ਹਾਜੀਪੁਰ / ਦਸੂਹਾ (ਚੌਧਰੀ) 

: ਮੰਗਲਵਾਰ ਰਾਤ ਹਾਜੀਪੁਰ ਸ਼ਹਿਰ ‘ਚ ਉਸ ਵੇਲੇ ਮਾਹੌਲ ਗਮਗੀਨ ਹੋ ਗਿਆ ਜਦੋਂ ਹਾਜੀਪੁਰ ਦੀ ਬਰੜ ਕਲੌਨੀ ਵਿਖੇ ਇੱਕ ਓਵਰਲੋਡ ਟਿੱਪਰ ਨੇ ਇੱਕ ਐਕਟਿਵਾ ਨੂੰ ਜਬਰਦਸਤ ਟੱਕਰ ਮਾਰੇ ਜਾਣ ਕਾਰਣ ਦੋ ਬੱਚਿਆਂ ਸਮੇਤ ਤਿੰਨ ਲੋਕਾਂ ਦੀ ਮੌਤ ਹੋ ਗਈ ਅਤੇ ਇੱਕ ਵਿਅਕਤੀ ਗੰਭੀਰ ਰੂਪ’ ਚ ਜਖਮੀ ਹੋ ਗਿਆ। ਹਾਜੀਪੁਰ ਪੁਲਸ ਨੂੰ ਦਿੱਤੇ ਬਿਆਨ ‘ਚ ਅਵਤਾਰ ਸਿੰਘ ਪੁੱਤਰ ਬਲਵਿੰਦਰ ਸਿੰਘ ਵਾਸੀ ਮੁਹੱਲਾ ਬਰੜ ਕਲੋਨੀ ਹਾਜੀਪੁਰ ਨੇ ਦੱਸਿਆ ਹੈ ਕਿ ਉਸਦਾ ਭਤੀਜਾ ਮੁਕੇਸ਼ ਕੁਮਾਰ (32) ਪੁੱਤਰ ਦੇਸ ਰਾਜ ਵਾਸੀ ਬਰੜ ਕਲੋਨੀ ਹਾਜੀਪੁਰ,ਉਸਦੇ ਦੂਸਰੇ ਭਤੀਜੇ ਰਵੀ ਕੁਮਾਰ ਦੇ ਬੱਚੇ ਲੜਕੀ ਪਰੀ 6/ 7 ਸਾਲ ਤੇ ਲੜਕਾ ਸਮੀਰ 5 ਸਾਲ ਤੇ ਉਸਦੇ ਨਾਲ ਹੀ ਮੁਹੱਲੇ ਦਾ ਲੜਕਾ ਆਕਾਸ਼ ਪੁੱਤਰ ਦੇਸ (30) ਕਰੀਬ 9/10 ਵਜੇ ਬਾਜਾਰ ਤੋਂ ਐਕਟਿਵਾ ਨੰਬਰ ਜੇ.ਕੇ.02-ਸੀ.ਕੇ.-5309 ਪਰ ਸਵਾਰ ਹੋ ਕੇ ਆਪਣੀ ਸਾਇਡ ਘਰ ਨੂੰ ਵਾਪਿਸ ਘਰ ਆ ਰਹੇ ਸੀ ਜਦੋਂ ਉਹ ਵੀ ਘਰ ਨੂੰ ਜਾਣ ਲਈ ਮੁੱਹਲਾ ਦੇ ਮੋੜ ਤੇ ਖੜਾ ਸੀ ਤਾਂ ਮੁੱਹਲੇ ਦੇ ਮੇਨ ਜੀ.ਟੀ.ਰੋਡ ਉਪਰ ਇਕ ਟਿਪਰ ਪਹਿਲਾਂ ਹੀ ਸਾਇਡ ਤੇ ਖੜਾ ਸੀ। ਜਦੋ ਐਕਟਿਵਾ ਨੂੰ ਮੁਕੇਸ਼ ਕੁਮਾਰ ਨੂੰ ਚਲਾਉਂਦਾ ਸੀ ਤਾਂ ਪਿਛੇ ਇੱਕ ਟਿੱਪਰ ਚਾਲਕ ਸੁਰਿੰਦਰ ਸਿੰਘ ਪੁੱਤਰ ਬਲਵੰਤ ਸਿੰਘ ਵਾਸੀ ਰਾਜਪੁਰ ਪੁਲਸ ਸਟੇਸ਼ਨ ਦਸੂਹਾ ਨੇ ਟਿਪਰ ਨੰਬਰ ਪੀ.ਬੀ.05-ਏ.ਐਨ.-5348 ਨੂੰ ਤੇਜ ਰਫਤਾਰ ਤੇ ਲਾਪਰਵਾਹੀ ਨਾਲ ਚਲਾਉਂਦੇ ਹੋਏ ਐਕਟਿਵਾ ਵਿਚ ਮਾਰਿਆ। ਜਿਸ ਨਾਲ ਲੜਕਾ ਸਮੀਰ ਤੇ ਲੜਕੀ ਪਰੀ ਅਤੇ ਅਕਾਸ਼ ਦੀ ਮੌਕੇ ਤੇ ਹੀ ਮੌਤ ਹੋ ਗਈ ਅਤੇ ਮੁਕੇਸ਼ ਕੁਮਾਰ ਗੰਭੀਰ ਰੂਪ ‘ਚ ਜਖਮੀ ਹੋ ਗਿਆ। ਜਿਸ ਨੂੰ ਹਾਜੀਪੁਰ ਦੇ ਹਸਪਤਾਲ ਵਿਖੇ ਮੁਢੱਲੀ ਸਹਾਇਤਾ ਦੇਣ ਪਿਛੋਂ ਜਲੰਧਰ ਲਈ ਰੈਫਰ ਕਰ ਦਿੱਤਾ। ਲੋਕਾਂ ਨੇ ਟਿੱਪਰ ਚਾਲਕ ਨੂੰ ਕਾਬੂ ਕਰਕੇ ਪੁਲਸ ਦੇ ਹਵਾਲੇ ਕਰ ਦਿੱਤਾ। ਹਾਜੀਪੁਰ ਪੁਲਸ ਸਟੇਸ਼ਨ ਵਿਖੇ ਟਿੱਪਰ ਚਾਲਕ ਸੁਰਿੰਦਰ ਸਿੰਘ ਦੇ ਖਿਲਾਫ਼ ਮੁਕਦਮਾ ਦਰਜ ਕਰਕੇ ਅੱਗੇ ਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ

ਫੋਟੋ : ਦੋ ਬੱਚਿਆਂ ਅਤੇ ਇੱਕ ਨੌਜਵਾਨ ਨੂੰ ਮਾਰਨ ਵਾਲੇ ਟਿੱਪਰ ਦੀ ਤਸਵੀਰ, ਮ੍ਰਿਤਕ ਆਕਾਸ਼,ਮ੍ਰਿਤਕ ਸਮੀਰ ਤੇ ਮ੍ਰਿਤਕਾ ਪਰੀ ਦੀ ਪ੍ਰੋਫਾਈਲ ਫੋਟੋ।