* ਵਿਭਾਗ ਵਲੋਂ ਜਾਰੀ 7 ਤਰੀਕ ਤੱਕ ਤਨਖਾਹਾਂ ਦੇਣ ਵਾਲੇ ਪੱਤਰ ਨੂੰ ਵਰਦੇ ਮੀਂਹ ਵਿੱਚ ਫੂਕ ਕੇ ਜਤਾਇਆ ਰੋਸ *

ਗੜਦੀਵਾਲ 3ਫ਼ਰਵਰੀ (ਚੌਧਰੀ) : ਅੱਜ ਜਲ ਸਪਲਾਈ ਤੇ ਸੈਨੀਟੇਸ਼ਨ ਵਰਕਰ ਯੂਨੀਅਨ ਪੰਜਾਬ ਬਰਾਂਚ ਗੜ੍ਹਦੀਵਾਲਾ ਵਲੋਂ ਬਰਾਂਚ ਪ੍ਰਧਾਨ ਦਰਸ਼ਵੀਰ ਸਿੰਘ ਰਾਣਾ ਅਤੇ ਬਰਾਂਚ ਜਰਨਲ ਕੁਲਦੀਪ ਸਿੰਘ ਵਲੋ ਪ੍ਰੈਸ ਨੂੰ ਦੱਸਿਆ ਕਿ ਜਲ ਸਪਲਾਈ ਵਿਭਾਗ ਵਿੱਚ ਪਿਛਲੇ ਲੰਮੇ ਸਮੇਂ ਤੋਂ ਸੇਵਾਵਾਂ ਨਿਭਾ ਰਹੇ ਇਨਲਿਸਟਮੈਟ ਠੇਕਾ ਵਰਕਰਾਂ ਨੂੰ ਪਿਛਲੇ ਤਿੰਨ ਮਹੀਨਿਆਂ ਤੋਂ ਤਨਖ਼ਾਹਾ ਨਹੀ ਮਿਲੀਆਂ ਹਨ ਜਿਸ ਕਾਰਨ ਉਹਨਾਂ ਦੇ ਘਰਾਂ ਦੇ ਚੁੱਲ੍ਹੇ ਠੰਡੇ ਹੋ ਗਏ ਹਨ।ਇਸ ਸਬੰਧੀ ਜਥੇਬੰਦੀ ਵਲੋ ਵਿਭਾਗ ਦੀ ਉਚ ਮੈਨੇਜਮੈਂਟ ਨਾਲ ਗੱਲ ਬਾਤ ਕੀਤੀ ਗਈ ਤਾ ਉਹਨਾ ਵਲੋ ਲਾਰੇ ਲਾ ਕੇ ਢੰਗ ਟਪਾਏ ਜਾ ਰਹੇ ਹਨ ਪਰ ਹਜੇ ਤੱਕ ਫੰਡ ਨਹੀ ਭੇਜੇ ਜਾ ਰਹੇ ਜਿਸ ਕਾਰਨ ਤਨਖਾਹਾਂ ਨਹੀ ਮਿਲ ਰਹੀਆ ਹਨ।ਇਸ ਤੋ ਵਿਭਾਗ ਮਾੜੀ ਦੀ ਕਾਰਗੁਜ਼ਾਰੀ ਦਾ ਸਾਫ ਪਤਾ ਚਲਦਾ ਹੈ।ਇਸ ਲਈ ਰੋਸ ਵਜੋਂ ਅੱਜ ਵਰਦੇ ਮੀਂਹ ਵਿੱਚ ਜਥੇਬੰਦੀ ਵਲੋ ਵਿਭਾਗ ਵਲੋ 7 ਤਰੀਕ ਤੱਕ ਤਨਖਾਹਾਂ ਦੇਣ ਵਾਲੇ ਪੱਤਰ ਨੂੰ ਫੂਕ ਕੇ ਰੋਸ ਦਿਖਾਇਆ ਗਿਆ ਹੈ ਅਤੇ ਵਿਭਾਗ ਦੀ ਮੈਨੇਜਮੈਂਟ ਖਿਲਾਫ ਨਾਅਰੇਬਾਜ਼ੀ ਕੀਤੀ ਗਈ। ਇਸ ਲਈ ਜੇਕਰ ਜਲਦ ਹੀ ਵਿਭਾਗ ਨੇ ਤਨਖਾਹ ਦੇ ਫੰਡ ਜਾਰੀ ਨਹੀ ਕੀਤੇ ਤਾ ਜਥੇਬੰਦੀ ਤਿੱਖਾ ਸ਼ੰਗਰਸ਼ ਕਰੇਗੀ ਜਿਸ ਦੀ ਸਾਰੀ ਜਿੰਮੇਵਾਰੀ ਵਿਭਾਗ ਤੇ ਉਚ ਅਧਿਕਾਰੀਆਂ ਦੀ ਹੋਵੇਗੀ।ਇਸ ਮੌਕੇ ਹਾਜਰ ਸਾਥੀ ਵਿਨੋਦ ਕੁਮਾਰ ਸ਼ਾਮ ਸੁੰਦਰ ਪਰਮਜੀਤ ਸਿੰਘ ਬਲਵੀਰ ਸਿੰਘ ਅਜੇ ਕੁਮਾਰ ਗੁਰਬਖ਼ਸ਼ ਰਾਏ ਕੁਲਵਿੰਦਰ ਸਿੰਘ ਅਟਵਾਲ ਆਦਿ।