ਬਟਾਲਾ (ਅਵਿਨਾਸ਼ ਸ਼ਰਮਾ )

15 ਅਪ੍ਰੈਲ : ਅੱਜ ਭਾਰਤੀ ਜਨਤਾ ਪਾਰਟੀ ਜ਼ਿਲਾ ਬਟਾਲਾ ਵਲੋ ਜ਼ਿਲਾ ਪ੍ਰਧਾਨ ਹੀਰਾ ਵਾਲੀਆ ਦੀ ਅਗਵਾਈ ਵਿੱਚ ਕੇਂਦਰੀ ਸੰਸਕ੍ਰਿਤਕ ਅਤੇ ਸੰਸਦੀਯ ਕਾਰਜ ਮੰਤਰੀ ਅਰਜੁਨ ਰਾਮ ਮੇਘਵਾਲ ਦੇ ਬਟਾਲਾ ਪਹੁੰਚਣ ਤੇ ਨਿੱਘਾ ਸਵਾਗਤ ਕੀਤਾ ਗਿਆ। ਓਹਨਾ ਦੇ ਨਾਲ ਡਾਕਟਰ ਜਸਵਿੰਦਰ ਢਿੱਲੋਂ ਅਤੇ ਰਾਜਿੰਦਰ ਬਿੱਟਾ ਵੀ ਪਹੁੰਚੇ। ਓਹਨਾ ਦੇ ਲਈ ਸਵਾਗਤੀ ਪ੍ਰੋਗਰਾਮ ਭਾਜਪਾ ਦੇ ਸੀਨੀਅਰ ਨੇਤਾ ਇੰਦਰ ਸੇਖੜੀ ਦੇ ਇੰਸਟੀਚਿਊਟ ਵੀ ਐਮ ਐਸ ਵਿਖੇ ਰੱਖਿਆ ਗਿਆ। ਓਹਨਾ ਦੇ ਪਹੁੰਚਣ ਤੇ ਜ਼ਿਲਾ ਪ੍ਰਧਾਨ, ਸਟੇਟ ਕਾਰਜ ਕਾਰਨੀ ਮੈਂਬਰ ਸਮੁੱਚੀ ਜ਼ਿਲਾ ਟੀਮ ਦੋਵੇਂ ਵਿਧਾਨ ਸਭਾ ਦੇ ਮੰਡਲ ਅਤੇ ਮੋਰਚਿਆਂ ਦੇ ਪ੍ਰਧਾਨ, ਸਾਰਿਆ ਨੇ ਓਹਨਾ ਦੇ ਗਲੇ ਵਿਚ ਫੁੱਲ ਮਾਲਾ ਪਹਿਨਾ ਕੇ ਸਵਾਗਤ ਕੀਤਾ। ਮੀਟਿੰਗ ਹਾਲ ਪਹੁੰਚਣ ਤੇ ਜ਼ਿਲਾ ਪ੍ਰਧਾਨ ਅਤੇ ਹੋਰ ਅਹੁਦੇਦਾਰਾਂ ਨੇ ਗੁਲਦਸਤੇ ਭੇਟ ਕੀਤੇ, ਸ਼ਾਲ ਅਤੇ ਸਰੋਪੇ ਪਾ ਕੇ ਮਹਿਮਾਨਾਂ ਦਾ ਸਵਾਗਤ ਕੀਤਾ ਗਿਆ। ਓਹਨਾ ਦੇ ਪਹੁੰਚਣ ਦਾ ਮੁੱਖ ਮੰਤਵ ਜ਼ਿਲਾ ਬਟਾਲਾ ਦੇ ਉਹ ਕੰਮ ਜੋ ਪਿਛਲੇ ਲੰਬੇ ਸਮੇਂ ਤੋਂ ਲਟਕੇ ਪਏ ਸੀ ਜਿਵੇਂ ਕਿ ਬਟਾਲੇ ਦੀ ਇੰਡਸਟਰੀ ਬਹੁਤ ਹੀ ਹਾਸ਼ੀਏ ਤੇ ਪਹੁੰਚ ਗਈ ਹੈ ਉਸ ਦੇ ਲਈ ਕੇਂਦਰ ਸਰਕਾਰ ਕੋਲ ਰਾਹਤ ਪੈਕੇਜ ਤੇ ਸ਼ੁਲਤਾ ਲਈ ਅਰਜ਼ ਕੀਤੀ ਗਈ, ਇਸ ਤੋਂ ਇਲਾਵਾ ਰੇਲਵੇ ਸਟੇਸ਼ਨ ਦੇ ਨਵੀਨੀਕਰਨ ਲਈ ਤੇ ਡੇਰਾ ਰੋਡ ਵਿਖੇ ਰੇਲਵੇ ਫਾਟਕ ਦੇ ਥੱਲੇ under path ਦੀ ਤਜ਼ਵੀਜ਼ ਦਿੱਤੀ ਗਈ । ਇਸ ਤੋਂ ਇਲਾਵਾ ਬਾਰਾਂਦਰੀ ਦੇ ਵਿਕਾਸ ਦੀ ਤਜ਼ਵੀਜ਼ ਵੀ ਰੱਖੀ ਗਈ। ਹੋਰ ਵੀ ਕਈ ਮਸਲੇ ਸੀ ਇਸ ਸ਼ਹਿਰ ਦੇ ਓਹਨਾ ਬਾਰੇ ਵੀ ਕੇਂਦਰੀ ਮੰਤਰੀ ਨੂੰ ਜਾਣੂ ਕਰਵਾਇਆ ਗਿਆ। ਮੇਘਵਾਲ ਨੇ ਬੜੇ ਨਰਮੇ ਤੇ ਧਿਆਨ ਨਾਲ ਸਾਰਿਆ ਦੀਆ ਗੱਲਾ ਨੂੰ ਸੁਣਿਆ। ਅਤੇ ਯਕੀਨ ਦਿਵਾਇਆ ਕਿ ਜਿਹੜੇ ਕੰਮਾਂ ਦੇ ਬਾਰੇ ਤੁਸੀ ਕਿਹਾ ਹੈ ਉਹ ਕੰਮ ਯਕੀਨੀ ਤੌਰ ਤੇ ਹੋਣਗੇ । ਜ਼ਿਲਾ ਪ੍ਰਧਾਨ ਨੇ ਸਾਰੇ ਕੰਮਾਂ ਦੀਆ ਪ੍ਰੋਜੈਕਟ ਫਾਇਲਾ ਮੰਤਰੀ ਨੂੰ ਦੇ ਦਿੱਤੀਆਂ ਗਈਆਂ । ਓਹਨਾ ਨੇ ਤੁਰੰਤ ਹੀ ਸਬੰਧਤ ਮੰਤਰਾਲੇ ਨਾਲ ਗੱਲ ਕਰ ਕੇ ਕਲ ਦੇ ਸਮਾ ਵੀ ਦੇ ਦਿੱਤਾ ਕਿ ਮੈਂ ਕਲ ਸ਼ਾਮ 5 ਵਜੇ ਰੇਲਵੇ ਸਟੇਸ਼ਨ, ਫਾਟਕ ਅਤੇ ਬਾਰਾਦਰੀ ਦਾ ਜਯਾਜ਼ਾ ਲੈਣ ਅਵਾਗਾ। ਮੰਤਰੀ ਨਾਲ ਇਹ ਮੀਟਿੰਗ ਬਹੁਤ ਸਫਲ ਰਹੀ।ਸਾਰੇ ਭਾਜਪਾ ਬਟਾਲਾ ਦੇ ਕਾਰਜ ਕਰਤਾ ਬਹੁਤ ਖੁਸ਼ ਸਨ।