• ਗੜ੍ਹਦੀਵਾਲਾ (ਚੌਧਰੀ )

: ਅੱਜ ਆਮ ਆਦਮੀ ਪਾਰਟੀ ਪੰਜਾਬ ਚ ਸਟੇਟ ਪ੍ਰਭਾਰੀ ਮਨੀਸ਼ ਸਿਸੋਦੀਆ ਤੇ ਸੂਬਾ ਪ੍ਰਧਾਨ ਅਮਨ ਅਰੋੜਾ ਨੇ ਮਿਹਨਤੀ ਵਰਕਰਾਂ ਤੇ ਅਗੂਆਂ ਦੀਆਂ ਕੁੱਝ ਨਵੀਆਂ ਤੇ ਕੁੱਝ ਦੀਆਂ ਦੁਬਾਰਾ ਰਪੀਟ ਅਹੁਦੇਦਾਰੀਆਂ ਨਿਯੁਕਤ ਕੀਤਿਆਂ ਗਈਆਂ ਹਨ । ਜਿਸ ਵਿੱਚ ਹਲਕਾ ਟਾਂਡਾ ਚ ਪੈਂਦੇ ਗੜ੍ਹਦੀਵਾਲ ਇਲਾਕੇ ਦੇ ਵਾਸੀ ਤੇ ਮਾਰਕੀਟ ਕਮੇਟੀ ਟਾਂਡਾ ਦੇ ਚੇਅਰਮੈਨ ਚੌਧਰੀ ਰਾਜਵਿੰਦਰ ਸਿੰਘ ਰਾਜਾ ਨੂੰ ਪਾਰਟੀ ਹਾਈਕਮਾਂਡ ਨੇ ਲਗਾਤਾਰ ਤੀਸਰੀ ਵਾਰ ਜਿਲਾ ਹੁਸ਼ਿਆਰਪੁਰ ਦੇ ਯੂਥ ਇੰਚਾਰਜ ਨਿਯੁਕਤ ਕੀਤਾ ਹੈ । ਇਸ ਮੌਕੇ ਚੌਧਰੀ ਰਾਜਾ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪਾਰਟੀ ਹਾਈ ਕਮਾਂਡ ਵਲੋਂ ਮੇਰੇ ਤੇ ਇੰਨਾ ਵੱਡਾ ਵਿਸ਼ਵਾਸ ਜਤਾਉਣ ਤੇ ਇਸ ਜ਼ਿੰਮੇਵਾਰੀ ਨੂੰ ਦੇਣ ਤੇ ਉਹ ਦਿਲੋਂ ਧੰਨਵਾਦ ਕਰਦੇ ਹਨ ਤੇ ਦਿੱਤੀ ਗਈ ਜ਼ਿੰਮੇਵਾਰੀ ਉਹ ਅੱਗੇ ਤੋਂ ਵੀ ਜਿਆਦਾ ਮੇਹਨਤ, ਤਨਦੇਹੀ ਤੇ ਇਮਾਨਦਾਰੀ ਨਾਲ ਨਿਭਾਉਣਗੇ ।