ਦਫਤਰ ਦੇ ਮੁਲਾਜ਼ਮਾਂ ਨੂੰ ਵਿਕਾਸ ਕਾਰਜਾਂ ਚ ਤੇਜ਼ੀ ਲਿਆਉਣ ਲਈ ਕਿਹਾ

ਗੜਦੀਵਾਲਾ 28 ਜੁਲਾਈ(ਚੌਧਰੀ) :  ਅੱਜ ਹਲਕਾ ਵਿਧਾਇਕ ਟਾਂਡਾ ਜਸਬੀਰ ਸਿੰਘ ਰਾਜਾ ਨੇ ਬੀਡੀਓ ਦਫਤਰ ਵਿਖੇ  ਕੰਮਕਾਜਾਂ ਦਾ ਜਾਇਜ਼ਾ ਲਿਆ। ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਪਿੰਡਾਂ ਵਿੱਚ ਜਿਨ੍ਹਾਂ ਲੋਕਾਂ ਨੇ ਸ਼ਾਮਲਾਟ ਜ਼ਮੀਨਾਂ ਸਾਂਭੀਆਂ ਹੋਈਆਂ ਹਨ ਉਹ ਸਾਰੇ ਨਾਜਾਇਜ਼ ਕਬਜ਼ੇ ਪਹਿਲ ਦੇ ਆਧਾਰ ਤੇ ਛੁਡਾਏ ਜਾਣਗੇ। ਉਨ੍ਹਾਂ ਕਿਹਾ ਕਿ ਭਗਵੰਤ ਮਾਨ ਸਰਕਾਰ ਲੋਕਾਂ ਦੀ ਹਰ ਸਮੱਸਿਆ ਹੱਲ ਕਰਨ ਲਈ ਲੋਕਾਂ ਪ੍ਰਤੀ ਜਵਾਬਦੇਹ ਹਨ । ਉਨ੍ਹਾਂ ਕਿਹਾ ਕਿ ਆਪਣੇ ਇਲਾਕੇ ਦੇ ਅੱਠ ਪਿੰਡਾਂ ਵਿੱਚ ਸੱਥਾਂ ਉਸਾਰੀਆਂ ਜਾਣਗੀਆਂ ਜਿੱਥੇ ਪਿੰਡਾਂ ਦੇ ਬਜ਼ੁਰਗ  ਆਪਸ ਵਿੱਚ ਬਹਿ ਕੇ ਵਿਚਾਰ ਸਾਂਝੇ ਕਰਨਗੇ ਤੇ ਦੁੱਖ ਸੁੱਖ ਵੰਡਣਗੇ । ਉਨ੍ਹਾਂ ਕਿਹਾ ਕਿ ਪਿੰਡਾਂ ਵਿੱਚ ਕਿਸੇ ਵੀ ਧਾਰਮਿਕ ਸਥਾਨ ਨੂੰ ਜਾਂਦੀ ਗਲੀ ਕੱਚੀ ਨਹੀਂ ਰਹਿਣ ਦਿੱਤੀ ਜਾਵੇਗੀ। ਇਸ ਮੌਕੇ ਉਨ੍ਹਾਂ ਨਾਲ ਬੀਡੀਪੀਓ ਭੂੰਗਾ  ਹਰਬਿਲਾਸ ਸਿੰਘ ,ਸੀਡੀਪੀਓ ਕੁਸ਼ਲ ਕੁਮਾਰ ਸਾਰੇ ਜੇਈ ਸਾਹਿਬਾਨ ਤੇ ਸਾਰੇ ਸੈਕਟਰੀ ਤੇ ਸਟਾਫ ਹਾਜ਼ਰ ਸਨ । ਇਸ ਮੌਕੇ ਹਲਕਾ ਵਿਧਾਇਕ ਜਸਬੀਰ ਸਿੰਘ ਰਾਜਾ ਦੇ ਨਾਲ ਕੈਪਟਨ ਮਨਜੀਤ ਸਿੰਘ ਕੇਸੋਪੁਰ ਕੰਢੀ ਏਰੀਆ ਪ੍ਰਧਾਨ ਆਮ ਆਦਮੀ ਪਾਰਟੀ,ਹਰਜਿੰਦਰ ਸਿੰਘ ਦਾਰਾਪੁਰ ਬਲਾਕ ਪ੍ਰਧਾਨ,  ਕੇਸ਼ਵ ਸਿੰਘ ਸੈਣੀ ਪ੍ਰਧਾਨ ਬਲਾਕ ਟਾਂਡਾ ਆਮ ਆਦਮੀ ਪਾਰਟੀ,ਕੁਲਦੀਪ ਸਿੰਘ ਮਿੰਟੂ ਰਾਣਾ ਹਲਕਾ ਕੋਆਰਡੀਨੇਟਰ, ਕੈਪਟਨ ਕਰਨ ਸਿੰਘ ਸੇਖਾਂ ਆਦਿ ਹਾਜ਼ਰ ਸਨ ।

ਫੋਟੋ : ਬੀ ਡੀ ਓ ਅਤੇ ਸਮੂਹ ਸਟਾਫ ਨਾਲ ਗੱਲਬਾਤ ਕਰਦੇ ਹੋਏ ਵਿਧਾਇਕ ਜਸਵੀਰ ਸਿੰਘ ਰਾਜਾ ਗਿੱਲ ਅਤੇ ਹੋਰ।