ਦਸੂਹਾ 1 ਦਸੰਬਰ (ਪ੍ਰਾਈਮ ਪੰਜਾਬ ਟਾਈਮਜ਼)

: ਅੱਜ ਪੁਰਾਣੀ ਪੈਨਸ਼ਨ ਬਹਾਲੀ ਦੀ ਮੰਗ ਨੂੰ ਲੈ ਕੇ ਦਿੱਲੀ ਵਿਖੇ ਕੀਤੀ ਗਈ ਰੈਲੀ ਸਬੰਧੀ ਯੂਨੀਅਨ ਆਗੂ ਸੁੱਖਜੀਤ ਸਿੰਘ ਤੇ ਦਿੱਲੀ ਪੁਲਿਸ ਵਲੋਂ ਦਰਜ ਕੀਤੀ ਐੱਫ.ਆਈ.ਆਰ ਦੇ ਵਿਰੋਧ ਵਿੱਚ ਬਲਾਕ ਦਸੂਹਾ -1 ਦੇ ਅਧਿਆਪਕਾਂ ਵਲੋਂ ਐੱਫ.ਆਈ. ਆਰ  ਦੀਆਂ ਕਾਪੀਆਂ ਸਾੜ ਕੇ ਕੇਂਦਰ ਅਤੇ ਦਿੱਲੀ ਸਰਕਾਰ ਖਿਲਾਫ ਰੋਸ ਪ੍ਰਗਟ ਕੀਤਾ ਅਤੇ ਆਪਣੇ ਆਗੂ ਨਾਲ ਇੱਕਜੁਟਤਾ ਦਾ ਪ੍ਰਗਟਾਵਾ ਕੀਤਾ।ਇਸ ਮੌਕੇ ਸਮੂਹ ਅਧਿਆਪਕ ਜਥੇਬੰਦੀਆਂ ਦੇ ਆਗੂਆਂ ਨੇ ਮਨਜੀਤ ਸਿੰਘ ਕਠਾਣਾ ਦੀ ਅਗਵਾਈ ਵਿੱਚ ਰੋਸ ਮੁਜਾਹਰਾ ਕਰਦਿਆਂ ਕੇਂਦਰ ਅਤੇ ਪੰਜਾਬ ਸਰਕਾਰ ਨੂੰ ਪੁਰਾਣੀ ਪੈਨਸ਼ਨ ਸਕੀਮ ਲਾਗੂ ਕਰਨ ਦੀ ਮੰਗ ਕੀਤੀ ਅਤੇ ਚੇਤਾਵਨੀ ਦਿੱਤੀ ਕਿ ਜੇ ਅਜਿਹੀਆਂ ਕੋਝੀਆਂ ਹਰਕਤਾਂ ਨਾਲ ਸੰਘਰਸ਼ ਨੂੰ ਦਬਾਉਣ ਦੀ ਕੋਸ਼ਿਸ਼ ਕੀਤੀ ਤਾਂ ਇਹ ਅੰਦੋਲਨ ਚਿੰਗਾਰੀ ਤੋਂ ਭਾਂਬੜ ਬਣ ਕੇ ਉੱਭਰੇਗਾ,ਜਿਸ ਵਿੱਚ ਸਰਕਾਰਾਂ ਸੜ ਕੇ ਸੁਆਹ ਹੋ ਜਾਣਗੀਆਂ। ਇਸ ਮੋਕੇ ਉਪਿੰਦਰਜੀਤ ਸਿੰਘ ਈਟੀਟ ਅਧਿਆਪਕ ਯੂਨੀਅਨ, ਗੁਰਜਿੰਦਰ ਸਿੰਘ ਐੱਸ.ਸੀ./ਬੀ.ਸੀ ਅਧਿਆਪਕ ਯੂਨੀਅਨ, ਮਨਜੀਤ ਸਿੰਘ ਬੋਬੀ ਐਲੀਮੈੰਟਰੀ ਟੀਚਰਜ ਯੂਨੀਅਨ, ਬਲਜੀਤ ਸਿੰਘ 6635 ਅਧਿਆਪਕ ਯੂਨੀਅਨ,ਕਰਨਵੀਰ ਸਿੰਘ 5994 ਅਧਿਆਪਕ ਯੂਨੀਅਨ, ਮੈਡਮ ਮਨਜੀਤ ਕੌਰ, ਮੈਡਮ ਪੂਨਮ ਖੈਰਾਬਾਦ, ਮੈਡਮ ਸੁੱਖਵਿੰਦਰ ਕੌਲ, ਮੈਡਮ ਸਵਿਤਾ,ਮੈਡਮ ਸੰਦੀਪ ਕੌਰ, ਮੈਡਮ ਰਾਜਵਿੰਦਰ ਕੌਰ, ਉਰਮਿਲਾ ਰਾਣੀ, ਤਰਲੋਕ ਸਿੰਘ, ਰਮਨਦੀਪ ਕੌਰ, ਆਦਿ ਬਹੁਤ ਸਾਰੇ ਅਧਿਆਪਕ ਸ਼ਾਮਿਲ ਸਨ।