ਪਿੰਡ ਨਾਈ ਮਜਾਰਾ ਵਿਖੇ ਡਾ.ਬੀਆਰ ਅੰਬੇਡਕਰ ਦਾ 131ਵਾਂ ਜਨਮ ਦਿਨ ਮਨਾਇਆ

ਬਲਾਚੌਰ (ਜਤਿੰਦਰ ਪਾਲ ਸਿੰਘ ਕਲੇਰ ): ਲਾਗਲੇ ਪਿੰਡ ਨਾਈਮਜਾਰਾ ਵਿਖੇ ਸਮੂਹ ਨਗਰ ਨਿਵਾਸੀਆ ਵਲੋਂ ਪਿੰਡ ਵਿੱਚ ਸੁਸੋਭਿਤ ਅੰਬੇਡਕਰ ਭਵਨ ਵਿੱਚ ਸਥਿਤ ਬਾਬਾ ਸਾਹਿਬ ਡਾ. ਭੀਮ ਰਾਓ ਅੰਬੇਡਕਰ ਜੀ ਦੀ ਪ੍ਰਤਿਮਾ ਉਪਰ ਫੁੱਲ ਮਾਲਾਵਾਂ ਭੇਂਟ ਕਰਕੇ ਉਹਨਾ ਦੇ 131ਵਾਂ ਜਨਮ ਦਿਹਾੜਾ ਮਨਾਇਆ ਗਿਆ ਅਤੇ ਲੱਡੂ ਵੰਡੇ ਗਏ । ਇਸ ਮੌਕੇ ਬੁਲਾਰਿਆ ਨੇ ਆਖਿਆ ਕਿ ਅੱਜ ਦਾ ਦਿਨ ਬੜਾ ਹੀ ਭਾਗਾ ਵਾਲਾ ਹੈ , ਅੱਜ ਭਾਰਤ ਦੇ ਸੰਵਿਧਾਨ ਰਿਚੇਤਾ ਅਤੇ ਔਰਤ ਨੂੰ ਬਰਾਬਰੀ ਦਾ ਹੱਕ ਦਵਾਉਣ ਵਾਲੇ ਬਾਬਾ ਸਾਹਿਬ ਦਾ ਜਨਮ ਦਿਨ ਹੈ ਤੇ ਖਾਲਸਾ ਪੰਥ ਦਾ ਸਾਜ਼ਨਾ ਦਿਵਸ ਵਿਸਾਖੀ ਦਾ ਪਵਿੱਤਰ ਦਿਹਾੜਾ ਹੈ । ਉਹਨਾ ਆਖਿਆ ਕਿ ਸੱਭ ਤੋਂ ਵੱਡੀ ਤਾਕਤ ਕਲਮ ਦੀ ਤਾਕਤ ਹੈ ਜਿਸ ਰਾਹੀਂ ਬਾਬਾ ਸਾਹਿਬ ਨੇ ਸਭ ਨੂੰ ਜਿੰਦਗੀ ਜੀਉਣ ਲਈ ਬਰਾਬਰ ਦੇ ਹੱਕ ਲੈ ਕੇ ਦਿੱਤੇ ਹਨ ।ਉਹਨਾਂ ਆਖਿਆ ਕਿ ਸਮਾਜ ਨੂੰ ਬਾਬਾ ਸਾਹਿਬ ਨੇ ਵੱਡੀ ਦੇਣ ਦਿੱਤੀ ਹੈ । ਇਸ ਮੌਕੇ ਰਾਜ ਕੁਮਾਰ, ਅਮਰੀਕ ਨਕਸ਼ਾ ਨਵੀਸ, ਦੇਵ ਰਾਜ ਨੰਬਰਦਾਰ, ਸੋਢੀ ਸਿੰਘ , ਸੱਤਪਾਲ , ਦੇਵ ਰਾਜ , ਜਸਵੀਰ ਪੰਚ, ਚਰਨ ਕੌਰ ਪੰਚ, ਗੁਰਮੇਲ, ਲਵਲੀ, ਸੁਰਿੰਦਰ ਕੁਮਾਰ, ਸਰਬਜੀਤ, ਸੁਰਜੀਤ ਕੁਮਾਰ ਅਤੇ ਹੋਰ ਵੀ ਪਿੰਡ ਦੇ ਪਤਵੱਤੇ ਸੱਜਣ ਜਿਸ ਵਿੱਚ ਔਰਤਾ ਵੀ ਸ਼ਾਮਲ ਹਨ ਮੌਜੂਦ ਸਨ।
ਫੋਟੋ : ਪਿੰਡ ਨਾਈ ਮਜਾਰਾ ਵਿਖੇ ਡਾ.ਬੀਆਰ ਅੰਬੇਡਕਰ ਦੇ ਜਨਮ ਦਿਹਾੜੇ ਤੇ ਉਨ੍ਹਾਂ ਦੀ ਪ੍ਰਤਿਮਾ ਨੂੰ ਸਜਦਾ ਕਰਦੇ ਪਿੰਡ ਨਿਵਾਸੀ ।