ਖ਼ਾਲਸਾ ਕਾਲਜ ਗੜ੍ਹਦੀਵਾਲਾ ਦੇ ਵਿਦਿਆਰਥੀਆ ਵੱਲੋਂ ਲਗਾਈ ਗਈ ਛਬੀਲ

ਗੜ੍ਹਦੀਵਾਲਾ (ਚੌਧਰੀ) : ਅੱਜ ਮਿੱਤੀ 18 ਮਈ, 2022 ਨੂੰ ਖ਼ਾਲਸਾ ਕਾਲਜ , ਗੜ੍ਹਦੀਵਾਲਾ ਦੇ ਵਿਦਿਆਰਥੀਆਂ ਨੇ
ਕਾਲਜ ਦੇ ਸਮੂਹ ਸਟਾਫ਼ ਦੇ ਸਹਿਯੋਗ ਨਾਲ 1984 ਦੇ ਸਿੰਘ ਸ਼ਹੀਦਾਂ ਦੀ ਯਾਦ ਵਿੱਚ ਠੰਡੇ ਮਿੱਠੇ ਜਲ ਦੀ ਛਬੀਲ ਲਗਾਈ। ਛਬੀਲ ਸ਼ੁਰੂ ਕਰਨ ਤੋਂ ਪਹਿਲਾਂ ਅਰਦਾਸ ਕੀਤੀ ਗਈ ਅਤੇ ਭੋਗ ਵਰਤਾਇਆ ਗਿਆ।ਇਸ ਉਪਰੰਤ 1984 ਦੇ ਫੌਜੀ ਹਮਲੇ ਦੌਰਾਨ ਹਰਮਿੰਦਰ ਸਾਹਿਬ ਅਤੇ ਹੋਰ ਗੁਰਦੁਆਰਾ ਸਾਹਿਬ
ਵਿਖੇ ਸ਼ਹੀਦ ਹੋਏ ਸ਼ਹੀਦਾਂ ਦੀ ਯਾਦ ਵਿੱਚ ਸਾਰਾ ਦਿਨ ਆਉਣ ਜਾਣ ਵਾਲੀਆ ਸੰਗਤਾਂ ਨੁੰ ਠੰਡਾ ਮਿੱਠਾ ਜਲ ਛਕਾਇਆ ਗਿਆ। ਇਸ ਛਬੀਲ ਦੇ ਪ੍ਰਬੰਧ ਵਿੱਚ ਭਾਈ ਘਨੱਈਆ ਸਿਮਰਨ ਸੁਸਾਇਟੀ,ਡੱਫਰ ਅਤੇ ਸੰਤ ਹਰਚਰਨ ਸਿੰਘ, ਰਮਦਾਸਪੁਰ ਵਾਲਿਆਂ ਨੇ ਭਰਪੂਰ ਯੋਗਦਾਨ ਪਾਇਆ।ਇਸ ਮੌਕੇ ਕਾਲਜ ਪ੍ਰਿੰਸੀਪਲ ਡਾ.ਮਲਕੀਤ ਸਿੰਘ,ਵਿਦਿਆਰਥੀਆਂ , ਸੰਤ ਹਰਚਰਨ ਸਿੰਘ ਰਮਦਾਸਪੁਰ ਅਤੇ ਭਾਈ ਘਨੱਈਆ ਸਿਮਰਨ ਸੁਸਾਇਟੀ, ਡੱਫਰ ਵਾਲਿਆਂ ਦੀ ਇਸ ਉਪਰਾਲੇ ਲਈ
ਸ਼ਲਾਘਾ ਕੀਤੀ।