ਧੱਫੜੀ (ਚਮੜੀ) ਰੋਗ ਤੋ ਪੀੜਿਤ ਤੜਫ ਤਡਫ ਕੇ ਮਰ ਰਹੀਆਂ ਗਾਊਆਂ,ਪਸ਼ੂ ਪਾਲਕਾ ਵਿੱਚ ਸਹਿਮ ਦਾ ਮਾਹੌਲ

ਬੰਦ ਡਿਸਪੈਸਰੀਆਂ ਵਿੱਚ ਤੁਰੰਤ ਡਾਕਟਰ ਤੈਨਾਤ ਕੀਤੇ ਜਾਣ

ਕਾਠਗੜ 05 ਜੁਲਾਈ (ਜਤਿੰਦਰਪਾਲ ਸਿੰਘ ਕਲੇਰ)- ਧਫੜੀ (ਚਮੜੀ ) ਰੋਗ ਨਾਲ ਤੜਫ ਤੜਫ ਕੇ ਮਰ ਰਹੀਆਂ ਗਊਆਂ ਕਾਠਗੜ ਏਰੀਏ ਵਿੱਚ ਪੈਦੇ ਪਸ਼ੂ ਪਾਲਕਾ ਜੋ ਕਿ ਡੇਅਰੀ ਦਾ ਆਪਣਾ 2,4 ਪਸ਼ੂ ਰੱਖ ਕੇ ਦੁੱਧ ਦਾ ਕਿੱਤਾ ਕਰਕੇ ਆਪਣਾ ਗੁਜਾਰਾ ਕਰ ਰਹੇ ਹਨ | ਉਨਾ ਦੀਆ ਗਊਆਂ ਨੂੰ ਵੱਡੇ ਪੱਧਰ ਤੇ ਆਪਣੀ ਲਪੇਟ ਵਿੱਚ ਲੈ ਲਿਆ ਹੈ | ਛੋਟੇ ਕਿਸਾਨਾਂ ਦਾ ਕਾਫੀ ਨੁਕਸਾਨ ਹੋਇਆ ਹੈ | ਲੋਕ ਕਾਫੀ ਨਿਰਾਸ਼ ਹਨ ਕਿਉਂਕਿ ਕੋਈ ਵੀ ਸਰਕਾਰੀ ਪਸ਼ੂ ਡਾਕਟਰ ਇਸ ਏਰੀਆ ਵਿੱਚ ਨਹੀਂ ਹੈ | ਬਿਨਾ ਇਲਾਜ ਤੋ ਗਊਆ ਦਾ ਮਰਨਾ ਜਾਰੀ ਹੈ | ਕਿਉਕਿ ਬੇਟ ਏਰੀਆ ਵਿੱਚ ਪਸ਼ੂ ਡਿਸਪੈਸਰੀ ਕਾਫੀ ਸਮੇਂ ਤੋ ਬੰਦ ਹੈ ਜਿਵੇ ਕਿ ਭਰਥਲਾ ਪਸ਼ੂ ਡਿਸਪੈਸਰੀ , ਮੁਤੋ ਪਸ਼ੂ ਡਿਸਪੈਸਰੀ, ਕਾਠਗੜ ਸਰਕਾਰੀ ਹਸਪਤਾਲ ,ਟੌਸਾ ਪਸ਼ੂੂ ਡਿਸਪੈਸਰੀ ਆਦਿ ਕਾਫੀ ਲੰਬੇ ਸਮੇਂ ਤੋ ਬੰਦ ਪਈਆ ਹਨ |ਜਿਵੇ ਕਿ ਪਰਾਗਪੁਰ, ਮੁੱਤੋ ਮੰਡ ,ਭਰਥਲਾ ਬੇਟ ਆਦਿ ਪਿੰਡਾ ਵਿੱਚ ਵੱਡੇ ਪੱਧਰ ਤੇ ਗਊਆ ਦਾ ਮਰਨਾ ਜਾਰੀ ਹੈ | ਲੋਕਾ ਵੱਲੋਂ ਸਰਕਾਰ ਤੋ ਮੰਗ ਕੀਤੀ ਹੈ ਕਿ ਪਸ਼ੂਆ ਦਾ ਉਚ ਪੱਧਰੀ ਇਲਾਜ ਮੁਹੱਈਆ ਕਰਵਾਈਆ ਜਾਵੇ | ਬੰਦ ਡਿਸਪੈਸਰੀਆ ਵਿੱਚ ਡਾਕਟਰਾਂ ਦੀ ਤੈਨਾਤੀ ਕੀਤੀ ਜਾਵੇ | ਕਿਸਾਨਾ ਦੇ ਹੋਣ ਨੁਕਸਾਨ ਦੀ ਭਰਪਾਈ ਕੀਤੀ ਜਾਵੇ | ਇਸ ਮੌਕੇ ਸੁਰਜੀਤਸਿੰਘ, ਪ੍ਰੇਮ ਨਾਥ, ਅਵਤਾਰ ਚੰਦ, ਅਸ਼ੋਕ ਕੁਮਾਰ, ਸੇਠੀ ਰਾਮ, ਸੁਰਿੰਦਰ ਸਿੰਘ, ਸੁਰਜੀਤਸਿੰਘ,ਚਰਨਜੀਤ ਸਿੰਘ, ਚਨਣ ਸਿੰਘ ਤੇ ਹੋਰ ਬਹੁਤ ਸਾਰੇ ਮੌਜੂਦ ਰਹੇ |

ਫੋਟੋ :ਬੰਦ ਡਿਸਪੈਸਰੀਆਂ ਵਿੱਚ ਤੁਰੰਤ ਡਾਕਟਰ ਤੈਨਾਤ ਕਰਨ ਦੀ ਮੰਗ ਕਰਦੇ ਹੋਏ ਲੋਕ, ਦਫੜੀ ਰੋਗ ਨਾਲ ਪੀੜਿਤ ਗਊਆਂ।