ ਹਰਪਾਲ ਸਿੰਘ ਸਾਹੂ ਦਾ ਪਿੰਡ, ਹਰਬੰਸ ਸਿੰਘ ਧੂਤ  ‘ਅਜੀਤ ਸਿੰਘ ਲਾਲੋਵਾਲ ਹੁਸੈਨਪੁਰ, ਰਘਵੀਰ ਸਿੰਘ, ਗੁਰਜਿੰਦਰ ਸਿੰਘ ਆਦਿ ਹਾਜ਼ਰ ਸਨ।