ਦਸੂਹਾ 30 ਮਾਰਚ(ਚੌਧਰੀ) : ਦਸੂਹਾ ਦੇ ਨਜ਼ਦੀਕ ਉੱਚੀ ਬੱਸੀ ਵਿਖੇ 4 ਅਣਪਛਾਤੇ ਵਿਅਕਤੀਆਂ ਵਲੋਂ ਹਥਿਆਰਾਂ ਦੀ ਨੋਕ ਤੇ ਇੱਕ ਵਿਅਕਤੀ ਤੋਂ ਕਾਰ ਖੋਹ ਕੇ ਫਰਾਰ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ।

ਮਿਲੀ ਜਾਣਕਾਰੀ ਅਨੁਸਾਰ ਬਲਜੀਤ ਸਿੰਘ ਨਿਵਾਸੀ ਗਾਲੜੀਆਂ ਤੋਂ ਆਪਣੇ ਪਿਤਾ ਨਾਲ ਉੱਚੀ ਬੱਸੀ ਮਿਲਟਰੀ ਕੈਂਟੀਨ ਵਿਖੇ ਸਾਮਾਨ ਲੈਣ ਆਏ ਸੀ। ਬਲਜੀਤ ਸਿੰਘ ਨੇ ਪੁਲਿਸ ਨੂੰ ਦੱਸਿਆ ਕਿ ਮੈਂ ਆਪਣੇ ਪਿਤਾ ਨੂੰ ਕੈਂਟੀਨ ਦੇ ਗੇਟ ਤੇ ਉਤਾਰ ਦਿੱਤਾ ਅਤੇ ਕਾਰ ਵਿਚ ਕੁਝ ਖਰਾਬੀ ਹੋਣ ਕਰਕੇ ਸੜਕ ਦੇ ਕਿਨਾਰੇ ਲੱਗਾ ਕੇ ਚੈਕ ਕਰ ਰਿਹਾ ਸੀ ਤਾਂ ਮੁਕੇਰੀਆਂ ਵਲੋਂ ਚਾਰ ਅਣਪਛਾਤੇ ਵਿਅਕਤੀ ਆਏ। ਜਿਨ੍ਹਾਂ ਨੇ ਹਥਿਆਰਾਂ ਦੀ ਨੋਕ ਤੇ ਕਾਰ ਦੀ ਚਾਬੀ ਅਤੇ ਪਰਸ ਆਦਿ ਦੀ ਮੰਗ ਕੀਤੀ। ਮੈਂਨੂੰ ਡਰਾ ਧਮਕਾ ਕੇ ਉਸ ਪਾਸੋਂ ਕਾਰ ਦੀ ਚਾਬੀ ਅਤੇ ਪਰਸ ਖੋਹ ਲਿਆ ਅਤੇ ਕਾਰ ਲੈ ਕੇ ਫਰਾਰ ਹੋ ਗਏ। 4 ਅਣਪਛਾਤੇ ਵਿਅਕਤੀਆਂ ਵਿੱਚ ਤਿੰਨ ਵਿਅਕਤੀਆਂ ਮੋਨੇ ਤੇ ਪਗੜੀ ਧਾਰੀ ਦੱਸਿਆ ਜਾ ਰਿਹਾ ਹੈ। ਉਸ ਤੋਂ ਬਾਅਦ ਬਲਜੀਤ ਸਾਰੀ ਘਟਨਾ ਦੀ ਜਾਣਕਾਰੀ ਸਧਾਨਕ ਪੁਲਿਸ ਨੂੰ ਦਿੱਤੀ। ਸਥਾਨਕ ਪੁਲਿਸ ਜਾਂਚ ਵਿੱਚ ਜੁੱਟ ਗਈ ਹੈ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਪੁਲਿਸ ਲੁਟੇਰਿਆਂ ਤੱਕ ਪਹੁੰਚ ਪਾਉਂਦੀ ਹੈ ਕਿ ਨਹੀਂ।

ਫੋਟੋ : ਪੁਲਿਸ ਨੂੰ ਘਟਨਾ ਦੀ ਜਾਣਕਾਰੀ ਦਿੰਦੇ ਹੋਏ ਬਲਜੀਤ ਸਿੰਘ ਅਤੇ ਉਸਦਾ ਸਾਥੀ।