ਗੜ੍ਹਦੀਵਾਲਾ 24 ਜਨਵਰੀ (ਚੌਧਰੀ)
: ਭਾਰਤ ਨਿਰਮਾਣ ਮਿਸਤਰੀ ਮਜ਼ਦੂਰ ਯੂਨੀਅਨ (ਸੀਟੂ) ਵੱਲੋਂ ਜ਼ਿਲਾ ਪ੍ਰਧਾਨ ਮਨਜੀਤ ਕੌਰ ਭੱਟੀਆਂ ਦੀ ਅਗਵਾਈ ਹੇਠ ਹਲਕਾ ਵਿਧਾਇਕ ਜਸਬੀਰ ਸਿੰਘ ਰਾਜਾ ਨੂੰ ਉਸਾਰੀ ਕਿਰਤੀਆਂ ਦੀਆਂ ਮੰਗਾਂ ਬਾਰੇ ਮੰਗ ਪੱਤਰ ਦਿੱਤਾ। ਮੰਗਾਂ ਬਾਰੇ ਬੋਲਦਿਆਂ ਮਨਜੀਤ ਕੌਰ ਭੱਟੀਆਂ ਨੇ ਕਿਹਾ ਕਿ ਪੰਜਾਬ ਬਿਲਡਿੰਗ ਐਂਡ ਅਦਰ ਕੰਸਟਰਕਸ਼ਨ ਬੋਰਡ ਵੱਲੋਂ ਤਹਿਸੀਲ ਦਸੂਹਾ ਦੇ ਵੱਖ ਵੱਖ ਪਿੰਡਾਂ ਦੇ ਮਜ਼ਦੂਰਾਂ ਵੱਲੋਂ ਵੱਖ-ਵੱਖ ਸਕੀਮਾਂ ਦੇ ਆਨਲਾਈਨ ਤੇ ਆਫਲਾਈਨ ਕੇਸ ਲੇਬਰ ਦਫਤਰ ਹੁਸ਼ਿਆਰਪੁਰ ਵੱਲੋਂ ਮਹਾਲੀ ਹੈਡ ਆਫਿਸ ਵਿਖੇ ਜਮਾ ਹਨ । ਜਿਸ ਵਿੱਚ ਸਗਨ ਸਕੀਮ, ਵਜੀਫਾ ਪਰਸ਼ੂਤਾ ਸਕੀਮ, ਬਾਲੜੀ ਸਕੀਮ, ਯਾਤਰਾ ਸਕੀਮ, ਮੈਡੀਕਲ ਸਕੀਮ, ਦਾਹ ਸੰਸਕਾਰ, ਐਕਸਗਰੇਸ਼ੀਆ ਗਰਾਂਟ, ਬੁਢਾਪਾ ਪੈਨਸ਼ਨ ਆਦਿ ਸਕੀਮਾਂ ਦੇ ਕੇਸ ਦਫਤਰਾਂ ਵਿੱਚ ਜਮਾ ਹਨ। ਇਸ ਤੋਂ ਪਹਿਲਾਂ ਵੀ ਐਮਐਲਏ ਸਾਹਿਬ ਨੂੰ ਇਨਾਂ ਸਕੀਮਾਂ ਦਾ ਲਾਭ ਕਿਰਤ ਵਿਭਾਗ ਵੱਲੋਂ ਮਜ਼ਦੂਰਾਂ ਨੂੰ ਨਾ ਮਿਲਣ ਸਬੰਧੀ ਮੰਗ ਪੱਤਰ ਦਿੱਤਾ ਸੀ, ਪਰ ਅਜੇ ਤੱਕ ਕੋਈ ਹਿਲਜੁਲ ਨਹੀਂ ਹੋਈ। ਪਿਛਲੇ ਕਈ ਸਾਲਾਂ ਤੋਂ ਜਮਾ ਸਕੀਮਾਂ ਜੋ ਕਿ ਹੈਡ ਆਫਿਸ ਮਹਾਲੀ ਲੇਬਰ ਵਿਭਾਗ ਵਿਖੇ ਜਮਾ ਹਨ। ਫਾਈਲਾਂ ਦਾ ਵੇਰਵਾ ਤਰੀਕਾ ਵਾਈਜ ਲਿਖ ਕੇ ਦਿੱਤਾ ਗਿਆ ਹੈ ।ਇਹ ਕੇਸ 2020 ਤੋਂ ਲੈ ਕੇ ਹੁਣ ਤੱਕ ਉੱਥੇ ਮਹਾਲੀ ਲੇਬਰ ਦਫਤਰ ਵਿਖੇ ਜਮਾ ਹਨ ਸਰਕਾਰ ਤੋਂ ਮੰਗ ਕੀਤੀ ਗਈ ਕਿ ਫਾਈਲਾਂ ਖੋਲ ਕੇ ਸਰਕਾਰ ਤੁਹਾਡੇ ਦੁਆਰ ਵਾਲੀ ਨੀਤੀ ਤੇ ਅਮਲ ਕੀਤਾ ਜਾਵੇ ।ਅੱਜ ਦੇ ਇਸ ਮੰਗ ਪੱਤਰ ਦੇਣ ਵਾਲਿਆਂ ਵਿੱਚ ਮਨਜੀਤ ਕੌਰ, ਸ਼ੀਤਲ ਕੌਰ ,ਸੁਰਿੰਦਰ ਕੌਰ ਰਜਿੰਦਰ ਕੌਰ ,ਸਰਬਨ ਸਿੰਘ, ਸੰਦੇਸ਼ ਕੁਮਾਰੀ ਸੁਰਿੰਦਰ ਪਾਲ ਸਿੰਘ ਦਵਿੰਦਰ ਸਿੰਘ, ਮਹਿੰਦਰ ਸਿੰਘ ਆਸ਼ਾ ਰਾਣੀ ਨਸੀਬ ਕੌਰ ਸਰਬਜੀਤ ਕੌਰ ਸ਼ੀਤਲ ਸਿੰਘ ਆਦਿ ਹਾਜ਼ਰ ਸਨ ।
ਫੋਟੋ : ਹਲਕਾ ਵਿਧਾਇਕ ਜਸਵੀਰ ਸਿੰਘ ਨੂੰ ਮੰਗ ਪੱਤਰ ਸੌਂਪਦੇ ਹੋਏ ਭਾਰਤ ਨਿਰਮਾਣ ਮਿਸਤਰੀ ਮਜ਼ਦੂਰ ਯੂਨੀਅਨ (ਸੀਟੂ) ਦੇ ਮੈਂਬਰ।
